اسمحولي أضيف أمر لربما وضح أو ساعد على توضيح من حامل البيرق...
وهذا المصدر موثوق لامجال للشك اطلاقاً ....
الجنازة يوم شاف جموع الصريف من ابن صباح وجيشه ..
وبعد المشاورة ومن أول مانطق وسئل عن طليفيح .. وصوت الفريخ...الفريخ....
ولا أعلم هل طلب تغييره ؟
وهنالك من روى إنه غيره والله أعلم..
ماعرفه ان راعي طليفيح هو الفريخ من سنجاره اما موضوع ان ابن رشيد اراد تغييره في معركه الصريف ليس لدي علم بهذا الموضوع
اما موضوع ان الجربا شارك في معركه الصريف فلم اسمع بذلك سمعت في معركة الجوف شارك الجربا
السلام عليكم ورحمه الله وبركاته
الليلة كنت ناوي الحلقة الثانية أو الأجزاء اللي ما ذكرته في الحلقة الأولي لكن بعد ما شفت ردود الإخوان راح أخره شوي لأني شفت في حماس وبنفس الوقت مشاركة الأخ أبو ليان ،، والسبب الثاني وبسراحه انتظر مشاركة الأخ والراوية أبو فهد فواز الغسلان لان عند معلومة من بعض الشيبان ببقعاء ان جدك يا فواز الغسلان عنده معلومات عن المعلومات اللي ذكرته بالجزاء الاول . والمصدر عشان ما يروح أبو فهد بعيد شيبان من بقعاء ومعرفين أنهم بقاعنة ولكن هم في الأصل من الإشراف . وإذا كان أبو فهد عنده معلومات يا ليت يفيدنا
ولا يفهم احد أنهم مصدر هالمعلومات لا هم من الناس اللي اكدولي هالمعلومات الله يرحمه .
أما إنا يالربع والله لو أقولكم منين أنا ما راح تصدقون علي العموم أكثر؟؟ مصدر معلوماتي من عبدة من شيبان حائل
وهالمخطوطات يا شااامااان لو ماهي موجود ما طلعت هالسالفة .... وعزالله ما كذب ناصرالسعيد الله يرحمه يوم قال ولا تدري ما له داعي ....
(((( نرجع للموضوع )))
خلف الرويتع .... راعي اللقيه .... أبو ليان
بقولكم هالنقاط الليلة وباختصار عشان ما تروحون بعيد انتم وبعض الإخوان :
1 - لما قلت يستأذن من محمد المهاد وهذا كان مثال رحتوا بعيد وبقولكم مثال ثاني يقرب الصورة لكم
(( لو قلنا علي سبيل المثال أن الحجلان علي سبيل المثال نوو يغزون هل يستطيعون العزوا بدون موافقة أي حاكم من حكام الرشيد ؟؟؟؟ وضن ما فيه توضيح أكثر من كذي ؟؟؟
وبذلك لم يستطع ولد ا لغفل الغزوا زي ما قلت علي العجمان لأنه بديره الجرباء والديره المعزية هي ديره الجرباء ومعه شمر وبعض القبائل يعني محد يقدر يسوي شي إلا بشور وموافقة الجرباء ،،، أعتقد كذي وضحت لكم الصورة ولا فيه توضيح أكثر من كذي ))
2 – راعي اللقيه // يقول في مختصر كلامه أن أسباب زي ما قال أخونا خلف الرويتع ،، قتل تجار حائل والصراعات بين القوي العظمي وبالذات بريطانيا والدولة العثمانية .
أولا : ليه ما تقولون أن أبن صباح ذبح تجار حائل بعد ما علم برفض الجنازة بالانضمام معهم ضد الجرباء لانه معهم بالعاهدة .
ثانيا ً : الظاهر أني قلت سابقاً بالقصة أنه بعد معركة الصريف بدء التواصل الانجليزي السعودي لإنشاء دولة آل سعود ==> وما قلت بدء التواصل الانجليزي الصباحي لإنشاء دولة ابن صباح ؟؟ < == والانسان الفاهم راح يخرج بشي من هالنقطة .
وبقول لراعي اللقيه /// يعني بعد هالكلام الللي قلته وهالشرح وهالمجهود معقولة تسأل عن أسم الشريف ؟؟؟ والله مصيبة أذا ما تعرفه ،،، ويمكن أتضح اللي كلامه أغرب من الخيال ؟؟؟؟
3 – بعض الإخوان يسألون عن أسم ولد الغفل وأنا زي قلت راح أوضحه بالجزاء الثاني ومن اللي سئلوا الأخ // نافع بن طواله ويقول أبي اسأل أو ينشد الغفيله عنه .. بقولك يا نافع منهم الغفيلة اللي تبي تنشدهم لأني اللي اعرفه وتعرفه أنت ويعرفه الجميع أن الغفيله للحين ما اتفقوا علي شجرة لهم وكل يوم يجي واحد ويحط شجرة شجرة جديدة للغفيلة . يمكن فهمت قصدي يا بن طواله بهذي .
أما قولك يا بن طوله أن شمر ما دريوا بالجيش إلا بعد ما وصل للقصيم هنا بقولك ليه أبن رشيد وشمر نايمين بالعسل؟؟ ،، يعني نجد قايمه قاعده بكل هالعدد من هالقبائل وأبن رشيد وشمر ما تدري بتحركاتهم والجرباء مصيف علي الفرات هو وشمر بعطلة صيفيه ما يدرون عن شي ..
هالحين منه َ اللي يبي يغفل التاريخ يا نافع بن طواله ؟؟
4 – خلف الرويتع أعجبن تغير أسلوبك بالمحاورة أو النقاش وحاول يالبناخي تجلس مع نفسك بخلوه وتربط كل المعلومات اللي عندك عن معركة الصريف مع المعلومات اللي قلته وأنا ترن ما أنفي المعلومات اللي عندك بس حاول تدمجه معي معلوماتي وتخيله قصه وحده وراح تكتمل عندك القصة ،، ويمكن الجزاء الثاني راح يوضح لك الكثير بس ما راح انزل الجزء الثاني إلا بعد مشاركة أو رد الأخ فواز الغسلان .يمكن انه راح تساعدن شوي اذا كانت عنده المعلومة .
5 – أما انت يابو ليان // ما قول إلا يا سلام عليك أنت مسكت أول الخيط بقولك ولا أعلم هل طلب تغيير الفريخ ؟؟
هذا من أهم النقاط اللي شفته من الاخوان في هذا النقاش .
اخي العزيز الغفل ضيغم زبده الكلام هذا اخر رد حيث لم نخرج بنتيجه انت مصر على رايك ونحن مصرين على راينى بس انت لم تقول اسم والد الغفل وتقول لن اذكره غير في الجز الثاني وربطت عدم ردك غير بعد تدخل فواز الغسلان وانا اعتقد انك لاتعرف اسم والد الغفل وتبي العلم من فواز الغسلان لن اسبوع نطلبك اسم والد الغفل وانت تتهرب من الاجابه نحن نريد اسمه فقط وباقي موضوعك انتظر عليه حتى تسمع مداخلت فواز الغسلان نريد اسم والد الغفل في التعقيب القادم اما موضوع ان والد الغفل غزى على العجمان وقتل عيال راكان فهذا غير صحيح والم نسمعه من الغفيله انفسهم كبيرهم وصغيرهم ياخي لو كانت المعلومه صحيحه تجدنا نفتخر فيه ونذكرها من امجاد شمر نحن لسن ضدك ولكن الواجب والامانه في التاريخ تجعلنا نختلف معك نحن فينا حمي على قبيله شمر ونتمنا ان ماتقوله صحيح وان ابن الغفل هو من قتل عيال راكان ابن حثلين ولكن مصداقيه هذا الموقع واخلاقنا لاتسمح لنا ان نستعير افعال لم نقم به تقبل تحياتي
سألت حدى الشيبان وقال
عبدالعزيز صوت يوم اقتنع بالمشورة والهجوم على جيش ابن صباح
صوت يالفريخ يالفريخ ....
وأخذ طليفيح ابن زويمل الفارس المعروف
وقاله الأمير عبدالعزيز لك اللي يبقى من الذروات نياق بن رشيد..
ياعصابة راسي جبت الطعه
اكبر سبب للغزوة : امر البريطانيين لابن صباح ان ينهو قوة العثمانيين في الجزيرة العربية الممثلة في حكم الرشيد
(غره سلاحه خمسة آلآف بارود)
امدوه بها الانجليز
2- سمعت والتاكيد على الرواة ان من الاسباب ان ابن رشيد غزا الكويت
(وحاصرنا الكويت شهورن اربع = ثلاث قلاع بالجهراء بنينا)
وذلك ان ابن صباح قتل بعض تجار حايل خفية بعد ماطلعوا من الكويت فعلم ابن رشيد وكان عنده ... البراهيم -نسيت اسمه- خال اخوان مبارك الصباح اللي ذبحهم وكان مغل على ابن صباح فحرض ابن رشيد عليه لما غزاه بالكويت.
* اما هذه الشخصية الوهمية اسمحلي اقول -من كيسك- شخصية وهمية فيما كتبت وللا يمكنه موجود بالواقع وله فعول , لكن بهالسالفة ليس له ناقة ولا جمل.
* وبعدين ذكرت انهم بعض جيش الجربا ثم ذكرت انهم رجالين الغفل والجربا , جو واخذوا بيرقين من بيارق الرشيد!
وليه ماعنده فريس , بس كذا يجون ويتعيقدون!
اما لوهو بيرق واحد على اللي معهم يمكن نمشيه
ولد الغفل
اسمحلي على عباراتي
لكن انت تطلب ممن يناقشك ان يناقش بالدليل ولا ارى على ما ذكرت دليل
وبعدين : ولد الغفل وين غزا ابن حثلين؟
بالمجمعه؟
من متى كانت المجمعه للعجمان؟
اسمحلي يالعزوة بس كتاباتك جعلتني اكتب هذا
دمت بود
انا مع اخي زاهي ان سبب غزو ابن صباح لحايل هو غزو ابن رشيد للكويت ومحاصرته له حتى فكت عنه الحصار القوات البريطانية المرابطة بالكويت . ورجع ابن رشيد لحايل .
اما ليش جميع القبايل تجمعت مع ابن صباح . المنتفق بعد هزيمة ابن رشيد له بالخميسية اذا مانا واهم
والروله لا يخفى عداهم للشمر وابن رشيد بالأخص وبقية القبائل على هالمنوال عتيبه ومطير واهل القصيم
وغيرهم . ما نسيوا فعول ابن رشيد بهم . وسنحت لهم الفرصه مع ابن صباح قالوا نتقاضى من ابن رشيد
اما فزعت الجربا لأبن رشيد بحايل وينهم عن نخوى
الشويهري ما فزعو يوم شمر نجد قليلة وضعيفه
وليش ما فزعو يوم كون الجوف يوم ابن شعلان
وجموعه تحاصر شمر بالجوف وهم قليل اما
وقت الجنازه شمر بعز وكثير ولاهم بحاجة فزعه لا
من الجربان ولا من ولد الغفل يجي من العراق ويفك
شمر . طبعا ً هذا ماهو انتقاص من الجربان او ولد الغفل لكن استقراء للتاريخ واحداث صارت حتى ان الجربان انفسهم الى الآن يقولون غلبنا هايس بفزعته وذبحته لعقاب .
الغفل ضيغم ما عليش اسمحلي معلوماتك ماهي صحيحة
ابو عتيق بكون الجوف مافزعو الجربان اللي فزع
الصديد اخو رفعه .
اخوكم / المطني .
هلا اخوي الغفل ضيغم 000
والحقيقه اني كنت اتابع النقاش ولم اكن ارغب الدخول فيه لولا طلبك ذلك00
والاحداث التي ذكرت انت في موضوعك اقول فيها:
1- لو كان حدثا واحدا لكان من الممكن خفائه او اخفائه وانما احداث متعدده وكبيره
لايمكن ان تخفى جميعها بهذا الشكل ثم تظهر فجأه على الساحه وتكون مخالفة لسير
الامور والاحداث السائده في ذلك الحين 00
2- ان جميع ماذكرته لم تذكر له شواهد وانما استدليت بقصائد عامه لا تنص على الذي
ذكرته انت لا من قريب ولا من بعيد 00بل اننا لانجد ذكرا للغفل ضيغم نفسه في جميع الاشعار
التي ذكرت ولاتوجد في القصائد دلائل ولا اشارات له ولوجوده اصلا 00
3- ان الشعراء من العجمان ومن شمر كيف لم يذكروا غزوة راكان للجربان ومثلها لو ثبتت فلن
يغفلها الشعراء لاسيما من العجمان الذين سيفتخرون وايضا شعراء شمر الذين سيتوعدون كما
جرت العاده بذلك 0
4- انك جعلت الغفل عقيدا بشمر ونحن لا نعلم له عقاده بغفيله نفسها ولم نسمع بذكره في
الاشعار مثل غيره من العقداء 000
5- مشاركة الجربان في الصريف غريبه ولم اسمع بها من قبل حتى من الجربان انفسهم فهي
روايه غريبه ومستبعده 00
لذلك من المعروف ان من اراد اثبات شي او نفيه فعليه الدليل 00 وانت الان مطالب بالادله على
كلما ذكرت لكي تتم المناقشه بناء عليها 00 اما قصائد راكان وحمود العبيد فليس فيها ذكرا ابدا
للغفل نفسه ولا لغزو الجربان وانما هي تهديد ووعيد فقط 00
فلا اجدك وضعت دليلا ولو ضعيفا لاثبات ماذكرته في موضوعك 00
هذه وجهة نظري يالغالي 00
الله عليك يالمطني كلامك صحيح ماشارك من شمر العراق الا بعض الصايح مثل الصديد اخو رفعه ومذخر
البقار كريم سبلا وكان مع مذخر البقار احد جماعتنا واما الجربان ماسمعت والله ان فيه احد شارك فيهم
والجربان عندهم من البطولات الشي الكثير
بسم الله الرحمن الرحيم
السلام عليكم ورحمة الله وبركاته
الشيخ راكان توفى في عام 1310 قبل معركة الصريف بحوالي 8 سنوات على وقت محمد العبد اللة
ولم يشترك من شمر العراق الا عراك المقامس الزقروطي وسبب المعركة دخول الانجليز للمنطقة
والسلام