(1)الحلقة الضائعة في تاريخ نجد ، ومعركة الصريف ودور الامير راكان بن حثلين فيها

[الغفل ضيغم]

بسم الله الرحمن الرحيم

السلام عليكم ورحمه الله وبركاته

حيالله الاخوان في مضايف شمر واليوم يالربع راح اذكر لكم احدي الحلاقات الضايعة من تاريخ نجد وهذه الحلق أو

المعلومة سوف تربط الكثير والكثير من الاحداث وسوف تغير الكثير والكثير من المفاهيم لدي الكثير من الاخوان

والمهتمين بالتاريخ .

نعم انا احد الاعضاء في هذا الصرح الرائع ومن خلال متابعة هذا المنتدي والكثير من المنتديات اللي تهتم بشئون شمر

والمنتديات الاخري التي تهتم بشئون القبائل الاخري وجدت اكثر من حلقه ضائعة أو الاهتمام بأمور او تعصب لأمور

معينه وأحداث معينه معروفه لدي الجميع وعند سؤال البعض عن السبب أو عن أي شي أخر يتعلق فيما ذكر لا تجد أي

جواب او جواب غير مقنع مبني علي التحليلات .

(( من هذا الباب حبيت ابين أحدي هذه الحلاقات الضائعة وسف ابدي بمعركة الصريف المعروفة لدي الجميع ))

واللي خلاني ابدي من هذي القصة أو الحلقة لأني أري انه من أهم النقاط اللي تربط الكثير من المواضيع في بعضها

البعض وسوف يدرك القاري انه َ سوف يعرف أمور كان يجهلها الكثير من الناس .

والسبب الثاني هو تعمد الكثير من كبار السنن عن ذكر هذه المعلومات وكذلك عدم تطرق الروات لها وتجنبها وأنا هنا لا

اعرف هل هو عدم معرفة الروات لهذه التفاصيل أو تعمدهم في عدم الخوض في هذه المواضيع وتطرقهم لرؤس أقلم يعني

يذكرون زبدة القصة ولا يأتون بالقصة وتفاصيلها كاملة .

أسف علي الإطالة في هذه المقدمة ولكني ما حبيت ابدي بالقصة قبل ذكرالسبب والحين اخليكم مع القصة

يالربع هذي بحكم الآمير عبدالعزيز المتعب الجنازة صار قحط علي نجد من الساحل لساحل وطول هالقحط علي قبائل نجد

ومعروف أن الحضر أي اللي يسكنون القراياء او القري يتأثرون هم والبدوا اللي يرحلون وينزلون لان البدوي يتأثر عشان

حلاله من بعارين وغنم والحضري يتأثر حلاله ومزرعته لانقطاع الامطار فترة طويلة .

ولان القحط طول صارت معاهده بين كل القبائل من الساحل لساحل أي من بلاد أبن صباح إلا الحجاز وبما أن الأشراف

كان لهم قدر واحترام من جميع زعماء القبائل صارت هالمعاهدة بزعامة وقيادة الشريف .

(( وكان مضمون هالمعاهدة هي أن محد يعزي علي احد من القبائل في وقت القحط وإذا غزي أحد علي أحد راح تاقف كل القبائل ضد العازي مع المغزي عليه )) .

وبالفعل وافقت كل القبائل علي هالمعاهدة لأنه تخدم الاطفال والحريم لانه كل عائله تعتمد علي المنايح اللي عنده في هذا الوقت يعني وقت القحط .

وفي يوم من الأيام يعني أيام المعاهدة موت بعض حلال جماعة الآمير راكان بن حثلين وجماعة لزمت عليه أنهم بحاجة

للغزوا لانهم يعتمدون علي الحلال مثل ما تعتمد كل القبائل ولان مصدر الحلال ما يجي إلا بالغزو ، وبعد إلحاح جماعة

عليه أجتمع الآمير راكان بجماعته وقال لهم اسمعوا يالربع حنا بمعاهدة مع القبائل وما نقدر نغزي علي أي قبيلة لإننا لو

غزينا علي أي قبيلة راح تاقف ضدنا كل القبائل .

لكن مالنا إلا نغزي القبائل اللي ما هي بالمعاهدة وكان يقصد قبائل العراق وبعد تشاور بينه وبين ربعة اتفقوا أنهم يغزون

الجربان وهنا كان فيه سبب لغزوا الجربان السبب هو أن الأمير راكان بين حثلين كان يعلم أن الجرباء خارج بغزوه هو

فريس شمر اللي معه وعلي كذي يسهل علي أبن حثلين العزوا وكسب حلال شمر بدون أي مجهود أو خسائر تذكر لانه ما

راح يكون به إلا الاطفال والحريم وكبار السن والقليل من الرجال مثل العبيد والرعيان .

وفعلن غزي الامير راكان بن حثلين عليهم وخذي حلال شمر ورجعوا لديرتهم بدون أي مقاومه تذكر وكان مصير من

قاوم القتل لبعض كبار السن والاطفال اللي بسن المراهقه يعني توه مسترجل وغيرهم وهنا وضحت السبب وبعد عودة أو

رجعت الجرباء من غزوته علم وعرف باللي صار بغيابه وعرف أن راكان ابن حثلين غزي علي ديرته بغيابه .

توجه الجرباء لبيته بعد رجوعه من العزوة ومعه َ كل الشيوخ والفريس وكانوا بحالت غضب وزعل وطنا علي فعلت راكان بن حثلين .

وقام كلن يقول رايوه /// هنا قاله الجرباء اسمعوا يالربع حنا تونا جاين من غزوا وفريسنا تعبانين وركايبهم تعبانه أصبروا

ياما ترتاح الفريس والركايب ترجع له حال وبعدين يالربع أبن حثلين بمعاهدة تبي تاقف معه كل القبائل /// لكن اصبروا

ياما نسترد قوتنا وناخذ حقنا من راكان ابن حثلين .

هنا قمز حدي الفريس اللي بمجلس الجرباء وقال اسمع يا طويل العمر انا والله مصبر ولا بي صبر والله ثم والله انا ما خليتن انحر ابن حثلين والله لذبح روحي .

وهالفارس للمعلوميه من (( أولاد الغفل من أهل موقق )) وكان يحظي بتقدير وحب خاص عند الجرباء من بد كل الفريس اللي عنده

هني بعد حلف ولد الغفل قاله الجرباء يا ولد الغفل يهداك الله اصبر ياما ترتاح شمر وترتاح ركايبهم قال ولد الغفل ياطول

العمر انا مابي صبر وهالمعزي علي ابن حثلين ماهو اجباري علي شمر اللي به حيل وقادر يمشي معي واللي ما به حيل
معذور عقب غزوتنا هالطويله .

وعقب كلام ولد الغفل ارخص له وسمح له الجرباء وفعلن مشي ولد الغفل ومعه مجموعه ما هي بسيطه من شمر وتوجهوا

لديار ابن حثلين وعندك عندك لين صبحوا ابن حثلين وجماعته وصار اللي يشيب الراس ذبح اللي ذبح وهج اللي هج

وصارت الديره أي ديره ابن حثلين مابه إلا الحريم والوغدان والشيبان لان اللي ما ذبح هج بعمرة .

(( هنا صارت امور لا اريد ان اذكرها في الوقت الحالي لكي لا تفهم غلط ولانها بحاجه لموضوع مستقل سوف أذكره لاحقا ً ))

وبعد أنتصار ولد الغفل ومن معه من شمر علي راكان بن حثلين رجعوا للعراق بحلال شمر وحلال راكان وجماعته

وكانت من اشد المصايب والخساير اللي وقعت علي الامير راكان بن حثلين .

وبعد رجوع ولد الغفل وشمر اللي معه للعراق رجع من انهزم من جماعة راكان وكان من اللي انهزموا بعمرهم راكان

تجمعوا وتفدوا من اللي حي ومن اللي مات وكانت خسارتهم كبيره

وفي نفس الوقت صار خلاف بين راكان وابن حثلين وجماعته وهالخلاق أسمحولي ما قوله هالحين لاني خايف ما أوصل

المعلومة بشكل غير صحيح وهذا تاريخ حرام انه يفهم غلط لكن وعد مني اني انزله بموضوع مستقل ومفصل بوقت قريب .

علي العموم صار الخلاف ((وقامت حدي حريم العجمان تنخي ولد الغفل )) علي راكان ابن حثلين لان هالمره شافت فعل

ولد الغفل وفعلن وصلت نخوته ولد الغفل بالعراق وعرف سالفته وهو يسرخص من الجرباء ويركب ذلولوه وعندك عندك

يمشي بالليل ويتخبي بالنهار لانه زي ما قلت ما يقدر يجي بجيش لان كل القبائل وقفت مع ابن حثلين بعد ما غزي علي

ديرة راكان ابن حثلين وما بغي يعرض شمر للخطر .

وصل لديرة راكان وكان يعرفه عدل لانه قبل فتره بسيطة كان به زي ما قلنا ربط ذلوله بعيد عن العرب وجي يعدي بالليل

لبيت راكان يبيه بس ما حصله وهو ينكس حول الفجر قبل طلوع الضوء وهو يلبد بعيد عن العرب والليل اللي بعد زيه ما

قدر ياصل لراكان ياما جت الليلة الثالثة دري أنه ما يقدر ياصل لراكان من كثرت الفريس اللي حوله وهو يقوم ويذبح عيال

راكان بن حثلين الاثنين

(( وهنا بعض الاخوان أو الروات يقولن أن واحد مات من مرض والثاني مات بخلاف بينهم )) لكن هذي الحقيقة وهذي قصة ذبحتهم )) .

وبعد ما ذبحهم هج مع اثره ويوم جي الصبح ودري راكان بذبحت عياله دري ان ما جاوه إلا ولد الغفل وهو يطلبه هو

وجماعته يقصون اثره . هنا عرف ولد الغفل انهم راح يلحقونه قبل ياصل اهل ويذبحونه وهو يزبن علي حدي شيوخ شمر

حول رفحاء وهو يعلمه بالسالفه كله وقاله انهم وراوه أو حولهم ،، وبما أن هالشيخ من شمر ومن ضمن الناس اللي

بالمعاهدة وما بيده إلا انه يغيبه فعلن غيبه ووصل راكان وجماعة دوروه وما لقوه لا هو ولا ذلوله لان الشيخ اللي قلنا من

شمر غيبه هو وذلوله .

(( وهنا صارت تفاصيل اسمحولي ما قوله هالحين لانه تبيله موضوع مستقل عشان ما تفهم غلط ووعد راح اذكره هالايام الجايه ))

ويوم ان راكان وجماعته ما لقوه قالوا يوم وصلنا هالمكان وما لحقناوه ما حنا حوله اكيد انه حول اهله مار خلونا نرجع

لهلنا وفعلن رجعوا وطلع ولد الغفل بعد رجعتهم وركب ذلوله ورجع للعراق .

/// بعد عودة راكان بن حثلين لديرته قام يتوجد من القهر ///

))) الاوله ذبحت اكثر فريسة ووخذ كل حلاله وحلال جماعته ،،، والثانيه ذبحت عياله الاثنين (((.

وهو يكتب هالقصيدة ينخابة ابن صباح علي الجرباء ويقول ابن حثلين :

الطير يازبـن المناعيـر يفـداك=نبغى العوض بالطير خطو النداوي

نبي اشقرن عـل المنايـا تعـداك=اللي الى جا الخرب ما هوب ياوي

نبي العديم اللي من الربع شرواك=مضرب كفوفه يودع الخرب هاوي

واسلمك سيـفً صقيـل بيمنـاك=واضرب علي ياشيخ ما كنت ناوي

والله ماتعطيـه يمنـاك يسـراك=لاشفت وقعه فـي كبـار اللهاوي

اسمع كلام اللي على الطيب ينخاك=واترك كلام اللي عن الطيب ثاوي

وللمعلومية القصيدة طويلة وهذي ابيات منه والقصيدة موجود عندي بمخطوطه ولكن حرصن مني ولانفرادي بامتلاك هذه

القصيدة (( إذا ماني واهم )) ما حبيت اذكره كله وضيع قيمت المخطوطة لعل وعسا أني اذكره بوقت لاحق اري انه

مناسب لذكره كامله .

وصلت القصيدة لبن صباح وبن صباح بدوره قام يرسل المراسيل للقبائل اللي بالعهد ويذكرهم بالعهد وفي نفس الوقت

اللي كان يرسل به ابن صباح المراسيل كان الامير حمود الرشيد زعلان من قصيدة راكان بن حثلين لان به ابيات

بالقصيدة ازعلته وهو يقوم ويكتب قصيدة وهي تاصل ابن حثلين وقصيدة الامير حمود الرشيد يقول به :

قصيدك اللي يابن حثلين دهواك=تضرب علي طاش البحرماتراوي
وأذهبت ( يامن ) في قصيدك وحمراك=وبعتـه برخص عقب ماهوغلاوي
وقولن بلا فعلن بها الناس تقفاك=والحكي ببلاشن وشـربالقهاوي
غديت مثل أفداوي الله يبلاك=وعرضت ( يامن ) للمحنوالبلاوي
كم وأحدن في جرتك يتبع أرضاك=من عقب ما هو من كبارالهقاوي
لولا ) أخو نوره) جابلك يوم جلاك=تموت وأنت معالاجنابجلاوي
وقصيدك اللي تذكر الطيب خلاك=تحت نحورالخيل مثلالحذاوي

وأخبر تري ما جاك من فعل يمناك=معه كثير الحكي هو والحداوي

وأن طعت شوري حط حكيي بمعناك=لا تصير في كل الاحوالفداوي
تري الفداوي ذمهالله لشرواك=والهذر مذموموكثر اللغاوي
وقول رجلن ما يخافك ويدراك=لا هوهتيمين ولا هوحساوي
في ظل شيخن بالمراكيض خلاك=بالمجمعه بظلال عطبالاهاوي
أحرص من اللي يوم حاما تنصاك=وخلاك تمرح في شعيبنخلاوي

وأن كان تبغي النصح حنا نصحناك=ماهي كثير الهذرمهوالحكاوي

واللي يقري القصة من البداية وقري قصيدة الامير حمود الرشيد يلاحظ أن الامير حمود الرشيد ينصح الامير راكان بن
حثلين ويذكره باللي صار له من ولد الغفل اللي بحماية الجرباء شيخ شمل شمر .
وختم القصيدة بقوله ::
في ظل شيخن بالمراكيض خلاك=بالمجمعه بظلال عطبالاهاوي
أحرص من اللي يوم حاما تنصاك=وخلاك تمرح في شعيبنخلاوي
وأن كان تبغي النصح حنا نصحناك=ماهي كثير الهذرمهوالحكاوي
وصلت قصيدة الامير حمود الرشيد للأمير راكان بن حثلين وزعل الامير راكان من قول الامير حمود الرشيد ورد عليه
بقصيدة وقال :
خطك لفا يا حمود والنـذل يفـداك=وفهمت أنا معنى الكلام النحـاوي

وتوى عرفت أنك سفيـه بمعنـاك=ولا تحسب أنك في كلامك رهـاوي

وان كان تبغي النصح حنا نصحناك=واخذ كلام الصدق منـي شفـاوي

واياك لا تطرف عيونـك بيمنـاك=واترك كثير الهذرمـة والهـذاوي

وإبليس لا يرميك في بيـر الإدراك=وتراك فيما قلـت بالقيـل غـاوي

وأنا نذيرك يا بن الأمجاد وأنهـاك=هدية كان انـت تبغـى الهـداوي

وإن طعتني والا ترى قداك ما جاك=وربي حذفكم فـي كبـار البـلاوي

يا ما وياما يا السنافـي ذخرنـاك=في حشمة الممدوح عطب الأهاوي

لا شك خليناك مـن شـان ذولاك=ربـع لهـم ورد بيـوم العـزاوي

يا حمود يا مسكين يا ما تركنـاك=مسكين ما تحمل ركوب ونخـاوي

أخذ كلام الصدق ما هـي حكايـاك=كـلام منهـو مقعـد كــل داوي

والله لو نبغيك أن يطنـب أرغـاك=وتقعد على المرحان يا حمود ثاوي

وإن كان قصدك قيل حنا عطينـاك=كانك لنظم القيل طـرب وكهـاوي

ترى مشير السو جابـك وخـلاك=خلاك فـي جـو وحيـد خـلاوي

وهني نلاحظ من قصيدة الامير حمود الرشيد انها نصح وتذكير للأمير راكان بن حثلين بما حصل له من ولد الغفل

كما نلاحظ من قصيدة الامير راكان بن حثلين علي شكلك نصيحة ولكنها بأسلوب زعل ،، ولا نلاحظ أي تهديد او وعيد

بالحرب من كل الاميرين حمود وراكان وهذا دليل علي كلامي أن الامير ركان بن حثلين نخي أبن صباح علي شيخ

مشايخ شمر الجرباء ، ومن قصيدة راكان راح اختار لكم هالبيت مع أن القصيدة مفهومه ولا تحتاج شرح بس هذا البيت

يدلل زياده علي كلامي ان ما بين راكان والرشيد شي والمقصود الجرباء والبيت هو //

والله لو نبغيك أن يطنـب أرغـاك=وتقعد على المرحان يا حمود ثاوي

هنا وبثناء المراددة الشعرية بين الامير حمود الرشيد والامير راكان بن حثلين جمع ابن صباح الجموع والاحلاف من كل

القبائل اللي علي العهد وكان الامير راكان ابن حثلين زعلان من الامير حمود الرشيد بسبب القصيد اللي قاله وقال راكان

بن حثلين لبن صباح ما بقي إلا ابن رشيد بحائل لازم يجي معنا لانه من ضمن الحلف والعهد .

وارسلوا مرسال للأمير عبدالعزيز المتعب الرشيد الجنازة ومضمونه أنك لازم تنضم لنا ضد الجرباء لانك من ضم الناس

اللي عاهدت وانت ملزم يا بن رشيد .

(( هنا صارت نقطة تحول بالتاريخ وصار اللي ما هو بالحسبان ))

اذا كان الامير حمود الرشيد زعلان من قصيدة راكان بن حثلين وهذي كانت ردت فعله وش بيكون رد الجنازة أخو رثعه

علي طول رد أخو رثعه الجنازه المرسال وقاله قلهم اني ماني معهم وما هو انا اللي يصير من الاجناب ضد عيال عمة

وانا ان صار بينكم وبين الجرباء شي تروني مع الجرباء ضدكم .(( والله من العز الله يرحمه ))

رجع المرسال لبن صباح وبن حثلين ومن معهم وعلمهم بقول الجنازة /// وهم يتشاورن بينهم وش يسوون ، ومن غرورهم

بكثرتهم وكثرت بيارقهم قالوا نتجه لحائل ونأدب ابن رشيد بحائل ونقضي عليه وبعدة نتوجه للجرباء((هذي نقطة التحول))

وفي هذي الوقت كان الجرباء يعزز قواته وفريسه ومجهز نفسه لمواجهتهم وكان يدري بكل اخبارهم وبعد ما دري بانهم

يبون يتوجهون لبن رشيد بحائل اجتمع بالشيوخ والفريس اللي عنده وقال وش رايكم يالربع وبعد مشاوره بينهم طلعوا

بنتيجه وهو خافوا ان ابن صباح يغير رايه ويتجه للعراق .

وهنا خافوا أنهم اذا اتجهوا لحائل يعقبهم ابن صباح للعراق وقالوا بعد المشاور بينهم أنهم ينقسمون قسمين مجموعة منهم

تتجه لحائل لمناصرة ابن رشيد والجزاء الاكبر يبقي بالعراق .

وفعلن اتجهوا لحائل بقيادة ولد الغفل اللي قلنا في بداية القصة وشيخ وفارس من الجربان ووصلوا لحائل وضيفهم الجنازه

وبعد فتره بسيطة من وصولهم تأكدوا أن ابن صباح ومن معه ُ متجهين لحائل وقال اخو رثعه ننطحهم ما نتحراهم ياما

يجون وفعلن نطحوهم وتواجهوا بالصريف .

واللي صار بالصريف معروف لدي الجميع انه انتصروا شمر لكن كل الناس تعرف انه ابن رشيد لحاله بس ضد ابن

صباح والبيارق اللي معه ،، هنا اقولكم لا ؟؟؟ صار جيش شمر ثلاث بيارق بيرق بقيادة ابن رشيد أخو رثعه وبيرق صار

بقيادة الجربان وبيرق بقيادة ولد الغفل . لكن كلهم انضموا تحت بيرق ابن رشيد وكان هو القائد للمعركة .

(( وهنا بقولكم معلومه مع انهم ثلاث بيارق ما يجون ربع جيش ابن صباح ))

صارت معركة الصريف ونتهت بنتصار ساحق ومشرف لشمر علي ابن صباح وابن سعود واللي معهم من القبايل وهنا

ينسب هذا الانتصار لبن رشيد الامير عبد العزيز المتعب الجنازة أخو رثعه لانه هو الامير والحاكم لحائل .

وبعد انتصار أبن رشيد صارت احداث خلال انهزام جيش ابن صباح كثيره لم يسعفني ان اذكرها كما اني حبيت ان اذكرها

موضوع مستقل لكي لا تشوش علي أفكار القاري وهي احداث تعتبر حلاقات ضائعة لتاريخ نجد ووعد اني راح اذكره فيما
بعد بموضوع مستقل .

وبعد انهزام جيش أبن صباح وبن سعود واللي معهم من القبائل قصد العزي قصيدة يوضح ما حصل بالمعركة والعزي من

جيش ابن صباح من اهل الكويت .

وقال :

يا مزنة ِ غرا نشت من مغيبة=ترعد وتبرق ساقها رب الارباب

ترمي السخط يا ويل من هي تصيبة=بأركانها تسمع كما ضرب الاطواب

همت ودمت وأدلهمت غضيبة=وستثقلت باللي للأرواح جذاب

نو ٍ يروعك بالخضيرا نخيبه=خص الجموع اللي عليها السما ذاب

تبغي الحريب اللي دنا من حريبه=أبن صباح اللي تروس للأسباب

ثور ٍ وجمع من تردي نصيبه=بأهل الكويت ومن معه كل خشاب

من كل غيص وكل سيب ٍ يجيبه=واللي يحدقون السمك زام حراب (1)

وجنوده العجمان واللي حظي به=مع الدويش ومن تلاهم الاجناب

والمنتفق وأبن شريم ونسيبه=وجملة بني خالد وسالم وغصاب

زلفاهم الدجال نقرة مثيبه=نار المسيح وذل ياحق بمطلاب

رميوا هل النقرة معشا لذيبه=والضبعة العرجا تري كيفها طاب (2)

يلحق بها سبع ردي ٍ دبيبه=كل السباع كل السباع الضاريه كيفها طاب (2)

ياذيب سوفه ناد ذيب الزريبه=واشبع بها يا ذيب فراس بالناب

لا تأكل إلا كل بيضا تريبه=تلقي مشاكيل زلبات وركاب

بارض الصريف اللي وطاها وطي به=شرق وشمال قبلة ٍ عنه مغراب

مثل الهشيم اللي بقيضة شعيبه=هشيم طلح طول الأيام عباب

يا ويل شيخ قادهم من حسيبه=شيخ ٍ عليه الرمل شقن الاجياب

الغوج خلي ما لقي من يجيبه=عند ابن شايق ما لقي الغوج ركاب

عاضوه بالحلوا رياض عشيبه=ما يشبع الرجال من عشب عشاب

من فوق حرذون ٍ يحك الشطيبه=تسعين ليلة ومقعد الشيخ ما طاب (3)

خلوه بالسره كبير المصيبه=فقر الوقاري طالعه عقب ما شاب

جابوك شمر يا طويل الذويبه=لومك علي اللي دبروا عنك هراب

قاده وثابه واحد ٍ ما يثيبه=لو هو يثيبه كان في ما مضي ثاب

نومه إلي جا الليل ما يهتني به=بالليل زامات علي قصره ضراب

يأخذ علي الجله قروش حسيبه=ماهيته تمشي علي كل حطاب

الحاكم اللي بالمناور صحيبه=ما عاد يظهر بيرقه من ورا باب

عنده نزل حوض المنايا طنيبه=عوق الحريب اللي إلي زير ما غاب

في ساعة ٍ واجه حبيب ٍ حبيبه=يوم أن غال العمر ما أخطاه ما صاب

بحريقه ما يبرد الماء لهيبه=بدوس ودخان وعج وسكاب

ثار الدخن والعج وانقاد سيبه=والشمس عنهم غايبه تقل بحجاب

ويذكر لنا فرز الوغي شق جيبه(4)=ما هاب موت الحمر يوم شبت تلهاب

عقر ثلاث ٍ به والرابعة عطيبه(5)=(........................)

حضر الجبل ردوا الهند عجيبه=شمر مفاتيح الفرج عند الاكراب

شيب به اللي ما بعد حل شيبه=وغدوا شبان الاولاد شياب

لا تامن الدنيا ولا ترتهي به=تمني وتعطي عند الاقفاي عرقاب

أن ادبرت قصت حبالن قطيبه=وأن أقبلت فادني شريط ٍ لها جاب

عشي وبدل كل عوصا عقيبه=تقول ربد ٍ حولت عقب الاعقاب

جاب الله الديدب وهو يمتني به=عشي ولا بقي بهم كود نجاب

شب الفنر للي سري يقتدي به=طوال ليله ساهر ٍ تقل مشهاب

صوت المرزوق الجنيد ولعيبه=تلاحقوا بالصوت زينين الالعاب

حرب أخو نوره من تمني بلي به(6)=عز الرفيق وعز شمر والاصحاب

علي العدا سم اللي ما سقي به=والسم نزر ٍ ما تداويه الأطباب

ولصاحب أحلا للجسد من حليبه=واحلا من السكر علي كبد شراب

شيخ ٍ إلي سمع الخطاء ما رضي به=يحط للدايج بالإسواق نواب

(( تمت قصيدة العزي واعذروني عن النقص لانه فيه ابيات ماهي واضحه بالمخطوطه ))

وهني ابي واضح معني بعض الابيات بالقصيدة :
( 1 ) يعير أهل الكويت ببياعت السمك
( 2 ) من كثر الجثث بالمعركة شبعت السباع والضباع الضعيفه (( كيفها طاب ))
( 3 ) تسعين ليه ومركب (( أو مقعد )) الشيخ ما طاب : يوم هرب دحيم بن عبدالرحمن بن فيصل ركب ذلوله بليا شداد من العجله والمعروف أن السفر الطويل يبيله شداد لذا نزف من مقعدة لانه تسعين ليله هجيج لياما وصل الكويت => والشاهد قول أبن هويدي :
أن طعت شوري أنثبر يا غزالان=وخل المغازي كلها لرشيدي
ما شفت أخوك دحيم والعبد فرحان=خلوك يا ديك السمادة وحيدي

( 4 ) فرز الوغي : هو الجنازة عبدالعزيز المتعب الرشيد .
( 5 ) في المعركة ماتن ثلاث خيول تحت الجنازة وكمل المعركه بالفرس الرابعه وانتصر .
( 6 ) أخو نورة : نخوت سلالت عبدالله بن رشيد وكان الجنازة معروف بأخو رثعه

(((((( الوقــفــه الاولي ))))))

معركة الصريف كانت المعركة الفاصلة التي وجهت انظار البريطانيين نجو الجزيرة العربية ، وأبتداء بعدها التدخل

البريطاني في تغيير موازين القوي بتلك المنطقة من العالم ، ولا سيما وأن الحرب العالمية الاولي قد بدأت بوادرها

ومقدماتها من خلال التحالفات التي قامت ، فكانت دول المحور المتحالفة مع الدولة العثمانية تحاول فرض سيطرتها علي

الشرق العربي ، في حين كانت بريطانيا تجند حلفائها لتعزيز مواقعها الاستراتيجية في المنظقة ذاتها .

((((( الوقــفــه الثانية ))))))

أطراف معركة الصريف :

الطرف الأول / بقيادة أمير حائل الامير عبدالعزيز المتعب الرشيد ( حكم من 1897- 1906 ) ومعة أهلي حائل وقبيلة

شمر فقط ومعه فارسين الاولي من الجربان والثاني من أولاد الغفل جاءوا من العراق لتعزيز قوات ابن رشيد وقدر عدد

الجيش بعد التعزيز الذي وصل من العراق بحوالي 12000 رجال .

الطرق الثاني / بقيادة أمير الكويت الشيخ مبارك الصباح الملقب بالكبير ( حكم من 1896-1915 ) ومعـه ََ كل من :
1- أهالي الكويت
2- أبن سعود
3- آل مهنا أبا الخيل أمراء بريده
4- آل سليم أمراء غنيزه
5- قبيلة مطير
6- قبيلة عتيبة
7- قبيلة العجمان
8- قبيلة الرشايدة
9- قبيلة العوازم
10- قبيلة بني هاجر
11- قبيلة بني مره
12- قبيلة بني خالد
13- قبيلة السعدون المنتفق
14- قبيلة قبيلة سبيع
15- قبيلة السهول
16- قبيلة قحطان
17- قبيلة الروله
18- وعدد كبير من البدوء المرتزقه واقصد بمرتزقه أي الذي أتي بهم هو الطمع في كسب الغنائم من الحرب بسبب القحط الذي قلنا سابقا ً .
19- ويقدر عدد الجيش كاملا ً بهذا التحالف الكبير بــ 64000 رجال .

(((((( نتائج الـــمعركــة ))))))

هناك ثلاث نتائج لهذه المعركة

1- أنتصار شمر وازياد نفوذ حائل وأسرة الرشيد في الجزيرة العربية .

2- تحول موقف مبارك الصباح من موقف الهجوم الي موقف الدفاع عن إمارته

3- بدء التواصل الانجليزي السعودي لإنشاء دوله آل سعود .

((((((((( الوقفــة الثالــثــة والاخيره ))))))))))

هنا أقول للأخوة القراء والباحثين عن الحقيقة وعن الحلاقات التي ضاعت في تاريخ نجد وبالتحديد في حكم الرشيد .

1- سوف يقول بعض الاخوان أن الامير ركان ما لحق علي حكم الرشيد وانه مات قبل حكمة بخمس سنوات وانا اقول هذه غيرصحيح والحقيقة ما ذكرته في القصة أعلاه .

2- سوف يقول بعض الاخوان أو الروات سواء من شمر أو من العجمان أنه ما صارت مرادده شعرية بين الامير راكان بن حثلين والامير حمود الرشيد ،، وأن بدوري أقول انتم تقولون ما تريدون لكن هذا هو التاريخ المخفي .

3- جميع الاخوان المهتمين بالتاريخ فهموا من الشيبان والروات أن المتصدر علي هذه المعركة أبن سعود وأبن صباح وفي المقام الاول أبن سعود ،، وهنا اقول ليس ابن سعود لكن القدر والاحداث صارت من صالح ابن سعود فيما بعد وتوقع انكم فهمتوا كلامي بناءٍ علي القصة التي ذكرت أعلاه .

4- سوف يقول البعض انا أبناء راكان بن حثلين واحد مات بمرض والثاني مات بخلاف داخلي بين القبيلة وهنا أقول أن هذا الكلام غير صحيح فهما قتلا كما ذكرت بالقصة ونعم كان السبب في قتلهما خلاف داخلي ولم يكن هما المقصودين بالقتل كان المقصود راكان والدهما ولكن القدر حكم بقتلهما كما ذكرنا

5- سوف يستشهد بعض الاخوان بقصائد وتاوريخ إلا أخره من الامور ، وهنا اقول لكل من يخالفني فيما قلت أذا كان عندك كلام مقنع من البداية بشكل مفصل عن اسباب معركة الصريف وما هو سبب حدوثها فليتفضل أما من يخالفني علي نقطة معينه لمجرد المخالفة فأنا هنا لست مجبر بالرد عليه .

6- قدمت حلقة من أثمن الحلقات التي تربط الاحداث التي حصلت في نجد وأنا متأكد انهَ سوف يستفيد منها الكثير من الروات والاشخاص الباحثين عن التاريخ وأنا وسوف اكون في انتظار ما سوف تقدمة هذه الحلقة لروات لانهم سوف يربطون المعلومات التي عندهم بهذه الحلقة ويتضح لهم الكثير من المعلومات مما سوف يوئثر علي كتاباتهم وتغير منهجهم في الكتابة .

7- أخواني الاعزاء في مضايف شمر هذه المعلومة أو الحلقة هي حصري لمضايف شمر ،، وليعلم الأخوان اني علي عجله في كتابة هذه الحلقة الضائعة وحاولت أن اختصرها قدر الاستطاعة لكي لا أخرج عن الموضوع ولكي لا يتشعب الموضوع ،، وسوف اقوم في كتابة الاجزاء الناقص من هذه الحلقة عن قريب إنشألله .

وفي النهاية تقبلوا خالص تحياتي وتقدير

وعسا أني قدمت ما فيه مصداقية لتاريخ شمر المشرف ليستفيد منه الجميع

وسمحوا لي اختمة بهالبيت

ماضيك يا شمر حرف دواوين=وأنا الغفل أقول يا زين ماضيك

أخوكم

الغفل ضيغم

[خلف الرويتع]

اخي الغفل ضيغم اسمح لي اقولك تراك عفست التاريخ فوق تحت وكل كلامك لايوجد له مصدر اخي العزيز كل ماقلته غير صحيح انت سمعت هذا الكلام ولكنه غير صحيح شمر لم يذبحون عيال راكان ابن حثلين نحن ياشمر نرد عليك قبل العجمان ولسن في حاجه لتاريخ مزيف ولو شمر ذابحين عيال راكان كان تجد هذا الموضوع مثبت في منتديات شمر جميع وبعدين منهو الغفل و هذا البطل الخرافي الذي لايعرفه غيرك ولايوجد له تاريخ غير عندك والمصيبه عندم ارد ان يغزي يستاذن من الجربا وشهو عريف فصل الله يهديك بس واول مره اسمع ان هناك حلف يكون بين جميع قبائل الجزيره العربيه هذا الحلف لم يحدث ابداً انت اعطني تاريخ ذلك الحلف وانا مستعد اثبت لك والى جميع الاعضاء ان الفتره التي حكم فيها عبد العزيز الجنازه من 1315هـ وحتى مات عام 1324هـ كانت هناك الكثير من الحروب بين قبائل نجد فكيف يكون هناك حلف وتكون هناك معارك اخي العزيز ارجو ان ترجع الى كتب التاريخ وتتطلع عليها وبعد ذلك تكتب بتاريخ اسمح لي ان رديت عليك بهذا الرد ولكن اسلوبك يجعلني ارد بهذه الطريق فالتاريخ ليس فيه مجامله تقبل احترامي

[خيال - n]

اخي العزيز تعداد الجيوش غريب جدا كيف عرفت التعداد ؟
والشيخ راكان ابن حثلين رحمه الله من اشهر ابطال الجزيرة العربيه ماصار له فعل به القصه الطويله 0

[السهيلي]

بغض النظر عن مصداقية الأحداث أعلاه.. هناك أمور:

1-من القبائل اللي مع ابن صباح ولم تذكرها أخي العزيز:

أ-الظفير:
وأميرهم جعيلان بن سويط.

ب-قبائل عريب دار.

ج-حضر الكويت:
من الحضر والتجار وأهل اللؤلؤ والحداق-على قولتهم-والسمّاكة..وهؤلاء هم المساكين:حيث أن أكثر قتلى الجيش منهم،ربما لعدم خبرتهم كالبدو المتمرسين بالقتال والكر والفر والانهزام عند انكسار الجيش.

كما قال الشاعر يذكرهم:

ثورٍ وجمّع من تردّى نصيبه
ــــــــــــ بأهل الكويت ومن معه كل خشّاب

من كل (غيص) وكل (سيبٍ) يجيبه
ــــــــــ واللي يحدقون السمك زام حرّاب !

هذا اللي يحضرني الآن من النواقص.

2-راكان بن حثلين توفي في شوال 1314هـ أي قبل الصريف بأربع سنوات.

3-بعد تفكير قليل نستطيع الاقتناع أن ابن صباح لم يُرد الجربا بالعراق.. بل طمع بحائل وابن رشيد لأسباب:

أهمها:1-امارة ابن صباح قائمة على الحماية لبريطانيا والتبعية لها-وذلك بعدما وقّع الاتقافية السرية مع الإنجليز دون علم العثمانيين الذين كان تابعاً لهم سابقاً.. وذلك قبل الصريف بسنوات-بينما ابن رشيد بعكس ذلك يرغب بالعثمانيين على الإنجليز..
ومن هنا نلحظ تخطيط القوى العظمى الاستعمارية للاستيلاء على الأقاليم في العالم. بواسطة الأمارات المواليه لها.. والزّج بها للتناحر فيما بينها فيما يخدم هذه القوة أو تلك..

نستخلص من ذلك ان ابن صباح يستطيع غزو حائل ولكن لايستطيع التوغل في العراق (المستعمرة من قبل الأنجليز آن ذاك)..!!

2-ابن صباح يستطيع التوغل بجيشه في نجد لأن معظم الذين معه هم أهل نجد.. أي له بكل منطقة هناك -من الكويت وحتى جنوب الرياض-أصحاب وأتباع. باستثناء حائل..!. يعني الطريق ممهدة له إلا بحائل.. بعكس لوما أراد التوغل بالعراق فليس له أتباع هناك ولامع جيشه أحد من القبائل العراقية باستثناء القبائل الحدودية مع الكويت مثل:المنتفق-الظفير-عريب دار.. فالتوغل في العراق وسط القبائل الداخلية صعب جداً..بالطريق نحو الجربا..!

أتمنى أني استطعت استقراء الأحداث جيداً

تحاياي

[نافع بن طواله]

اخي العزيز


كلمني بالمنطق


كيف يكون ولد الغفل قايد بيرق بالصريف وماسمعنا فيه

وانت نفسك ما تعرف اسمه - صعبه تمر هذي قايد بيرق وانت ماتعرف اسمه ؟-


والاخرى

قايد البيرق الثاني الجرباء - شلون قايد بيرق ومن الجرباء وفي معركه سطرتها كل الكتب التاريخيه من عرب وعجم ولم يذكروا اسمه وانت ايضا تعلمنا بالحلقه المفقوده من التاريخ ولم تبلغنا عن اسمه -


وكيف مثل ماتقول ان الفزعه جت من العراق لحايل وهم خويا وبالصريف ينقسمون لبيرقين

يعني شلون هم جيش واحد وينقسمون لجيشين وشمر بحايل كلها بيرق واحد او جيش واحد

ومع هذا تقول انهم جايين فزعه لحايل رغم انهم متوقعين ان الحرب تتحول للجزيره

يعني العدد اللي جاء ماهو كل شمر الجزيره لكن هو عدد محدود بحدود المعقول

كيف يكون هذا العدد المعقول بيرقين ؟؟؟؟؟


اخي العزيز

انا لست مطلع ممتاز للتاريخ

لكن انا اتساءل منطقيا عن بعض الامور التي لم تقنعني لا اكثر

[لحن الوداع]

معلييييييييييييييييييش الموضوع من جنبه
وحاس التاريخ حوس
راكان لم يحضر الصريف !!!!!
وباقي الحكي حول الذبح وولد الغفل
اسمحلي اسمحلي من جنبه.

[باجي]

[align=CENTER][table1="width:95%;"][cell="filter:;"][align=center]
خلف الرويتع 000السهيلي0000خيال 00000نافع بن طواله 000000لحن الوداع0000مشكورين على اردود والحقيقه ان الغفل ضيغم حاس التاريخ حوس ونا زعلت من كلامه بس يوم حاس شمر والصريف دريت انه الضائع في تاريخ نجد ماهي الحلقه الضائعه 000هذامثل المركوبه على اهله وشمر والعجمان اخوه ومن اعز القبائل عندا ومشكور ين
[/align][/cell][/table1][/align]

[الغفل ضيغم]

اخي الغفل ضيغم اسمح لي اقولك تراك عفست التاريخ فوق تحت وكل كلامك لايوجد له مصدر اخي العزيز كل ماقلته غير صحيح انت سمعت هذا الكلام ولكنه غير صحيح شمر لم يذبحون عيال راكان ابن حثلين نحن ياشمر نرد عليك قبل العجمان ولسن في حاجه لتاريخ مزيف ولو شمر ذابحين عيال راكان كان تجد هذا الموضوع مثبت في منتديات شمر جميع وبعدين منهو الغفل و هذا البطل الخرافي الذي لايعرفه غيرك ولايوجد له تاريخ غير عندك والمصيبه عندم ارد ان يغزي يستاذن من الجربا وشهو عريف فصل الله يهديك بس واول مره اسمع ان هناك حلف يكون بين جميع قبائل الجزيره العربيه هذا الحلف لم يحدث ابداً انت اعطني تاريخ ذلك الحلف وانا مستعد اثبت لك والى جميع الاعضاء ان الفتره التي حكم فيها عبد العزيز الجنازه من 1315هـ وحتى مات عام 1324هـ كانت هناك الكثير من الحروب بين قبائل نجد فكيف يكون هناك حلف وتكون هناك معارك اخي العزيز ارجو ان ترجع الى كتب التاريخ وتتطلع عليها وبعد ذلك تكتب بتاريخ اسمح لي ان رديت عليك بهذا الرد ولكن اسلوبك يجعلني ارد بهذه الطريق فالتاريخ ليس فيه مجامله تقبل احترامي

يا هلا بخلف الرويتع مستشار مضايف شمر

أن اللي أعرفه أن المستشار يكون سريع البديه وذكي وملم بالمعلومات بنفس الوقت
علي العموم أنت تقول أني عفست التاريخ فوق تحت وأن كلامي كله ماله مصدر خلاص تيب يالمستشار حدث العاقل بما يعقل وخذن علي قد عقلي وقلي انت :

1- وش سبب معركة الصريف بشكل مفصل
2- وش اللي خلي كل هالقبائل تنظم تحت أبن صباح (( وهنا أكيد فيه شي قوي خلاهم ينظمون تحت رايته ولا منت معي بهالكلام .

أما ذبحت عيال ركان بن حثلين الظاهر اني قلت أنه حدي الحلاقات الضائعة وما أحب أدخل بتفاصله بالوقت الحالي لكي لا اشوف علي الاخوان عن مضمون الموضوع وقلت اني راح أتكلم عنه بحلقة أو موضوع مستقل عن قريب بس انت شكلك منتبهت لكلامي وستعجلت .

أما قولك ما حنا بحاجه لتاريخ مزيف يأخي خذن علي قد عقلي يالمستشار وقلنا التاريخ اللي تعرفه أنت ،، إذا كال الروات في وقتنا الحالي يقولن فيه حلقة ضايعة في تاريخ نجد وخاصتا ً بحكم الرشيد فياليت يالمستشار توضح لنا هذا النقاط أو الحلقات الضائعة إذا كنت ملم بالتاريخ

أما قولك منهو الغفل البطل الخرافي اللي ما له تاريخ إلا عندي بقولك هذا التاريخ الضايع يالمستشار بس انت بك عجله ،، وبعدين والله ضحكتن يا خلف تقول ليه عو عريف فصل يستأذن تدري ليه ضحكت لاني استغرب أن واحد مثلك يسأل هالسؤال مدري اللي اعرفه انا أن الجرباء شيخ مشايخ شمر وما يصير شي إلا حين يسمح به وأن محد تحت صلطته يقدر يسوي شي إلا بعد موافقتة ولا شرايك منت معي بهالكلام .
وبعدين خلن اوضحلك أنت الاخوان اكثر عشان تفهم زيادة بحكم الامير محمد المهاد علي سبيل المثل في أحد يقدر يسوي شي قبل لا يسترخص ويستأذن منه ،، أنا هذي العوايد اللي اعرفه إلا انت تعرف عوايد وسوادي ثانيه أنا ما اعرفهم ؟؟؟؟

بعدين ترجع تقول ما فيه حلف وبعده تقول عطن تاريخ هذا الحلف والله غريب وعجيب سؤال ياخلف الرويتع تدري ليه غريب وعجيب أنا بقولك لانه غريبه تفوت علي مستشار مثلك لمضايف شمر أني قلت في القصة وخلال المعاهدة غزي راكان علي ا لجربان وبعدة علي طول عزي ولد الغفل علي ركان بن حثلين علي طول وبعدة بفترة صارت معركةالصريف عرفة تاريخ المعاهدة هالحين ياخلف أظن كلامي واضح والمفروض ما تسأل السؤال هذا .


أما قولك فترة حكم الامير عبدالعزيز الجنازة كله حروب ومعازي بين قبائل نجد
والله كلامك غريب عجيب يا خلف ليه انا قائل أنا ما فيه حروب ومعازي بحكم الجنازة
وبعدين ما اذكر اني قلت كل فترة حكم الجنازة صارت قحط وحلف وأن محد يعزي احد
وبعدين الظاهر ان القحط يكون من سنه إلا سبع سنين إذا طول وبعدين الشي اللي سواوه أبن حثلين ما خلي المعاهدة تستمر أتوقع انك فهمت هالحين .

وبعدين اي كتب وأي تاريخ تتكلم عنه جبلي كتاب عليه الكلام يشفي الغليل ويفهم القاري عن ماضي شمر وتاريخه . ايه فيه كتب بس الله يخلف رؤس اقلام ومافيه تاصيل كله حشوا بحشوا

أما الروات وقتنا الحالي ما قول بهم شي بس كل سوالفهم وقصصهم معروفه وهي اللي موجوده في هذا المضيف يعني شي معروف لدي الجميع
لكن الكلام اللي يجمد علي الشنب ما يتطرقون له ولا يحبون أن يذكرونه بعضهم ما يبي يحيي النعرات والخلافات ،، وبعضهم يخاف من الدخول في خلاف مع اي فخذ أو اي قبلية فلذالك يكون دايما ً تلقي سوالفه عن الطيب او بعض المعارك اللي معروفه لدي الجميع يعني شي معروف



المستشار ابو عتيق اسمحلي اذا رديت عليك بهذا الاسلوب لاني معتبر ان لك ثقل في هذا المنتدي وستغربت من أسئلتك وطريقت اسئلتك الغريبه لاني حسيت من اسلوبك أنك غير ملم بالتاريخ أو انك عارف وحافظ لك كم معركة صارن بحكم الجنازة وتحسب ما به غيرهن شي

علي العموم لا تكون عجول لان العجله ما هي زينه وبعدين انا قلت راح اوضح لكم الكثير من الامور ونعم هذا الحلقة الاول الضايعة من تاريخ نجد لكن هناك اكثر من حلقة في هذه الحلقة رواح اوضحه في القريب العاجل ولاتنسي ان حاط رقم ( 1 ) يعني فيه 2 ، 3 ، 4 الــخ

[الغفل ضيغم]

اخي العزيز تعداد الجيوش غريب جدا كيف عرفت التعداد ؟
والشيخ راكان ابن حثلين رحمه الله من اشهر ابطال الجزيرة العربيه ماصار له فعل به القصه الطويله 0

الاخ خيال

الظاهر اني قلت حوالي وكلمة حوالي حط تحتة الف خط وخط

وبعدين تعال قال انت بمعركه مثل معركة الصريف اللي جمعة كل قبائل نجد كم تتوقع العدد يله عطن عدد ؟؟؟؟؟؟

وبعدين من قال ان راكان بن حثلين ما هو من ابطال العرب مدري وش حل السالفه والله غريب

بعدين تقول أن الشيخ راكان ما صار له فعل به القصه الطويله ؟؟؟؟؟؟؟

الظاهر انك ما قريب القصه عدل وما قريت انه غزي علي الجربان وما قريب ان له مراددات شعريه مع الامير حمود الرشيد وما قريب انه هو المتسبب بمعركة الصريف

لكن اذا ما فهمت شي اول ما عرفت دور راكان به القصة للحين الشكوا لله

علي العموم انتظر ( 2 ) الحلقه الضائعة رقم أثنين يمكن تفهم

ملاحظه // الظاهر ان هذي المشاركة الاول لك بهذا النك لو تخليه وتناقشن بنكك الاصلي يكون افضل

[الغفل ضيغم]

بغض النظر عن مصداقية الأحداث أعلاه.. هناك أمور:

1-من القبائل اللي مع ابن صباح ولم تذكرها أخي العزيز:

أ-الظفير:
وأميرهم جعيلان بن سويط.

ب-قبائل عريب دار.

ج-حضر الكويت:
من الحضر والتجار وأهل اللؤلؤ والحداق-على قولتهم-والسمّاكة..وهؤلاء هم المساكين:حيث أن أكثر قتلى الجيش منهم،ربما لعدم خبرتهم كالبدو المتمرسين بالقتال والكر والفر والانهزام عند انكسار الجيش.

كما قال الشاعر يذكرهم:

ثورٍ وجمّع من تردّى نصيبه
ــــــــــــ بأهل الكويت ومن معه كل خشّاب

من كل (غيص) وكل (سيبٍ) يجيبه
ــــــــــ واللي يحدقون السمك زام حرّاب !

هذا اللي يحضرني الآن من النواقص.

2-راكان بن حثلين توفي في شوال 1314هـ أي قبل الصريف بأربع سنوات.

3-بعد تفكير قليل نستطيع الاقتناع أن ابن صباح لم يُرد الجربا بالعراق.. بل طمع بحائل وابن رشيد لأسباب:

أهمها:1-امارة ابن صباح قائمة على الحماية لبريطانيا والتبعية لها-وذلك بعدما وقّع الاتقافية السرية مع الإنجليز دون علم العثمانيين الذين كان تابعاً لهم سابقاً.. وذلك قبل الصريف بسنوات-بينما ابن رشيد بعكس ذلك يرغب بالعثمانيين على الإنجليز..
ومن هنا نلحظ تخطيط القوى العظمى الاستعمارية للاستيلاء على الأقاليم في العالم. بواسطة الأمارات المواليه لها.. والزّج بها للتناحر فيما بينها فيما يخدم هذه القوة أو تلك..

نستخلص من ذلك ان ابن صباح يستطيع غزو حائل ولكن لايستطيع التوغل في العراق (المستعمرة من قبل الأنجليز آن ذاك)..!!

2-ابن صباح يستطيع التوغل بجيشه في نجد لأن معظم الذين معه هم أهل نجد.. أي له بكل منطقة هناك -من الكويت وحتى جنوب الرياض-أصحاب وأتباع. باستثناء حائل..!. يعني الطريق ممهدة له إلا بحائل.. بعكس لوما أراد التوغل بالعراق فليس له أتباع هناك ولامع جيشه أحد من القبائل العراقية باستثناء القبائل الحدودية مع الكويت مثل:المنتفق-الظفير-عريب دار.. فالتوغل في العراق وسط القبائل الداخلية صعب جداً..بالطريق نحو الجربا..!

أتمنى أني استطعت استقراء الأحداث جيداً

تحاياي

ياهلا بالسهيلي

ويعجبن اسلوبك بالطربه في المناقشة

أولا بما يخص اللي ما ذكرتهم من اللي بمعركة الصريف فها سهو مني والخطي مني أما حضر الكويت فقد ذكرتهم بالقصيدة
علي العموم عشان ما يصير فيه نقص بقولك (( كل القبائل في بلاد الحرمين شاركوا في معركة الصريف إلا كم قبيله تعد من الحجاز ))

اما موتت راكان بن حثلين في عام 1314هـ فهذي ما ني معك به اللي أعرفه ومتأكد منه زي ما قلت بالقصة وراح ابين بعض الامور في الحقلة الثانية اللي راح تخليك تتأكد أنه شارك بالصريف


أما عن قولك يالعزوه ان دولة ابن صباح قائمة علي الحماية البريطانية وبن رشيد ضد بريطانيا فأنا معك في الكلام وكلن يعرف هالكلام ويعرف ان ابن رشيد ينظر لهم بانهم كفار الي اخره


واللي فهمت من كلامك ان بن صباح مجمع كل هالقبائل عشان حائل وأبن رشيد
شف يالبناخي ( الله شيف بالعقل ما شيف يالعين ) لو جلست بينك وبن نفسك وخل كلامي كله علي جنب وسئلت نفس سؤال وش اللي خلي كل هالقبائل ترضخ لبن صباح وتسمع كلام بنفس الوقت لحظ بنفس الوقت ؟؟؟

وبعدين زي ما قلت انت يصعب علي التوجه للجرباء بالعراق إلا به العدد الكبير من هالقبائل اللي قلنا بس القدر زي ما وضحت بالقصه هي اللي خلتهم يتجهون لحائل بدل العراق


يمكن اني وضحت لك الصورة