نفود لايتننق موفز كمبني تقدم احدث افلام الخيال العلمي فلم( البارحه نومي وسط)
بسم الله الرحمن الرحيم
يسرني ان اقد م لكم
فلم الخيال العلمي فلم الاكشن الفلم الرومنسي
(البارحه نومي وسط)
بعد النجاح الذي لاقاه الفلم السابق ليله متنيله بنيله
لاكن احب ان اوضح ان اللي ماشاف الفلم السابق يمكن وانا اقول يمكن
مايفهم موضوع الفلم هذا ماودي اطول عليكم
(على فكره قامت ادارة السينما بتلحيم درايش الصاله من برى لتجنب الهروب الجماعي للمشاهدين )
البدايه;)
دحيم قاعد يتابع برنامج علمي عن الكواكب والكويكبات والمكوكبات
والمجرات والنجوم الوكاد وهو متحمس بالحيل مع البرنامج فجاءه تشششششششششش قامت القناه توش وش .
طقن سبايك دحيم واقام ورقى الدرج وهو يلعن الهندي اللي ركب الدش
ويلعن الدش ويلعن القنوات الفضائيه… ويوم وصل لباب السطح يماريلعن
وكالةناسا المهم وقف بجنب الدش وهو يشوته برجله ويقوم يناقز
ومن القهر وهو يشوته برجله الثانيه وهو يقعي على الارض
(على فكره دحيم اذا زعل تصير تفكيراته غلط)
وبعد مابرد وجع رجليه جاب العده وزين الدش ونزل
(حمد لله هذا هو الفلم )
لا اصبروا شوي
لا تستعجلون المشهد اللي شفتوه قبل شوي كله كامل
كان الدكتور عصنصل يتفرج عليه _بالصدفه _ لانه كان راقي فوق السطح
عند الحمام.
والدكتور عصنصل نبيه ماتفوته حاجه ابد خذا ورقه وقلم وسجل الساعه واليوم .
قولوا وش يبيبهن
هاه قلتولي وش يبيبهن
وانا اقولكم انا مدري خلونا نتابع الفلم
نفود لايتننق موفز كمبني
تقدم اضخم عمل سينمائي كلف ملايين الريالات
(ايه يابعد حي الحساب على الموول )
فلم الخيال العلمي والاكشن والرومنسيه فلم :
(_(_(_(البارحه نومي وسط)_)_)_)
بطولة الفنان : دحيم
والفنان الدكتور المخترع: الدكتور عصنصل .
ومن اخراج المخرج العالمي الكبير اللي محد قده
اللي يطق لمخرج التاي تنك بصبع اللي هو
( ياشين اللي يرفع بروحه ) ايه ونسيت حاجه
ومدير عام شركة نفود لايتننق موفز كمبني المخرج : انا --(برق النفود)-
بداية الفلم الدكتور عصنصل بالمختبر قاعد يضفي اللمسات الاخيره على
جهازه الجديد اللي له نفس الهدف السابق اللي هو لعن ابو كوثر من خلف
ابو من جاب خدامة اهل دحيم
المهم بعد مانتهى الدكتور وهو يطلق ضحكته المعهوده
وقال: خلاص يادحيم نهايتك على يدي .
كعكعكعكعكعكعكعكع
المشهدالتالي بعد اسبوع من المشهد اعلاه
الدكتور عصنصل متمركز فوق البيت وراكز جهازه الجديد ومغطيه بشرشف
-وهو يطلع خوينا الشفاي بالفلم السابق ويسأل الدكتور وش تبي تسوي –
قال الدكتور :انا الاسبوع اللي طاف شفت دحيم يوم هو يزين الدش
واستنتجت انه كان يتابع برنامج مهم وبعدين انقطع البث قام دحيم
وطلع للسطح وزين الدش
وبحكم ذكائي اكيد ان هالبرنامج يبون يطلعونه هذا الاسبوع اذا دحيم
يبي يتابع البرنامج الاسبوع هذا وانا علشان ما انسى وقت البرنامج
كتبت الساعه واليوم بالورقه عندي واذا جت ساعة الزيرو
قطيت حبل على الدش وسحبته وبكذا راح تنقطع الاشاره وراح يطلع
دحيم يم الصحن علشان يزينه وبعدين
_ قام الدكتور على الجهاز وسحب الشرشف _
يجي دور هذا
-قام الشفاي نوبتن ثانيه وقال وشو هذا –
قال الدكتور عصنصل هذا احدث جهاز عندي واسمهLin Fire
ومبداء هذا الجهاز يعمل على الموجات الميتاسكروسكوبيه
( مسابقة الفلم اللي يعيدالكلمه ثلاث مرات بسرعه له جايزه من الفاضي )
والموجات هذي اذا لهبت أي واحد تحوله لموجات راديو وترسله يم الفضاء
وبكذا لا يصير فيه جثه ولا أي حاجه تثبت تورطي بالجريمه .
ودقت ساعة الدكتور الخراشه معلنتن ساعة الزيرو
قام الدكتور وربط براس الحبل قطعة ماصوره وقام يومي به يومي به
وهو يجدعه على الدش وهو يسحب الحبل وهو يركض على عجلة
من امره (انواع العجن) يم الجهاز وهو ينظّر على الباب
ويتحرى دحيم يطلع مع الباب.
المشهد التالي ابو دحيم جالس قدام التلفزون وداقن لطمه ورادمن
الباب بمركى وعنده عياله دحيم وداحم يلعبون كيرم ويلتفت دحيم
على ابوه وقال: يبه وش علمك متلطم
قال ابوه:اسكت انا اتفرج على برنامج سري للغايه على قناة الجزيره وذال لا احد يدريبي
كمل دحيم اللعبه مع اخوه فجاه تششششششششششش قام التلفزون يوش وش .
هالمره ابو دحيم اللي قام يلعن وقال: دحيم قال دحيم: هاه وش عندك قال :قم وانا ابوك شف الدش وش بلاه . عاد دحيم ولد مصلح الله يحفظه قام وهو يرقى للسطح وعلى ما فتح باب السطح
ماصار شي
بس يوم قرب دحيم للدش وهو يشوف الدكتور عصنصل
قال الدكتور: دحيم تجهز للموت
وهو يضغط على زناد الجهاز دحيم بها اللحظه ارتبش وهو يلبد ورى الدش وتضربالموجات الدش وهو يختفي ( يعني راح يم الفضاء ) ودحيم يوم شاف الدش اختفى وهو يصقط رجله داخل البيت
نهاية الفلم ابو دحيم من شرطه لشرطه يطالب ابو الدكتور عصنصل بانه يعوضه عن الدش اللي سرقه ولده
دحيم طالع قيله مع اخوياه
الدكتور عصنصل حولوه يم مستشفى الامراض النفسيه بعد ماقال بالتحقيق ان الدش راح يم الفضاء
وبعد ذلك ولعوا لمبات الصاله حقت السينما يمار الجمهور مستغلين ظلام الصاله ويلعبون (عظيم ضاح) من زودالملل
الفائده من الفلم (لياصارعليك اختبار انجليز يوم السبت ذاكر ولا تقابل الكيبورد)
ادري ان الدعوى خيطي بيطي مار تحملونا
اخوكم --(برق النفود)-
رد مع اقتباس
المفضلات