[GASIDA="type=1 color=#CCFF99 width="100%" border="none" font="bold x-large 'Traditional Arabic'" bkimage="""]غلط كل شي يزْعلنا ..\ غلط أي شي نحْتقره = واذا كان الغلط سيره \ انا بااافضّها سيره

لأن احيان نلقى الخير في شيٍ نخسره = وبعض احيان مانلقى فــ\ مرابحنا ولاخيره

ترى ماكل كسرٍ لاجبرته يلتئم كسْره = بعض كْسور..\ ( موت احْيا ) محال يْفيد تجبيره

خطا ..\ واخْطا خطا يُغْفر ..\ واخطا من الخطا مكبره = وزله من خوي ..\ فـ\ عيون طيب الخوّه تصغيره

ولاهو بشرط \ كل رجّال بحترمه وباااقدْره = بعضهم مو كفو \ لكن .. لجل عين وقدر غيره

ولاهو كل متعذّر \ تعذّر جمّله عذْره = وحتى لو ....\ بعض احيان مااا توفي معاذيره

له حق العذر لكن انا حقي اذا اشره = ابي اشره ..! \ على من هو طرد اغلى مساييره

على من وسّم ( نْياق الحنايا ) وسمه الجمره = على من سـمّر ( عروق الخفوق ) ودق مساميره

على يمنى خناجر ( طعنة المقفين ) في غدره = على روح الدلو \ حبل المنايا \ والقدر بيره

طفل ..\ ماهمه انفاس بصدر يتنهّد العبره = طفل ...\ ماضمه التنهيد والاحزان والغيره

يموت وندفن الواقع جسد \ وصدورنا قبره = يموت الواقع ( وحلْم الطّفل ) يااا قـوْ تفسيره !

وش الحلم !!..\ وملامحنا بواقعها زمن يكْره = وش الواقع ..!..\ حنا الحلم شوّهنا تعابيره

غلط ..\ لو مازعلنا من ردي ..!\ لابد نحتقره = ومدام ان الردى سيره ..\ هنا بااافض هــ\ السيره[/GASIDA]