وجذبتك ياحايل

**راعي الوقيد** · 13-11-2012 06:31

غريبة ماجبتي طاري عقدة !!
توقعتك تنثرين لك كم بيت على ثرى الآباء والأجداد

**الجازي** · 13-11-2012 11:56

الا أبشرك زرتها

وصورت السيارات الأثرية اللي مثبتة على الجبل

ومريت استراحة الريع بس الهندي مارضى يدخلنا يقول فيها ناس تعالوا بكرة الصباح

ورجعنا لها الصباح بعد إلحاح من سيادة حضرتي

وآخرتها حتى الهندي مالقيناه

بس حلوة والله عجبتني

والقريحة انلخمت من هول المفاجأة

**ريال الفسحه** · 13-11-2012 11:58

الله يعين حايل بس انتي الاسبوع اللي
فات وانا الاسبوع الجاي

تهقين تصمد ههههههههه

**شموخ شمالية** · 13-11-2012 12:47

.

.

ياعل ماهلا ولامرحبا تسيف تبي تجي أنت بعد
تكفون توّنا تهنينا بالامطار وأنتم تبون تقطعون أثروه خلونا لين نشوف الباذر همن تعالوا

من جيّة الجازي ماجانا الا هاليومين وأنت تبي تقطع تالية

**الجازي** · 13-11-2012 13:17

ريالوه

ماتلاحظ انك مصختها شوي

وش جاب زيارتي الكريمة ومقدمي الميموني لجيتك أنت ووجهك

أنا المطر غاسلن لي حايل قبل ما أجي وعقب مارحت نزل عليهم من بركاتي

أنت تسانه بينزل فهو بيغسلك أنت

أنصحك اذا تهمك حايل انك تكنسل روحتك أبرك واحتسب الأجر

**الجازي** · 13-11-2012 13:20

شموخ

الله يصلحتس بس

تدرين توقيت نزول المطر قبل وبعد جيتي هو أحسن توقيت للفقع والخير

بس الشكوى لله

على قولة المثل : ماتعرف قديري لما تجرب غيري

وخيرتس مجربة باتسر ليا جاكم ريالوه بتعرفين فرق البركة