شموخ
سياسة قابل سلاح بسلاح تسلم هذي ماتمشي معي
حسبي الله على عدوتس
في عز حاجتي لتس تقفلين الجوال !!
توني قاعدة أهايط عليهم وأتفلسف وواعدتهم أوريهم أماكن وحركات
يوم دقيت عليتس تفشليني ويطلع لي مقفل
قسم ماتسوى علي
شفت سماح وشفت الأبرار بس ماشفت شموخ
كل حاقه هناك فكرتني بيكي
يخرب بيت عدوينك ضيعتي علي فرصة ذهبية
يانسمـــة الــــوادي ,, ياوردة بــــلاديحايل ربى الشادي ,, يانرجس وكادي
يانسمـــة الــــوادي ,, ياوردة بــــلاديحايل ربى الشادي ,, يانرجس وكادي
يابنتي الجية كانت مفاجأة ومفاجئة بنفس الوقت
ماتحريت لها أبد
على كثر ماانبسطت بخبر السفرة بس نكد علي اني ما أمداني أخطط لها صح وأعرف وين أروح ووين أجي
بعدين قلت ليه أضيق صدري وشوشو فيه
مادريت انتس بتنكبيني
يالله عقبال ما أوهقتس اذا جيتي الرياض
الصدز عاد دقي لاوصلتي خليني أشوفتس ياحيي
يانسمـــة الــــوادي ,, ياوردة بــــلاديحايل ربى الشادي ,, يانرجس وكادي
هلا وغلا بأم محمد
والله انك جبتيها عالجرح
طلعت من حايل وقلبي معها
فيني كمية حب وشرهة وعتب وكل حاقه
على طاري شرهه وينها مالها حس
جبه يابعدي بغينا نوصلها بالغلط بس ماوصلنا
قلنا نروح نشوف منازل حاتم في توارن
وأخذنا الوصف ومشينا
ومشينا
ومشينا
وتعدينا مفرق توارن وحنا ماندري مدرعمين على وجيهنا
مادرينا إلا بهالنفود اللي يرد الروح قبالنا
قمنا نزلنا بحدا هالطعوس وحطينا غدانا وتزلجنا عالرمل بصحن التزلج![]()
والأهم من هذا غرزنا
عاد اللي طلعونا الله يسعدهم قالوا لنا إن هنا مكان رالي حايل
وإننا قريبين من جبه و توارن وراء
عاد رجعنا لتوارن عشان مامعنا وقت عقب هالغراز يالله يمدينا نشوف بيوت حاتم أو مدري منازل حاتم
<<<<<<<< يمديتس بس على هالسالفة
القاعد والخطة ماشفت لهم لوحات ولا شيء أول مرة أسمع بهم
شفت المشيطية وقناء ووحدة ثالثة حول المشيطية بعد
أما هاللي تقولين عليهن لا والله ماشفتهن
يانسمـــة الــــوادي ,, ياوردة بــــلاديحايل ربى الشادي ,, يانرجس وكادي
يانسمـــة الــــوادي ,, ياوردة بــــلاديحايل ربى الشادي ,, يانرجس وكادي
الذين يشاهدون الموضوع الآن: 2 (0 من الأعضاء و 2 زائر)
المفضلات