تالاااا .. والتعليم ؟
السلام عليكم .. وصلني ليلة البارحة في الواتس ابيات تخص مقتل الطفله تالااا .. بقلم احد المعلمات .. كما وصلني فهاضت قريحتي بابيات متواضعه ولم استيقظ الا وانا في منتدانا منتدى شمر تجدونها بعد ابيات الوائلية ..
ياهل التعليم مافيكم حميه
شعبكم بيد العماله تذبحونه
كل يوم نسمع بطفل ضحيه
وأنتم بصمت رهيب تقابلونه
كم صغير يحترق قلبه عشيه
خايف تتركه امه بالمهونه
بيد خدام لهم نفس دنيه
يتركون الطفل يبكي يتركونه
نخدم التعليم وقلوب رديه
لأجل نرفع مستوى العلم ونصونه
ويوم نرجع ننصدم صدمه قويه
نسمع بطفل المعلم ينحرونه
حسبي الله صبحن وظهر وعشيه
للوزير اللي تراقبنا عيونه
دقها لطمه وقفى مع خويه
والصبر باب الصبر فاضت حزونه
ذبح تالا يحرق نفوس عذيه
يابشر وين المشاعر والليونه
نكره التعليم دام الروح حيه
المعلم بالوطن ما احد يصونه
قال عنه الله والدين بوصيه
والنبي بأكثر أحاديثه يصونه
كل تعميم تصيغونه لكيه
والامومه باب لايمكن تجونه
انا ام ومعلمه والروح حيه
وموت تالا نار في قلبي ترونه
لاتخلوني اخليها حميه
ابشع انواع الممات اللي ترونه
انصفونا نطلب التعليم جيه
كيف ندرس والخدم صكت سنونه
نطلب التعليم ببيوت محميه
مثلنا مثل البهايم ترحمونه
الحضانه حق واجب للرعيه
وش يصير بوضعها للي يبونه
لازم بكل ابتدائي وثانويه
غرفة الاطفال برى ينشئونه
تطمئن امه وتلقى النفس حيه
تعطي وترتاح من كفر يجونه
المجوس قلوبهم ماهي رضيه
منظر الدم الحمر هم يرغبونه
ماطلبناكم تعاميم قويه
الحضانه حق وانتم تجهلونه
لو وزيرك مات طفله كالبنيه
كان غير كل تعميم يبونه
حسبي الله حسبي الله للعشيه
بكل ظالم يلمح الظلم ويصونه
موت تالا بألف تالا والف كيه
كم صغير ينتظر قتل ومهونه
انصفونا واعدلو بحق وسويه
الحضانه حق لازم تفعلونه
قالها قلب أم عاني كم بليه
دمعها في كل حادث يلمحونه
ردي ...
وصلنا بالواتس شعر الواليه
بنت .. يم رفحا يذكرونه
بنت قوم فعلهم ماهو شويه
بالمعارك كل ضد يلطمونه
هم خوالي مدحهم فرضن عليه
وغير ذلك مدحنا يستاهلونه
بالفعول ومدحنا ماهو حميه
الرمالي هيضت ... شجونه
من وزاره علمنا هي تربويه؟
اقتراح اسم الوزارة ينعتونه
في وزارة للتفنجل بضحويه
او وزارة من بغا راتب مهونه
او وزارة نشّفوا ريق البنيه
او وزاره لليتامي ينسبونه
او وزارة مقبرة بس انثويه
كل ماجاها وزير(ن) يمدحونه
وبعد عشر ايام يمسك درب خيه
دام ابو متعب لنا تطرف عيونه
ابشروا بالخير يامواطنيه
وين ابو متعب عسى مايفقدونه
شعبه اللي ينتخي به طوع ايديه
خادم البيتين كل الشعب عونه
ودام سلمان العطا اصبح وليه
ابشروا بالعز لاتستعجلونه
كل فاسد يكشفونه في خليه
لا لقوا لعاب ذيل(ن) يمرغونه
فعل ابوهم طبقوا منهج نبيه
واعذاب القلب من تالا ولونه
عيدت فيها قبل عيد الضحيه
لعنبوها مارحمت منظر عيونه!
لعنبوها مارجت رحمة وليه..؟
مايبرد كبدنا لو يذبحونه
احسن الله العز في والديه
بس عندي همسة لا ام(ن) حنونه
احذري لو كان عندك مقدريه
ظلم شغاله لما تصير مغبونه
والطفل يصبح لظلمك هو ضحيه
المنيه ماتجي لو يوم دونه
مار حنا هيضتنا وايليه ..
محمد منصور بن رمال
رد مع اقتباس
من عنده المقدره من المشرفين أو الادارين في تنسيق النصين أكن شاكراً له 
المشاركة الأصلية كتبت بواسطة الاصمعي
وقال اهل الحجاز عنه ( الانتباه بعد السهاه ) وقال عنه الشاميون ( التوبه بعد الحوبه ) وسماه المصريون ( لا بليت اقبل وعقب تذكر زعبل ) اما النجديون سمو هذا الفن ( تذكر المصائر عند بوابة الحائر ) .أ.هـ
ومن باب ( يقولون ) صدق الله العظيم ..
شفن واوصيك 
،،،،، 
المفضلات