كل أسبوووووووووووووع مع شاعر

[سالم الظفيري]

يالله دخيلك كلهم صاروا احباب
تب الزمن ماهو إل هالناس تبه

لو جيت تحسب مالقيته فـ الأقارب
مجموع الأعداء اكثر من الأحبه !!

أنا و انت و انت فـ قلوبنا إعتاب
لكن بعض إيامنا مُستتبه ..

نخـاف نفتح قلبنا ينفتح باب
خص القريّب ودنا ما نسبه

والله يا بعض المعارف فـ الاجناب
اخلص من قريب النسب فـ المحبه

هذا إن تردى ينحسب مية حساب
ولا القريّب لو فعل .. ما تكبه

محدن يبي يبتر ذراعه ولو عاب
عمر السفينه ماتعاكس مهبّه

لو جيت تقطف من عناقيد الأعناب
لابد ما ترمي منه كم حبـــــه

تلقى السبب يوم إتمعن فـ الأسباب
و اللي جهل يلقى السبب عند ربـه

واللي وطت رجله على جرة الداب
تلقاه حرص بمشيته و يتنبه

و اللي يقول إن البحر سهل كذاب
ما اظن يعرفه زين حتى .. يطبـــه

واللي يدور مدحته عقب ما شاب
ماتنفعه لا صار مثل الجلبّه

أنا احمـد الله مسّـت لبيتنا أطناب
نثبت ولو زاد الهوى في مهبّه

و الليا هقيـت إني تكاسلـت ارتاب
سارعـت في كيـف الرجال و مشبّه

و يطري علي شطـرً بشرهـات و إعجــاب
ياكليـب شـب النار يا كليـب شبـه ..

[سالم الظفيري]

(العن ابليس)

يقول كل(ن) يبيم مضربه ولعن بليس
قلبي نظيف ولا دخل فيه وسواس

رد الجمايل عادت(ن) لسناعيس
والشمري طيبه على الكل نبراس

ولكسب ماهو ملية الخرج والكيس
الكسب كيف بطيبتك تكسب الناس

ياالله جنبنا القلوب المناحيس
ويقطع قصيد(ن) مانطقته من احساس

بعض الشعر يشبه بنور الفوانيس
وبعض الشعر نوره مثل نور الاكباس

البارحه حامت علي الكوابيس
مابين عدوان وقرايب وحراس

لانها شبك وللمدافع متاريس
ومن عقب راس غليص جى راس عباس

وحلوم وعلوم وهموم وهواجيس
ولعين عيا لايجي حولها نعاس

وطرى علي شعر الغزل ومروا القيس
وحكمة بركات ووصية ابو دباس

الفرق واضح مايبيله مقاييس
مثل الذهب في سوق ترصيع الالماس

وفرخ الحرار يصيد صيد القرانيس
ولكل حر(ن) يعرف الصيد قرناس

ولمعركه مابين كسب ومفاليس
وعنتر ليا منه خسر يوم لاباس

وفي شاعر المليون للشعر فريس
واقلامهم شلف(ن) تخضب ب كراس

ودقت طبول المعركه ولنواقيس
وكل(ن) تحزم لابس الدرع ولطاس

ولفارس الي فاز فيها بن فطيس
الي مضارب شلفته ترفع الراس

اقدر الطيب وهذي نواميس
وعند العرب شهادة الحق نوماس

ولكسب ماهو ملية الخرج ولكيس
الكسب كيف بطيبتك تكسب الناس

[سالم الظفيري]

(يوم اتــــــــكلم)

يوم اتــــــــكلم يالخـــــــــــبل قلي اشجبت...؟
.................................غمـــــــض عيونك ياعيون الحرامــــــــــــي
دمحت لك الفــــــــــــــين مره ولاتبـــــــت
.................................مدري نســــــيت او مايهمــــك كلامـــــــــــي
شفت البشر واخــــذت منها وجــربــــــــت
.................................ناظــــــــر مقامك قبل اناظــــر مقامــــــــــي
عالجــــت ضعفك يــــوم اعرفك ولاطبـــت
.................................ترجـــــــــــــ ع خلافي يوم ادزك امامــــــــي
هــــــــذاك اول يـــــــــــم مثلك تغصــــــبت
.................................واليــــــــــوم تحرم ضحكتي مع سلامــــــي
راجعت نفســــــي مع ضميري وانبـــــــــت
.................................وشلون الومـــــك بستحي.... من ملامـــــي
دامي رفعتك رفعتـــــــن للسمـــا خبـــــت
.................................ودامــــــــي ودامـــــــي ويش تنفع ودامــــي
ياشيب حظك دامك اعلـــى الردى شــــبت
..................................فارق ...وانا بالطيــــــــب بـــــروي عظامـــي
وجهك يذكـــــــرني غثا ليـــــله السبـــت
.................................لاشفـــــــــت وجهــــــــك باتذكـــــــــــر دوامــي

[سالم الظفيري]

قال الفراق
قال الفراق ؟...وقلت ....وش عاد ....يعني
مناك يالله لو سمحت اقطع الصوت
واشوى.....!..بحزة قلتها ..ماسمعني
وش ..عاد يعني......!!مادريت انه الموت
وقال الغرام..؟..وقلتله مانفعني
هذاك لو اني حظيظن ومبخوت
وقال العناد...؟..وقلتله مامنعني
مكثر من اعناد(ن) على لعب بيلوت
وقال الغرور...؟..وقلتله ....مارفعني
ماظنتي بأن الكبر يعمر بيوت
قال التواضع....؟...قلت بالله .....طعني
خلك عليه بذمتي تقطف التوت
قال التسرع....؟...قلتله ماتبعني
ماينفعك لاصيحوا فاتك الفوت
وقال الصحيح..؟؟...وقلت طبع(ن) .طبعني
ماهو لباسن تلبسه لبسة الكوت
وقال الشعر.....؟....قلت الشعر ماوسعني
يكفيك بندر والفراوي وبخوت
بالله كف.....عن السؤال ودعني
يعني خلاص الصمت لولو وياقوت
قال الفراق......؟..وقلت وش عاد...يعني
بكل برود ومادريت انه الموت

[سالم الظفيري]

شاعرنا هذا الاسبوع

خلف المشعان الغضيوري العقاري الفدعاني العنزي
ولد بحفر الباطن



الأسم : خلف بن محمد المشعان الفدعاني العنزي
الحالة : الإجتماعية:متزوج ولديه اربعة ابناء
أبنائه : موسى_ نوت_مشاعر _صالح

له من القصائدالكثير
بدأ مسيرته الشعرية منذ الثامنه عشرة من عمره.

يسكن في مدينة الرياض(شرق الرياض)

وهو شاعر اشتهر قبل أن يحصل على القاب تأتي بالمال وبمدح النطيحه والمترديه
حاربته الصحافة الشعرية واهمله الإعلام لكن فرض نفسه وكان دائمًا ما ينتقد من هم يسمون أنفسهم شعراء وهم بواد والشعر بواد ولو تتبعنا قصائدة لوجدناه يدافع عن الشعر من اشباه الشعراء عرف عنه الشجاعه والفوضوية والجزاله والصراحة والسهل الممتنع في إختياره لأبيات القصيدة يمتلك دهاء و فلسفه شعرية قلما نجدها في شاعر عرف ببساطته فأحبه جمهوره كان لا يرد من يدعوه لحفل زفافه معلل ذلك بقولهم له " تكفى " وكان يلبي الدعوات لأنها من اصحابه وبعض محبيه لم يوصله للجمهور اقلام مأجوره في صحافة مهجورة ولم تتغنى به محطات وتفرضه على المشاهدين فرض ولم تتصدر صوره صفحات مجلات نعرف من سوف نراهم في العدد القادم لأن لا يوجد سواهم ولم يدعى لمهرجانات لا يدعى فيها إلا من هم محسوبين على القائمين على ذلك

http://www.youtube.com/watch?v=SRWtd...eature=related

[سالم الظفيري]

قبل الفطور بربع ساعه اتخبرون
كل .. ببيته .. للفطور .. يتولم

وانا تورطت بهديفه ,, ومجنوون
تصادموا .. والكل قام .. يتظلم

هذا يقول أنت آعمى مالك عيون
وهذاك .. من هول الفجيعه تبلم

قدام بيتي .. قلت يالربع تدرووون
تفضلوا بعد الفطور .. نتكلم

عيا الهديفه قلت له : طيب شلون
نبقى هنا ؟؟ قال ايه ، قلت اتحلم

لو ننتظر لين الحكومة يمروووون
كد للإمام من التراويح .. سلم

قلت اسمعوا .. وش رايكم لو تطسووووون
مدري متى .. شعب ؟؟؟؟؟ يتعلم

[سالم الظفيري]

الغياب
قالت : وشاحلـى مايقـول المحبيـن ii؟
ساعـة لقاهـم بعـد غيبـه iiطويـلـه

قلت : اصبري ، قالت : انا اقولك زين ii؟
قلـت : اتمـنـى ماتكـونـي iiبخيـلـه

قالت : عسى موتي على يديك iiهالحيـن
ان كـان قيلـت بيـن خـل وخليـلـه

قلـت : احبكيهـا صـح ياقـرة iiالعيـن
قلبـي يبيهـا صـدق تشفـي iiغليـلـه

قامت تفكـر !! قلـت : يالله ، iiوبعديـن
كـن اصبعـك طـوّل بلـفّ iiالجديـلـه

! قالت : كليب !! وقلت : خير ! شتِقولين
قالت : رجع !! وشـو شعـور iiالجليلـه

قلت : اليمامه ! ماهي اقوى تحسيـن ؟؟
من يوم غـاب جبيـر صـارت iiهبيلـه

وشبـك سكتـي ؟ ليـه قمتـي iiتلفّيـن
قالت : اخـاف ان قلـت تطلـع iiثقيلـه

أخاف اقول وكلمتـي تجـرح الديـن ii!!
واشيـل ذنـبٍ مقـدر انــي iiاشيـلـه

استغفـر الله ويـن وصلتنـي ويــن ؟
وانـت تعرفنـي والاصيـلـه iiأصيـلـه

ضمت يدينـي .. قلـت: تـوك iiتحنيـن
قالـت يدينـك بـس ؟ هـذي قليـلـه

يوم احضنتني دمّعـت ، قلـت : تبكيـن
قالت : اظن الدمـع (أصـدق iiوسيلـه)

ردّت ، وقالـت : وشعـذاب iiالمحبـيـن
قلت : الغيـاب ! وفـي عيونـك iiدليلـه

[سالم الظفيري]

احد ضحايا العولمه


ياخي ضحايا هالتطور .. كثيرين
....................والعم ( نور الدين ) آخر ضحيه

عشرين عام ونور ماشي علىالدين
.....................مافي موظف ( بالعليان ) .. زيه

خلوق ، وحبيّب ، وطيب ومسكين
.....................ودايم على نفسه يبدي .. خويه

يمشي حسب ممشى العمل والقوانين
.................... ومأدّي الواجب .. بنفسٍ رضيه

ربك بلاه .. وجاب له مدري منين
................. بلية ٍ .. ياكبرها .. من بليه

بدل ( رهيب 2000 ) بالفارس ( 2000 )
................ويامن شراله من حلاله .. أذيه

ركب من النغمات .. ( ياليل يا عين )
............ ( وعل الهودلك .. يابه .. وعل الهودليه )


وكل مااتصل به شخص طنش له شوين
.............. يعني اسمعـوا .. نغمة جهازي قويه

فجأه / دخل مديرنا بخاطرٍ شين
.............. منهو جهازه ؟؟ جاوب ( الزول ) ليّه

قال اقفله .. لا اكسره فوقك الحين
............... وشوي سواله .. ملف وقضيه

وقع تعهد وانخصم منه يومين
.............. من دون أدنى .. ذنب والا خطـيه

ضحكت من قلبي وانا اقول ياشين
............ ماقلت لك يانور .. خذ ( فيصليه )

[سالم الظفيري]

من جد


لا تاخذين .. السالفة جد .. من جد
ماكل مانبغى نقوله ...... نقوله

لو الحكاية رد .. كتبت لك .. رد
ماهو على معناك بالضبط ! .. حوله !

بس الحقيقه .. بيننا .. ألف ابو سد
طبعي زعول وطبعك انتي .. عجوله

ومن انتي .. أصلاً لجل أبين لك الود
انتي مجرد غصن .. واضح .. ميوله

ان كنت ابنظر لك ضروري .. ولابد
عشان بس الموق يشبع ... فضوله

ماني من اللي .. شد عظمه .. أو اشتد
مشتد عظمي .. من سنين .. الطفوله

حدتني الدنيا .. على قولهم .. حـد
ولا هزني عصف الظروف .. بسهوله

قلبي اليامن صد .. عن رغبته .. صد
مابـ التقاعس .. للنواعس ... رجوله

ماني خلف بابا.. ولاني .. خلف جد
ولايوخذ اسمي .. للقصايد .. عموله

حنا لياعدوا .. هل الطيب .. ننعـد
والا الشعر .. حتى الحريّم ,، تقوووله

[سالم الظفيري]

- شعراء

شاعر : يشدك .. تنتبهله .. وتوحيه
................. وشاعر : من أول بيت .. ماتنتبهله

:

وشاعر : يعلّك لين تفهم .. معانيه
................. وشاعر : حليل .. وكل معانيه سهله

:

وشاعر : تحطه في مكانه .. تلاقيه
................. وشاعر : لجل تلقاه .. تحتاج .. مهله

:

وشاعر : يجيلك .. بعد ماانته تناديه
................ وشاعر : يجي من دون ماحدٍ .. ندهله

:

وشاعر : تحس انه بحاجه لتوجيه
................. وشاعر: يوجهها .. / .. ولا تتجه له

:

وشاعر : قليله .. لو تكاثر محبيه
.................. وشاعر : كثيره .. به محبه من اهله

:

وشاعر : اذا بان الجهل فيه يخفيه
................ وشاعر : مهو شاعر .. بمقدار جـهله