مــواجــهــة عــضــو يـن ...

[عبدالرحمن]

نا أشوف نفسي كـ عضو مانا حليلي بس الاهم الاعضاء وش رايهم بي

القرد بعين اموه غزال ههههههه
انتي من اول شمعة المضايف بس من تالي تغيرتي مدري كسل ولا كبرتي>يبي يحده على التفاعل ههههه
منورة من اول وهالحين ونشكرك على الاجوبة الرائعة كما نشكر دكتورنا الرائع والراقي ابو مشعل.

[شموخ شمالية]

,


,



آآآآآآآآآآآآآآآآآسفه ياجدي والله أنشغلت شوي
ومادريت أنها 3 ايام وربي أنا توقعتها أسبوع قلت أتفرّغ لها الخميس





وانت ياشبيثان انت والجازي تشمتون بنا يعني أننا ياالحوايله باردين
هذا ماهو برود بس ذبحتنا الخشّه وحمد بسطه مااهو موجود بالديرة والمنقوعة الزينة عندوه






مرة أخرى آسفه

[-------]

ابو مشعل .. ام عمر

لكم مهلة يومين فقط ..

[شموخ شمالية]

.


.



أسئلة حايلّيه ..


بما إنك حايلي بس مانشوف لك أي موضوع يخص حايل ؟


وش رايك بـ حايل من 5 سنوات وجاي ؟


وبما إنك بالمجال الطبّي من تهقى ورى دمار الصحّة عندنا
أول مشفى الملك خالد والحين المشفى القديم ( حايل العام )


ووش رايك بـ أستقالة الدكتور النخيلان ؟


تهقى الرالي أفاد حايل بشئ أو مثل ماقالوا أهل منطقتنا ( الرالي ماجاب الا الحوادث وقطع عنا المطر )





تتوقّع لو تجي شرهه لحايل تهقى يجينا مطر هالسنه








لي نكسه ياملي بـ أسئلة ثانية بس أهم شي لاتزعلين أم نبراس

[صعوة فسفورية]

موفقين فعلا ماضوع رايع




شكرا اثوره

[-------]

العفووو صعوة


تقديري ..

[صلفيق]

انا ماأدري من اللي فتن بيننا وخلا شموخ تصحى !!


يؤسفني جداً هذا الانشغال الذي ابعدني شوي عن المضايف،،
وتأكدوا انني بالفعل خارج تغطية الاتصال ــ وعشان كذا ماقدرت أدخل..


شكرا لك اخوي راعي الوقيد
شكرا لك يابو احساس مرهف ،، وهذا انا جيت وابشر بالفضايح >>>بس والله ماتستاهل ام عمر
بدينا ...!

شكرا ابو زياد ،، وماعليك من شبيثان وسوالفه

شكرا الجازي >>> ونورتي المتصفح
شكرا لاستاذي القدير عبدالرحمن >>>> تشوف !!
شكرا صعوة فسفورية >>> منورة بالتواجد
والشكر موصول لأختي ام نبراس

[صلفيق]

هلا بك ام عمر


بالنسبة للمواضيع الحايلية أظن ــ بل أجزم يقينا بأنني لن أكون أفضل من اخوي نعيم حايل بمثل هذه المواضيع
فهو الأقرب للحدث ، وماشاءالله عليه مايمدي الواحد يجيب موضوع الا يلاقيه كاتبه قبله. فكل الشكر له.


وحايل في السنوات الخمس الماضية اشوفها تطورت تطورا ملحوظا ــ بغض النظر عن بعض الهفوات التي تقع من
بعض المسئولين تجاه التطوير والتقدم .

لي معرفة بسيطة عن مستشفى الملك خالد ابان ادارة الدكتور أحمد العتيبي ــ فقد نهض المستشفى الواقع
في الوحل الى نعوشة وارتقى مستواه بتحسن نسبي. الا ان اخباره هذه الأيام تسير نحو الأسوأ.
أختي شموخ .. غياب الذمة والضمير وعدم الاحساس بالمسئولية تندرج تحت الفساد !
واذا سألتي من وراء هذا الفساد ،، فأقول وراؤه من الغى وجود المستشفى السعودي الألماني .. وراؤه من عطل
مباشرة شركة الخرافي بالعمل في مشروع المدينة الاقتصادية ..!

الدكتور عبدالعزيز النخيلان لم يستقيل ياسيدتي !!! الرجل قدم طلب بالاعفاء من ادارة مستشفى حائل العام
بسبب تدني مستوى الخدمات الطبية بالمنطقة، وحسب ماوصل من معلومات بتقصير الشئون الصحية بتوريد المواد
واجهزة مما انعكس سلبا على تقديم الخدمة الطبية. ويقال ان المستشفيات والمراكز الصحية لم تستفيد من
ميزانياتها المخصصة حتى ان مقاولي الخدمات المساندة لم تتسلم كامل مستحقاتها منذ بداية السنة.
تقديم طلب الاعفاء علله النخيلان بعدم رغبته ليكون شماعة لتعليق مشكلة تدني الصحة.



بالعكس أختي شموخ ـــ الرالي لم يستفد منه أهالي حائل الاستفادة المرجوه منه..!!
ولو انني لست قريبا من الراليات الا انني اشوف ان اهالي حائل ماعرفوا يستفيدون ، وربما للوعي دور
في هذا.


هههههههههههه
احمدي ربك ان شرهة ماجت لحايل تسان والله ماتشوفين الا الغبار !!



>>>> انتظر نكستك ولي جيّة متأخرا هذا اليوم

[صلفيق]

السلااااااام عليكم ورحمة الله وبركاته،،

شموخ شمالية.. وينك متغيبة ؟
كل هذا علشان تسلمين من اسئلتي ؟؟
اطمئني >> والله ياتبين تندبين حظك اللي حطني معك بالمواجهة ، ولسؤ حظك اني متفرغ هالأسبوع
وخوذي اول باكورة الأسئلة...

من أكثر الأعضاء قربا منك ؟
هل شموخ شمالية عصبية ؟
متى تكونين في أحسن حالاتك ؟
أكثر مكان تحبينه ؟
وشو لونك المفضل ؟
ماهي الأكلة المفضلة لشموخ شمالية ؟
هل هناك نيّة لعمل مشترك في المضيف الأسري لاستقطاب كتاب من خارج الأعضاء ؟
شيء تعتقدين انه سييء فيني ؟

يسعدك ربي ام عمر

[شموخ شمالية]

,


,

من أكثر الأعضاء قربا منك ؟

ريم شمّر الله يسعد عينها

هل شموخ شمالية عصبية ؟

مو دايم يعني اذا إنحديت على أقصاي أنحاشوا

متى تكونين في أحسن حالاتك ؟

اذا شفت ضحكة أمي الله يشفيها

أكثر مكان تحبينه ؟

بيتنا القديم
والحين غرفتي بـ بيت أهلي

وشو لونك المفضل ؟

الاسود .. والرصاصي ..

ماهي الأكلة المفضلة لشموخ شمالية ؟

كبيبا الوالدة الله يخلّيها ..

هل هناك نيّة لعمل مشترك في المضيف الأسري لاستقطاب كتاب من خارج الأعضاء ؟

مافهمت السؤال الصراحة

بس عندي نيه أجيب بناتنا وبنات جيراننا أبي أنشّط قسمي لان الاسري الصراحة بارد من تالي ومابوه مشاركاااي تنشطوه

شيء تعتقدين انه سييء فيني ؟

الحين مابوه شين سيئ بك بس بداية دخولي المضايف فضخت قلبي

كل شوين شاركي ...ردّي .. لاتصيرين باردة خليّتس نشيطة ...

وأنا كل شوين طايّرن جلالي بكل قسم
وكنت أحسب وقتها إن اللي مايشارك مع
الباب على طوووول ....








لاتبعد جايتك بالاسئلة