سجه مع الهاجـوس طبيعـة ٍ لـي
طبيعـةٍ بامـوت ماجـزت عنـهـا
أشكي على الخلاق وارفع لـه يـدي
لاكثـرت الأفـكـار يـفـك منـهـا
أما الكرم قد فـاز بـه حاتـم الطـي
حتى الفرس من شان ضيفه طعنهـا
خلقت في الدنيا وانـا مامعـي شـي
وبروح منهـا مامعـي شـي منهـا
خلوني استانـس بهـا حدنـي حـي
لامـت مـدري جثتـي مـن دفنهـا
مسكين ياللي تحسب الواجـد شـوي
والعافيـه لـو تنشـرى وش ثمنهـا
ياجاهـل الدنيـا تراهـا كمـا الفـي
يامخبل اللـي فـي حياتـه ومنهـا
إن ناحرت لك قامت تـروح وتجـي
مثل الذلـول اللـي طويـلٍ رسنهـا
وإن دبـرت خلتـك طايـح ومرمـي
وكم واحـد ٍ لـه حاجـةٍ ماضمنهـا
لابد مانرحـل عـن المـزح والغـي
ونسكـن بيـتٍ قبلنـا مـن سكنهـا
النفس مثل الغصن عايش على الري
ولولاه كـل النـاس عافـت وطنهـا
يالله عسى الحسنات تقضي على السي
لاقربـوا للنفـس ذرعـة كفنـهـا
رد مع اقتباس
المشاركة الأصلية كتبت بواسطة سالم الظفيري
المفضلات