من رافق الثنتين يصبر علي اللوم يصبر علي فرق الاهل والعمامي

[الحثربي]

من لدية معرفة يفيدنا عن هذاة القصائد

قصيدة عبد ابن هذال
امس الضحى رقيت انا راس لملوم --- رجمن طويل وعالي بكل زامي

قصيدة بصري الوضيحي

ياعيال يلي متروحينن علي كوم --- عجلات باالممشى سريعن همامي

ورد علية صايد الزعيلي

عسى الركيب اللى روح العصر باالقوم --- يوخذ ولايضفا علية السلامي
البيت هذا من رافق الثنتين هو للزعيلي او لعبد ابن هذال

ثلاث قصائد متشابهات من يعرفهن يفيدنا

[راعي الوقيد]

حياك الله يالحثربي ؛ وابشر بطلبك !!

اولا ً : قصيدة مسعود عبد بن هذال وهو يقول :-


أمس العصر عديت في راس ملموم=رجم على كل الشواميخ زامي

رجم طويل ما يوكر به البـــــــوم =كود العقاب الصيرمي والقطامي

أبكي هلي ياناس ماني بمليوم =أظن من يبكي هله ما يلامي

علمي بهم بقصير هلة التوم =نازوا المعبار والشط زامي

أقفوا كما طير قلب راسه الحوم =هيفيه ما يندرى وين حامي

ادني منازلهم شثاثه ولملوم=اقصى منازلهم مداح النعامي

من طاوع الثنتين يصبر على اللوم =امفارق الخلان هم والعمامي

ياركب يامترحلين على كوم =ا اللي بكم عيرات الأنض همام

إلي لفيتم ديرة أصحاب من قوم =حكوا ترى حمض الرجال العلامي

وادي الرمه غدى به العشب كيهوم =ار النفل بحماه مثل الثمامي

دار لكم فيها علامات ورسوم =اشيخ عليكم طوانا الهيامي

هذي مرابط خيلكم دايم الدوم =قب العيون مروبعات الهوامي

هذا مشب النار والحفر مثلوم =مركي الدلال المتعبات الشوامي

مسعود ينخاكم من الغبن مضيوم =من له قبيلة مثلكم ما يظامي



ثانياً: قصيدة بصري الوضيحي الثابتي الشمري وهو يقول:-

ياعيال يامتوجهين علـى كـوم =حيلاً ِيومـن بالمزاهـب همامـي
ودو سلامي للجمعـات ملـزوم =يا موفقين خيـرً خـوذو سلامـي
وليا لفيتو ديرت اصحاب من قوم =احكو ترو حمض الرجال العلامـي
علم الفرح يشتاقله كـل مهمـوم =بناً بكاس الهنـد بفـم الصيامـي
جيت المراح وحط بالقلب مثلـوم =منـازل الخـلان هـم والعمامـي
بس الوجآق الي به الحفر مهدوم =ومركا الدلال المترفات الشوامـي
عيني عليهم حاربت لذت النـوم =لو ناموالمخلـوق عيـت تنامـي
قلبي عليهم قاضبن جرت البـوم =ونيـن وجعانـاً طـواه الهيامـي
علمي بهم بتلى صفر باول التوم =تغـازو المعبـار والشـط زامـي
قفوكما طيراً قلب راسه الحـوم =بهيفيتاً مـا ينـدرا ويـن حامـي
ادنـا منازلهـم شثاثـا ولملـوم =واقصـا منازلهـم وادي النعامـي

ثالثا ً : مرد الزعيلي على الوضيحي وهو يقول :-

ياعـل ركيـبٍ ِروح العصـر للقـوم =يوخـذ ولايجـري عليـه السـلامـي
وخـلاف ذا ياراكـبٍ فـوق عمعـوم =وأربـع ضلافـاً ضمهـن بالحـزامـي
بطاك عن بيت الوضاحا طـرف يـوم =أهـل الهبيـط مسيحـيـن اليـدامـي
قل يابصري الوضيحي تدغث من النوم =وحنـا ثمـان ايـام بسهـر الزحامـي
يتلن بنا فرحان يخلط الضرم بجـروم =اكـان بـا ام وعــال وام السنـامـي
حزت طلوع الشمس والمـال مزمـوم =بقبر الفـرس يذكـر خذالـه جهامـي
وآد المراء يذكر به العشـب كيهـوم =ترعابـه القطعـان والكـبـو حـامـي
ترعابه الشقحا الطيـوح ام خرطـوم = طويلـت النسنـوس عجفـا سنـامـي
وراك تمحش دمعتـك تقـل مضيـوم =ترالبكـا مـن غيـر مصيبـة حرامـي
ومن طاوع الثنتين يصبرعلـى الـوم =يصبرعلـى فرقـا الاهـل والعمـامـي

[الحيمري]

ومن طاوع الثنتين يصبرعلـى الـوم =يصبرعلـى فرقـا الاهـل والعمـامـي


هذا البيت لعبد بن هذال اذا عرفت قصته عرفت البيت أنه له

ولكن الناس اللي؟؟ متكلين على قوقل
ابد الزعيلي ماهو له ولاهو للوضيحي
هو ولا من فطاحله الشعراء ماهو معقول ياخذ بيت مقيول قبله

[أبو فهد]

ولكن الناس اللي؟؟ متكلين على قوقل

أبو منيف





حاول جزاك الله خير ما تنقص من قدر الناس


فالعلم بحر و لا يحويه صدر رجل قط


فإما أنك تثبت إدعاءك أو تعرف الخيار الثاني !!



----------------
أبو فهد الهمزاني

[راعي الوقيد]

ولكن الناس اللي؟؟ متكلين على قوقل

طيب خلنا نشوف الناس الي مايعتمدون على قوقل وش عندهم !!؟
عطنا قصايد الوضيحي والزعيلي

[سالم الظفيري]

هاذي قصة وقصيدة مسعود عبد الشيخ بن هذا

انا مستغرب كيف يكون البيت لشاعر الكبير الزعيلي

ولا ننقص من حق الشعراء الكبار مثل الزعلي



(( من طاوع الثنتيـن يصبـر على اللـوم )) هذا شطر من بيت للعبد مسعود عبد الشيخ ابن هذال من مشاهير شيوخ قبيلة عنزة الغنيين عن التعريف وقد اصبح هذا الشطر مثلاً بين الناس ويتم تداوله لمن يطيع في أمر لا يرغبه خصوصا مشورة النساء، والثنتين هما ( المرأة والغنم ) ويذكر أن مسعود أقنعته زوجته بأن يشتري غنما كي يستفيدوا من ألبانها وصوفها في وقت كانت الحاجة المعيشية في أقسى صورها، واستطاعت زوجته اقناعه مع عدم رغبته في رعاية الغنم وامتلاكها، وحين اقترب وقت الوسم وصل للقوم خبر سقوط الأمطار وظهور الربيع في مكان بعيد عن مكانهم الذي يقطنون فيه فأعلن ابن هذال الرحيل تبعا للأمطار والأعشاب وتحركت المظاهير، وكما هو معلوم أن الغنم لا تستطيع الاستمرار في السير مع الإبل لمسافات بعيدة لفارق قوة التحمل والسرعة فإضطر العبد مسعود إلى المكوث وعدم الانتقال مع أعمامه لتلك الأمطار والخيرات وبقي مع من بقي من أهل الغنم الذين لا يذهبون بعيدا، وعندما رآى منازلهم ومرابط خيلهم بعد رحيلهم هاضت قريحته بهذه القصيدة :



امس الضحى عديت في راس مزموم****تومي بي الارياح شـرق وشامـي
ما كر حرار ما يركـن بـه البـوم*******كود العقاب الصيرمـي والقطامـي
أبكي هلي يا ناس ما نيـب مليـوم*******واظن من يبكي هلـه مـا يلامـي
ما هو غلى غروٍ من الدق ماشـوم******على الشيـوخ متيهيـن الجهامـي
من طاوع الثنتين يصبر على اللـوم****يصبر على فرقى الاهل والعمامـي
هذي مرابـط خيلهـم دايـم الـدوم*******حقب العيون مروبعـات الهوامـي
يركب عليهن باللقـا كـل شغمـوم*****من ربعي اللي ما وطوا باالملامـي
هذا مشب النـار والحفـر مثلـوم******ومركى الدلال المتعبـات الشوامـي
علمي بهم شدوا من الوادي ابو دوم*****مستجنبيـن مطيـرات العسـامـي
تنحـروا واد بـه العشـب كيهـوم******تسمن به المعزا وهـدف السنامـي
ادنى منازلهـم حشاشـة ولملـوم******واقصـى منازلهـم ودّي النعامـي
اقفوا كما طير قلب راسـه الحـوم*******هيفيـة مـا ينـدرى ويـن حـام

[مطلق الثنيان]

اللي أعرفه أن هالبيت من قصيدة مسعود عبد بن هذال

من طاوع الثنتين يصبرعلـى الـوم .... يصبرعلـى فرقـا الاهـل والعمـامـي


بالنسبة للبيت المذكور في قصيدة بصرى الوضيحي يختلف عن بيت عبد بن هذال رغم وجود تشابه الوزن والقافية وهذا الأمر عادي بين الشعراء الكبار ووجود التشابه والتداخل بينهم في بعض الأبيات الشعرية شيء طبيعي ..


جيت المراح وحط بالقلب مثلـوم ..... منـازل الخـلان هـم والعمامـي


بالنسبة للزعيلي له قصيدة على نفس الوزن والقافية يرد فيها (مرد) على قصيدة الوضيحي ولكن لايوجد فيها هذا البيت:

من طاوع الثنتين يصبرعلـى الـوم .... يصبرعلـى فرقـا الاهـل والعمـامـي

هناك من يقولون أن هذا البيت للزعيلي خاصة الشطر الثاني يرد فيه على الوضيحي بس وجاب الشطر الأول مثل ماهو مع تعديل بسيط بالشطر الثاني هكذا:

من طاوع الثنتين يصبرعلـى الـوم ..... مفارق الخلّان هم والعمامي

.
.

الوكاد أن أصل القصيدة وهالبيت لمسعود عبد بن هذاّل والله أعلم .

[الحثربي]

الشكر موصول للجميع

من لدية معلومات لا يبخل علينا عن القصائد المذكور اعلاة

[الحثربي]

حياك الله يالحثربي ؛ وابشر بطلبك !!

اولا ً : قصيدة مسعود عبد بن هذال وهو يقول :-


أمس العصر عديت في راس ملموم=رجم على كل الشواميخ زامي

رجم طويل ما يوكر به البـــــــوم =كود العقاب الصيرمي والقطامي

أبكي هلي ياناس ماني بمليوم =أظن من يبكي هله ما يلامي

علمي بهم بقصير هلة التوم =نازوا المعبار والشط زامي

أقفوا كما طير قلب راسه الحوم =هيفيه ما يندرى وين حامي

ادني منازلهم شثاثه ولملوم=اقصى منازلهم مداح النعامي

من طاوع الثنتين يصبر على اللوم =امفارق الخلان هم والعمامي

ياركب يامترحلين على كوم =ا اللي بكم عيرات الأنض همام

إلي لفيتم ديرة أصحاب من قوم =حكوا ترى حمض الرجال العلامي

وادي الرمه غدى به العشب كيهوم =ار النفل بحماه مثل الثمامي

دار لكم فيها علامات ورسوم =اشيخ عليكم طوانا الهيامي

هذي مرابط خيلكم دايم الدوم =قب العيون مروبعات الهوامي

هذا مشب النار والحفر مثلوم =مركي الدلال المتعبات الشوامي

مسعود ينخاكم من الغبن مضيوم =من له قبيلة مثلكم ما يظامي



ثانياً: قصيدة بصري الوضيحي الثابتي الشمري وهو يقول:-

ياعيال يامتوجهين علـى كـوم =حيلاً ِيومـن بالمزاهـب همامـي
ودو سلامي للجمعـات ملـزوم =يا موفقين خيـرً خـوذو سلامـي
وليا لفيتو ديرت اصحاب من قوم =احكو ترو حمض الرجال العلامـي
علم الفرح يشتاقله كـل مهمـوم =بناً بكاس الهنـد بفـم الصيامـي
جيت المراح وحط بالقلب مثلـوم =منـازل الخـلان هـم والعمامـي
بس الوجآق الي به الحفر مهدوم =ومركا الدلال المترفات الشوامـي
عيني عليهم حاربت لذت النـوم =لو ناموالمخلـوق عيـت تنامـي
قلبي عليهم قاضبن جرت البـوم =ونيـن وجعانـاً طـواه الهيامـي
علمي بهم بتلى صفر باول التوم =تغـازو المعبـار والشـط زامـي
قفوكما طيراً قلب راسه الحـوم =بهيفيتاً مـا ينـدرا ويـن حامـي
ادنـا منازلهـم شثاثـا ولملـوم =واقصـا منازلهـم وادي النعامـي

ثالثا ً : مرد الزعيلي على الوضيحي وهو يقول :-

ياعـل ركيـبٍ ِروح العصـر للقـوم =يوخـذ ولايجـري عليـه السـلامـي
وخـلاف ذا ياراكـبٍ فـوق عمعـوم =وأربـع ضلافـاً ضمهـن بالحـزامـي
بطاك عن بيت الوضاحا طـرف يـوم =أهـل الهبيـط مسيحـيـن اليـدامـي
قل يابصري الوضيحي تدغث من النوم =وحنـا ثمـان ايـام بسهـر الزحامـي
يتلن بنا فرحان يخلط الضرم بجـروم =اكـان بـا ام وعــال وام السنـامـي
حزت طلوع الشمس والمـال مزمـوم =بقبر الفـرس يذكـر خذالـه جهامـي
وآد المراء يذكر به العشـب كيهـوم =ترعابـه القطعـان والكـبـو حـامـي
ترعابه الشقحا الطيـوح ام خرطـوم = طويلـت النسنـوس عجفـا سنـامـي
وراك تمحش دمعتـك تقـل مضيـوم =ترالبكـا مـن غيـر مصيبـة حرامـي
ومن طاوع الثنتين يصبرعلـى الـوم =يصبرعلـى فرقـا الاهـل والعمـامـي

راعي الوقيد

لك مني جزيل الشكر

[الحثربي]

أبو منيف





حاول جزاك الله خير ما تنقص من قدر الناس


فالعلم بحر و لا يحويه صدر رجل قط


فإما أنك تثبت إدعاءك أو تعرف الخيار الثاني !!



----------------
أبو فهد الهمزاني

أبو فهد

مرورك يسعدنا ولك جزيل الشكر