من الصيف للصيف..

**ام الرغفان** · 08-06-2012 14:41

سطام الشلفان

*
جعل الولع و الشوق كفارة اذنوب ...
و الله يحلل راعي الطيف و الطيف

اللي عشانه شعري العام مكتوب ...
و سخرت له كل الفكر و التواصيف

ما قد خبرت الحب غالب و مغلوب ...
ما كنت اظن الرمش بالسلهمه سيف

من سبته عقلي من اعوام مسلوب ...
و النفس تهدى لا طروه بالسواليف

قلبي يشب بشوفته دوم ويذوب ...
و مالي سوى نظم الشعر فيه يااااا حيف

لا مر اغض الطرف و القلب مغصوب ...
و الا اختفى غارت علي التحاسيف

وش حيلتي ؟؟ يا دووووب يا دوب ...
اصادفه مره من الصيف للصيف

و المشكله عييت انا عنه اتوب ...
و عيا زماني لا يجيني على الكيف

رآآآآآآآقت لي..

**سالم الظفيري** · 08-06-2012 15:06

صح لسانك ولسان الشاعر

لاهنتي على الاختيار والنقل الرائع

لك تحياتي

**ام الرغفان** · 08-06-2012 15:53

سسالم الظفيري

صح بدنك ..مشكور على المرور ..

**جمران** · 11-06-2012 01:30

و عيا زماني لا يجيني على الكيف

لاهنتي ام الرغفان

**الشبث** · 11-06-2012 10:16

و عيا زماني لا يجيني على الكيف

فيه قصيده فيها نفس الشطر هذا

اللي تقول

ودي لكن كيف تحقيق ودي .. عيا زماني لا يجي لي على الكيف

قصيده طيبه ام الرغفان

وتقلدي تحيتي