9شهور ولا 5سنين؟

[الاصمعي]

إي والله أهوجـس ولانـي بمرتـاح
والحزن فى حوش الحنايـا بفـاروع

أمسيت من وصل المواليـف مـزاح
وأصبحت من فرقى المواليف مفجوع

البارحه .. في غبة الوصـل سبـاح
واليوم من عرش المواصيـل مخلـوع

ياصاحبي .. صرح الهوى والوفا طاح
والقلب كنه من عراويـه مقشـوع

كنت أحسب إن لحبنا عشرة أرواح
إلين شفت الحبـل بيديـه مقطـوع

يوم العهد به حده إسبـوع لا راح
أسبوع .. ويعوّد علي شوق ودموع

واليوم خمس سنين والهم .. مـازاح
هم الفراق اللي بلا عذر مشـروع

أستغفر الله تسعة شهـور ياصـاح
في غيبته قمت أحسب اليوم بإسبوع

العام .. خلي يسمع القلب لا صاح
واليوم .. مهما صاح ماهو بمسموع

ضاع الحساب وشفت برق الجفا لاح
وأيست لولا إن الرجا في مـزروع

وحالي نحل والحال مهوب منسـاح
من كثر ما أظمى للمواصيل وأجوع

بليت في من دونه سيـوف ورمـاح
وغدا علي وصله مثل حبة الكـوع

له مني إن سره على النـاس مابـاح
ولي منه إن الصد غصب ٍ بلا طـوع
^
^
السالفة مهي بزين القصيدة ولكن بهالحسبة الرياضية الي جابها

يقول:
واليوم خمس سنين والهم مازاح**هم الفراق الي بلا عذر مشروع
استغفر الله تسعة شهور يا صاح**في غيبته قمت أحسب اليوم باسبوع

التسع شهور=خمس سنين في حالة حساب اليوم باسبوع

شاعر ورياضي ومضمر هجن ومدري شيبي بعد ولد الجنية

[جمران]

^






اما القصيده حلوه جدا بحلاوة تواجدك يابو خالد



والاحلى منها الحسبه اللي ذكرتها وكيفية تطويعه لها لتكون متوافقه مع العجز والقافيه



انا اشهد انه ولد جنّيه








تسلم يابعدي

وشرايك اثبّته خمسة سنين >>> استغفر الله تسع شهور

[سالم الظفيري]

تسلم يابو خالد على الاختيار الرائع

لك تحياتي

[عبدالرحمن]

العام .. خلي يسمع القلب لا صاح
واليوم .. مهما صاح ماهو بمسموع
----------
رائعة يسلم ذوقك يابو خالد.

[الاصمعي]

^






اما القصيده حلوه جدا بحلاوة تواجدك يابو خالد



والاحلى منها الحسبه اللي ذكرتها وكيفية تطويعه لها لتكون متوافقه مع العجز والقافيه



انا اشهد انه ولد جنّيه








تسلم يابعدي






















وشرايك اثبّته خمسة سنين >>> استغفر الله تسع شهور

القصيدة بحلاة تواجدي

والحسبة الرياضية أحلى من تواجدي

أفا ما اتفقنا على كذا ابو نوره

ثبتنا الله واياك على الحق

ألف شكر للتثبيت ولجمال التعليق

لاهنت يالذيب

تحياتي

[الاصمعي]

تسلم يابو خالد على الاختيار الرائع

لك تحياتي

وأنت سالم يابو زياد

شكراً لحضورك

ما ننحرم هالتواجد العذب

تحياتي

[الاصمعي]

العام .. خلي يسمع القلب لا صاح
واليوم .. مهما صاح ماهو بمسموع
----------
رائعة يسلم ذوقك يابو خالد.

وأنت سالم وغانم

يا هلا ببلدياتنا

حضورك الذوق يابو يوسف

تحياتي

[شموخ شمالية]

.


,


أمسيت من وصل المواليـف مـزاح
وأصبحت من فرقى المواليف مفجوع

البارحه .. في غبة الوصـل سبـاح
واليوم من عرش المواصيـل مخلـوع


\\
رائعة جدآ

تسلم يمينك

[الاصمعي]

وأنتي سالمة أم عمر

شكراً لحضورك

تحياتي

[شموخ]

له مني إن سره على النـاس مابـاح...............ولي منه إن الصد غصب ٍ بلا طوع

رائعه بمعني الكلمه


صح لسان ابن فطيس وتسلم يمينك يابو خالد على النقل


ذكرتني بابيات

ما احر من فرقا المواليف الأحباب
ياكود دمعن طاح لأجل الأحبه
في وقتهاالشاعر من الضيق ينتاب
خفاقها المكلوم حسي تنبه


ياهيه يا شاعر به الظن ماخاب
هيض عن همومي و هالدمع خبه
ترى السعد سكر على وجهي أبواب
عيني لذيذ النوم لا ما اهتنت به



من بعد فرقاهم لي البال ما طاب
جرحى لقى الاحباب هو صار طبه



فرقى اللذي دايم من قلوبنا قراب
لمن طرالي ذكرهم وقت هبه
يطيح دمع العين من بين الاهداب
ويحسسك فرقاه معنى المحبه



كان الجسد والوجه عن شوفنا غاب
في قلوبنا في بعدها زاد قربه



ماللذي اللي مثلي مفارق لها اجناب
ماغير دعوة محي الكون ربه
يارب تجمعنا على خير واحباب
انت اللذي ماتنلحق بالمسبه



ماحرمن فرقا المواليف الاحباب
ياكود دمع طاح لاجل الاحبه



تحياتي
شموخ