((المطلقين)) انقسام, شمر جميعها ماعدى قبيلة الرمال وشيخها شايع الامسح

[ابو غلا الزوبعي]

السلام عليكم ورحمة الله وبركاته

حبيت ان انقل لكم ماحفظناه من شيبانا وبالتواتر

عن سالفه حدثت بين زعماء شمر وهي معروفه جدا ومتداوله في جميع مجالس شمر

الا اني لم اجد احد تطرق لها بشكل فعلي وتمحيص بشكل دقيق؟؟

فهنا حبيت ان اتطرق اليها ولاكن بمساعدة اخوتي من كتاب واهل الشأن من قبيلتي شمر الغاليه على قلبي""


وانا لم اذكرها لفتنه اولفساد ولكن هدفي منها تبيانها لجميع من يجهلها من قبيلتنا العزيزه

والتي فيها من احداث مهمه وتشكيلات ومسميات حدثت داخل قبيلتنا الام بسببها والى الان ؟؟

وهي :

حدث انقسام بين شمر يوم دور ((المطلقين)) وهم مطلق الجرباء ومطلق الصديد

في بلدة (الشقيق)

واعتقد ان مع مطلق الصديد قسم من سنجاره والاسلم

والي مع مطلق الجربا عبده وقسم من سنجاره

بعدها قال المطلقين (( ما بين حصنين مرتع )) قال شايع الامسح لا انا ثالث

أنا يد جزور اللى يا كلن اكله ، واللى ما ياكلن ما اكله ، ؟؟؟؟

هذا وللامانه انا لا اجزم انه الامير شايع الامسح

لكن من قالها من بيت مشيخة الرمال ,

واقول منكم نستفيد وفي مداخلاتكم القيمه ااخوتي الكرام,,,

علما ان هذه القصه حدثت ومؤكده

لاكن الالتباس صار عندي وهي على دور مّن من شيوخ الرمال الي جاوب مراسيل المطلقين ؟؟؟
علما ان كثير من الكتاب الكرام يقولون الامير شايع الامسح قبل وقت الشيخ مطلق الجرباء

ويستدلون بسجن الامير شايع الامسح عند ابن عريعر محير البيض

يقولون ان شايع الأمسح عاصر ابن عريعرالأمير سعدون بن محمد بن غرير العريعر حكم من

عام 1103 هـ الى 1135هـ الملقب بمحير بيض الحباري,

والشيخ مطلق الجربا الذي خاض معركة (العدوة) عام 1205

وهنا صارت اشكاليه عندي مجرد في التزامن ومعاصرت الموما اليهم اعلاه


وقد قال الشاعر سالم بن عياش الحريصي

قصيده مشهوره له ودلاليه لحدوث القصه

يقول ابن عياش

يانــــــــــاشـــدٍ عنا هواشم اعزانـــا
نســـــل الذي لقريش عـــــده وتنزيل

عيــال الرمالي للشـــريف انـتـمـانـا
نسل عميــره حافظيــن التفاصيــــل

بـــيـــرق..ولابيرق قديمٍ حوانــــــا
من دور شايع والرجال الحلاحيــــل

المطـــلقيـــن بـيـوم شقو لــفـانـــــا
منهم مراسيـــــلٍ ومعهم مراسيــــل

جــــاهم جواب أميرنـــــا ومهقانـــا
أميـــــرنا يا تاج روس الرجاجيــــل

حصانيــــن مامـــن ثالثٍ له معانـــا
قلنا اخو ثالث على العدل و الميـــل


قالو
خصميـــــن مامن ثالثٍ له مكانــــــا

قال
ناكل انياق اللــــي علينـا بدى الميل

ونصيـــر للمخطــــي خصيمٍ ترانــــا
وننــــاصر اللـــي مثّــل الحق تمثيل

ورّدو مراسيــــل الزعيميــن حانـــا
بعـــــد القرار الي خذوه المراسيـــل

عـــــــــزاه للـــــي ماتــــعز المكانـــا
وتعطـــــي دلايل واضحـــه للرجاجيل

موتــــــه يفضل لانـــتـــماه لوانـــــــا
اخيّـــــر مايــــبدى علينــا بتفصيــــل


وهذي القصيده هي استدلال بان قبيلة الرمال هي اخو ثالث لهم واللي ياكلهم ياكلونه حسب الكلام الذي حفظناه بالتواتر

من شيبانا الله يرحمهم

تحيتي لكل من يمر من هنا

بقلمي

اخوكم ابو غلا الزوبعي

محمد بن عياده بن محمد المشرف الحريصي الزوبعي

[أبو فهد]

الإنقسام بحسب ما أعرف كان على دور مقرن أبو الحميدي الجربا و لكن لم يفترقوا إلا بعد ذهابهم للعراق على دور المطلقين



و منذ ذلك الحين صار يطلق على شمر الصايح لقب صايح و على شمر الجربا لقب شمر


و عند الأجناب كلهم شمر


لكن داخليا إذا قالوا شمري فيقصد به شمر الجربا


و الصايح هم (الأسلم كافة + الزميل + التومان+ الصبحي من زوبع )
و شمر الجربا هم بقية من هاجر مع الجربا للعراق عدا شمر حائل




و الله أعلم



----------------
أبو فهد الهمزاني

[الحيمري]

[QUOTE=ابو غلا الزوبعي;1137589]

بعدها قال المطلقين (( ما بين حصنين مرتع )) قال شايع الامسح لا انا ثالث



شايح الامسح في العصر الحادي عشر
بعيد عن دور المطلقين ولاهو قريب

شكرا ً يابن زوبع

[الاصمعي]

يعطيك العافية يابو غلا والحقيقة لم ولن تصل كامله لبعد الزمان وعدم التوثيق بالإضافة الى حب الزعامة والرياسة الي يدفع البعض لنفي أو اثبات انتماءهم لأحد الفريقين ، ولكن ما قلته جميل وجدير بالأخذ به.

بالنسبة للتقسيمات الي ذكرها أبو فهد فأحب أن أبين أن الثابت مع شمر الجربا وليس الصديد الا التومان فقط وهم فخذ من الثابت.

تحياتي

[ابو غلا الزوبعي]

الإنقسام بحسب ما أعرف كان على دور مقرن أبو الحميدي الجربا و لكن لم يفترقوا إلا بعد ذهابهم للعراق على دور المطلقين



و منذ ذلك الحين صار يطلق على شمر الصايح لقب صايح و على شمر الجربا لقب شمر


و عند الأجناب كلهم شمر


لكن داخليا إذا قالوا شمري فيقصد به شمر الجربا


و الصايح هم (الأسلم كافة + الزميل + التومان+ الصبحي من زوبع )
و شمر الجربا هم بقية من هاجر مع الجربا للعراق عدا شمر حائل




و الله أعلم



----------------
أبو فهد الهمزاني

ابو فهد الهمزاني

احسنت احسنت

ومثل ماتفضلت
الله لايهينك وانا اشكر مرورك
وهذا افرحني

[ابو غلا الزوبعي]

[QUOTE=الحيمري;1137707]

بعدها قال المطلقين (( ما بين حصنين مرتع )) قال شايع الامسح لا انا ثالث



شايح الامسح في العصر الحادي عشر
بعيد عن دور المطلقين ولاهو قريب

شكرا ً يابن زوبع

الحيمري

كل الشكر لك ووجودك
ورد جميل

وبخصوص عصر شايع الامسح عن المطلقين
انا لا اجزم وهذا ماحبيت ان اعرفه
من ردودالاخوان الي عندهم خلفيته

تحيتي لك واعتزازي

[ابو غلا الزوبعي]

يعطيك العافية يابو غلا والحقيقة لم ولن تصل كامله لبعد الزمان وعدم التوثيق بالإضافة الى حب الزعامة والرياسة الي يدفع البعض لنفي أو اثبات انتماءهم لأحد الفريقين ، ولكن ما قلته جميل وجدير بالأخذ به.

بالنسبة للتقسيمات الي ذكرها أبو فهد فأحب أن أبين أن الثابت مع شمر الجربا وليس الصديد الا التومان فقط وهم فخذ من الثابت.

تحياتي

الاصمعي
شاكر مداخلتك
القيمه واسعدتني جدا
وبخصوص ردك باللون الاحمر ولكن ما قلته جميل وجدير بالأخذ به.
نعم اخوي لانها مهمه ويجب ذكرها واعتقد انك تتفهمني لذكرها على الشبكه العنكبوتيه ولاول مره


واقول من هنا ولجيع الاخوه اني لم اذكرها
لغايات او دوافع لاسامح الله
وهدفي الاساسي هي لكونها امانه تاريخيه
وبحثت عنها اكثر من مره بالشبكه العنكبوتيه لم اجد لها ذكر
وهي حادثه حدثت الكل عارفها وانقساماتها موجوده
لم لم يذكرها احد علما انها لايوجد فيها مايعيبها او يسئ للقبيله
تحيتي لك ومره اخرى شاكر مرورك

[أبو فهد]

يعطيك العافية يابو غلا والحقيقة لم ولن تصل كامله لبعد الزمان وعدم التوثيق بالإضافة الى حب الزعامة والرياسة الي يدفع البعض لنفي أو اثبات انتماءهم لأحد الفريقين ، ولكن ما قلته جميل وجدير بالأخذ به.

بالنسبة للتقسيمات الي ذكرها أبو فهد فأحب أن أبين أن الثابت مع شمر الجربا وليس الصديد الا التومان فقط وهم فخذ من الثابت.

تحياتي

أبو خالد


طيب هذا اللي أنا ذكرت



لاهنت و حياك الله



---------------
أبو فهد الهمزاني

[ابو غلا الزوبعي]

أبو خالد


طيب هذا اللي أنا ذكرت



لاهنت و حياك الله



---------------
أبو فهد الهمزاني

اهلا وسهلا ابو فهد الهمزاني

نعم اخي العزيز
انت لم تذكر الثابت
بل قلت التومان
واخونا ابو خالد كأن
التبس عليه قولك
تحيتي لك وله

[المطني]

ابو غلا اشكرك على ايراد القصة وهي صحيحة وثابتة بس هالسالفة حصلت على دور جارد بن رمال ماهي على دور شايع لان شايع قديم ونسبه الى شايع كالتالي ( جارد بن زبن بن مبارك بن حيزان بن شايع ) فيكون شايع جده الرابع فجارد هو اللي كان على دور المطلقين وهو اللي رفض يتبع اي واحد منهم قالوا مابين الحصانين مرتع قال انا ثالث ٍ لهن .

وقفة / والله اني كنت مبتعد عن الكتابة متابع من بعيد لكن القصة شدتن واجبرتن على الكتابة .