تقليب الاوجاع

[جمران]

عبدالكريم الجباري

جديده هالقصيده


تقليب الاوجاع

*
*
*



ياوقت ماملّيت تقليب الاوجاع
ماعاد فيني للطعون استطاعه

حاولت أحدّ الصبر يمّي ولا طاع
لا الصبر طايعْني ولاالجرح طاعَهْ

ياليتها في ساع وتروح في ساع
لكنّها متجدّده كــــل ســـاعه

الجرح طامع وأيضاً الوقت طمّاع
ياطامعنْ ماعاد فيني طماعه

كم ضيقتن كنّيتها بين الاضلاع
اكنّها واضحك لـ شفت الجماعه

مابيه يشْمت بي من الناس خدّاع
اللي لـ أمّـنْــتهْ على السر ذاعه

لاهو مواسيني ولاهو بـ فزّاع
يضحك وهو في ضحك سنّه خداعه

يضحك وهو ودّه زوالي من القاع
متربّيٍ على الردى والقطاعه

والا الرجال اللي لهم بالسنع باع
بالوجه تنطح ماتعرف اللكاعه

والا انت يازين الحلايا والاطباع
لاتلوم شخصٍ كايد الوقت لاعه

صدّيت عنك وخاطري فيك ملتاع
من خوف لاقلبك يضيق اتّساعه

ماني وانا يومي شريتك بـ بيّاع
حبك مهو ينباع مثل البضاعه

لوّك تقدّم شبر بـ أذرعْ لك ذراع
لو ان نفس الرجل تلْوي ذراعه

أجي لجل عينك من الشوق دفّاع
والحب وش قيمتْه دون اندفاعه

بكْره يزين الدرب وتزين الاوضاع
والهم يطوي من خفوقي شراعه

ياوقت كافي بس تقليب الاوجاع
ماعاد فيني للطعون استطاعه




http://www.youtube.com/watch?v=Y6yUS...ayer_embedded#



رائع هالجباري والله

[سالم الظفيري]

اختيار رائع يابو نورة

لاهنت وصح لسان الشاعر المبدع الجباري

لك تحياتي

[عبدالرحمن]

صدّيت عنك وخاطري فيك ملتاع
من خوف لاقلبك يضيق اتّساعه

ماني وانا يومي شريتك بـ بيّاع
حبك مهو ينباع مثل البضاعه

لوّك تقدّم شبر بـ أذرعْ لك ذراع
لو ان نفس الرجل تلْوي ذراعه

أجي لجل عينك من الشوق دفّاع
والحب وش قيمتْه دون اندفاعه

بكْره يزين الدري وتزين الاوضاع
والهم يطوي من خفوقي شراعه
-----------
رائعة يسلم ذوقك الراقي يابو نورة
وصح لسان المبدع الجباري

[شموخ شمالية]

.

,

ياوقت كافي بس تقليب الاوجاع
........... ماعاد فيني للطعون استطاعه


\\

صح لسان الشاعر العذب

وصح نقلك مشرفنا


لاهنت