[GASIDA="type=2 width="60%" border="none" font="normal xx-large 'Traditional Arabic'" bkimage="""]
[/GASIDA]ياشينها لقيل ضفوا المعـامــــيــــل = والفرش طـووها وطووا الزوالـي
وهدوا الخيام وصفطوهن معـاديـل = وضفوا بقايا عـفشكم والتوالـــــي
ومـدوا قبل لاينتشر اسود الليــــــل = الليل اعمى والخبل مايبـالــــــــــي
وترفقوا بالخط مامن معاجـيــــــــل = ما بالبلد غير النكـد والخمالـــــــي
وتوادعـوا عسى اللقا بالمقابـيـــــل = عسى نتلاقى بمقبلات اللـيالـــــــي
ويازينها لقيل شبوا الغـرامـيــــــــل = واركـوا على النيران صفر الدلالي
وابنوا خيامٍ مثل روس المصاطـيـل = منها تصاغر شامخات العوالــــــي
وتليموا طاب السهر والتعـاليـــــــل = وهاتوا العلوم الطيبات الجـزالــــي
وصَفوا القلوب امن الغثا والغرابيل = وتمتعوا بالبر والعمر بالـــــــــــــي
في راس طعسٍ حاير ابجاله السيل = بارضٍ خلا باقصى النفود الشمالي
ماداج فيها راعي الفطر الحـيــــــل = ولا رعووها مالكين الحلالــــــــــي
صورت حال مولع البر بالحـيــــــل = لقيل ضفوا العفش عقب الزوالـــي
صح لسانك
قصيده جزله من شاعر جزل
لاهنت
اخوك
ابو سلطان
رد مع اقتباس
المفضلات