المشاركة الأصلية كتبت بواسطة الجازي
الحين تقارن تبديل العفش والتصييف بكل ديرة بالتعدد !!؟
يعني هو يعتبر نفسه في حكم المؤبد معها ولازم يبدل مثل ماهي تبدل الكنب والسفرات
وهي مايعتبرها مؤبدة معه !؟
لا وبعد التعدد نصف معلقة !!
يوم ايه ويوم لا او يومين لا او ثلاث ايام لأ
معليش يابو عثمان هذا قياس مع الفارق
والزوجة ماهيب كنبة ولا أثاث ولا سفرة ولا أي شيء ثاني تقارنها فيه !!؟
الزوجة مثلك زي ماتحس أنت هي تحس
أنا أقول : ليه تلزم زوجها بأمور هي كماليات ، وتحرمه من أمر قد يكون ضروري!!
مع إني ما لمحت من قريب أو بعيد بأن الزوجة مثل الكنب ..
قلت لك أتفق معك في مسألة الإعفاف بالنسبة للي ماتكفيه الزوجة
وقلت لك بعد ارجع لأحوال المعددين وشف هل غالبيتهم متزوجين لهالسبب !؟
وأعتذر لك عن انسحابي عن النقاش في نقطة الأعذار الشرعية اللي تعترض الزوجة لكن الحلول البديلة لمثل هالزوج كثيرة أقربها غض البصر والنصيحة النبوية للشباب بالصوم الشباب اللي ماعندهم زوجات نهائي مو متعطل بس اربعين يوم !!
هنا مربط الديناصور
ـ
الشاب اللي ماتزوج .. يصوم ويغض البصر والشكوا لله ،، ( أموره ماشيه لأنه مافقد شي )
لكن بلاتس من اللي تزوج .. واللبيب بالإشارة يفهم 
يصوم .. ويغض البصر .. يوم يومين ثلاثه أربعه أسبووووع ممكن 
والموانع الشرعية كحد أقصى تعترض الحياة الزوجية كلها مدة يسيرة
نعم ،، بالنسبة للبعض : مدة يسيره
لكن للبعض الآخر : يحسبها شهر شهر يوم يوم شبر شبر فرد فرد دار دار
فهل الصبر على هالمدة أسهل برأيك أو التغيير الجذري لحياة أسرتك والأضرار المترتبة عليها من مثل ماذكر الشيخ ابن عثيمين الله يرحمه !!؟
وهل معاناة الرجل هذه الحقبه من الزمن ( حسب مايراها ) وما تحتويه من مخاطر على دينه
برأيتس يتزوج ويريح حاله ،، أو يجيب العيد؟؟
أنت تشوف انها أنانية من الزوجة لكن هذا مو صحيح !!
أم سلمة رضي الله عنها ماقال لها الرسول صلى الله عليه وسلم إنها أنانية وقدّر غيرتها قبل لاترتبط به يعني مابعد صارت زوجته
بالعكس طمنها ودعا لها إن الله يذهب غيرتها لأنه أعلم الناس بالنفس البشرية من ذكر أو أنثى !!
وفي نفس الوقت ماكان هالموقف مع كل زوجاته لأن النفوس تختلف من شخص لآخر
فيه حريم تتمنى زواج زوجها وأنا شخصياً أعرف ثنتين بنات وفي عز الشباب كانوا يرفضون الخطاب الشباب وينتظرون معدد
وفعلا وحدة أخذت واحد عنده زوجة والثانية أخذت واحد عنده ثنتين !!
لأن تركيبتها الفطرية ومعدل الغيرة عندها أقل من غيرها
ممتاز أيتها الكريمة ، وكذلك بعض الرجال فطرتهم وطبيعتهم جامحة ،، لايعفه ألا الزوجة الثانية
وأهل مكة أدرى بشعابها بمعنى : الرجال أدرى بأنفسهم
فعلاً المسألة أكبر من مشاعر زوجة
وهذي مشكلة الزوج اللي يفكر بالتعدد انه ينظر لاعتراض الزوجة على إنه ردة فعل بناءاً على مشاعرها
بينما الموضوع أكبر من كذا
الموضوع عن بيت ممكن تتقوض أساساته اذا كان الزوج بيعدد للأسباب اللي قلتها لك !!
المفضلات