الشعر لولم يكن معنى وروح
منبره ماني بمجبور اعتليه
من صواديف الدهرصدري يفوح
والخلي مرتاج مني ماعليه
مابغيت ازعجك يالوجه الصبوح
سيدي مالك على الدنيا شبيه
الصبر يشفي عميقات الجروح
من صبر يظفر ومقسومه يجيه
سالف الدنيا تجي والاتروح
تسعد الانسان والا تبتليه
كل حي وله ميول وله طموح
حد تهيت له وحد راحت عليه
الشهم تلقاه عاداته سموح
ودك انك كل ماجيته تجيه
ياصديقي لاتون ولاتنوح
مانبيع ارضاك حنا نشتريه
مانبيع السيف بالكلب النبوح
خاسر اللي يبغي الكلب يحميه
لاتزيد ولاتعيد من الشروح
التزم دينك وكن دايم نبيه
وإن سمعت (آخرخبر )حاذر تبوح
السكوت افضل ولا وشذا؟؟ وليه!!
من تغانم فرصته ساعت تلوح
قالوا ارهابي من الشرق الكريه
يوم شبت نارها فوق السطوح
مالقت بنت العرب من تنتخيه
العرب لاهين في انس ومزوح
واتركوا شارون يفعل مايبيه
ياعنود الصيد ياريم السيوح
اشربي فنجال شارون اشربيه
من يبا الجنه الى الجبهه يروح
بس لاينسى يبرامه وابيه
الفهم يبني عماليق الصروح
والجهل يهدم حضارات النزيه
كيف لولا الحق محفوظٍ بلوح
كان غير فيه(شارون) السفيه
لو(سفينة نوح) ماهي ملك نوح
كان باعوها بدينار او جنيه
الخطاءماهو على الثورالنطوح
الخطاءمن صاحب الثوروعليه
اشهد انها واضحه كل الوضوح
يكذب اللي قال ماالامر يعنيه
ماقول الا وانا صادق نصوح
كثر الله عد سمحين الوجيه
رد مع اقتباس
المفضلات