¥... أبيات مرتجله ...¥

[الاصمعي]

بالله قلي ويش ذنبي على شان**أعرف خطاي وانتبه للخطاوي
افتح لك البيبان وتسد بيبان**ضيعت رمعاتي بصعب الغطاوي
صاير علي أجرأ من الذيب سرحان**بليل الشتا جايع وشاف الشواوي

[الاصمعي]

يا صاحبي لا تبيع ميك بحاره**من حين يبلغ طفلهم صار سقّا
ولي عطاك السر بأوضح عبارة**لا تستغل السر وتشق شقّا
خلك مع الي وافقك باختياره**وعن ظلم أخيك يا صحيبي توقّا

[عبدالله الجعيثن]

قامت قيامة طالبين التعدد // وشنت عليهم حرب وسط المضايف

سدد فواتير العتب يامسدد // واترك سواليف العشا والطرايف

[متفاائل]

يفوز به من لا يهاب الصعايب == ولا يقطع الفرجه من الناس خايف

[إبراهيم الشميلي]

نتواصل مع المبدعين

.

.

يفور دم القصيد و تذرف اعيانه = للي فراقه على تسبد الغلا صالي

في كل يوم البعاد يجدد احزانه =والشوق يطوي صحيفة حبك الجالي

.

.

[ريوف]

:
:


ليلة شتا والشوق ادفا ضلوعي .. .. وسط الحشا ناره تزايد لهبها

اشتقت لك والحين بأعلن خضوعي .. .. يامروي " روحي يماها وبردها


:

[سالم الظفيري]

هات الخناجر وطعن الصدر لاهنت // اطعن فديت ايديك قبل الخناجر

[إبراهيم الشميلي]

جرف المشاعر دحدر القلب مطفوق ------- و امسى يهيم بعشق لحظة مروره

[عبدالله الجعيثن]

رهين عينك .. فيك .. مايسمع الناس // يسّد اذنه .. عن سوالف عذوله

[سالم الظفيري]

له بالخفوق اكبر من اللي يقولون // في ذمتي فرقاه اكبر مصيبة