لكل شيءٍ مناسبة
ومناسبة هذه القصيدة, كنّا ذات يومٍ
في احد المجالس وكان هناك عدد من الشعراء
وكان كل شاعر يمتدح قبيلته,وطلب مني المشاركة
فقلت ( مادام كلٍ يحوش النار على قرصة)
اعتذر عن عدم المشاركة,فقال احدهم شمر
يعتقدون انهم فوق مستوى البشر, فقلت
انا ماسمعت هذا الكلام الآ منك الآن وهذا كلام
غير منطقي لأن البشر فيهم انبياء,
فـ مانمت تلك الليله الا بعد ان اكتملت
هذه الأبيات وصرت ارددها عدة مرات
[GASIDA="type=1 width="100%" border="none" font="bold x-large 'Times New Roman'" bkimage="""]
قال الذي بيت القصيدة بدابه ** من ورّدن قامن يحومن على الراس
يشدن لمزنٍ مدلهمن ضبابه ** مزنٍ خيالي حرك شعور واحساس
ناديتهن في كل حُب ورحابه ** واجلستهن على الورق خير مجلاس
واصدرت امرٍ للقلم بالكتابه ** واخذت ماطابق مزاجي بمقياس
واللي دعا شعر المشاعر وجابه ** اشوف لي مدحٍ يعبا يالأكياس
اشوف انا الشعار مثل الذيابه ** كلٍ يقول انه قطع راس جساس
ومادام كلٍ يفتخر له بلابه ** انا بماضي لابتي ارفع الراس
الحمد لله لابتي كل مابه ** مصدر فخر للمنتمي له ونوماس
شمر لهم بين القبايل مهابه ** ميراثهم مجدٍ تحاكابه الناس
وكان القبايل بالفعايل تشابه ** بضرب المهند ولبست الدرع والطاس
شمر خيار القوم كلٍ حكابه ** قولٍ صحيحٍ مادخل فيه هوجاس
يكفيك قول اهل الوفا والنجابه ** قول الرواة وشي دون بكراس
دوك الشريف اللي نواهم حرابه ** اسقوه من ضرب القنا مر الأتعاس
وحلف يمين وهو غميقٍ صوابه ** يادار شمر والنا فيك مجلاس
يحرم علينا وطيتن في ترابه ** كود نتواجه عن خلاق الأنفاس
و وديد ابن عرّوج كلٍ درابه ** خلوه شمر لأشقر الريش مفراس
حليلته شقّت حراير ثيابه ** تقول وا خلي طوت دونه الياس
ودوك العواجي ون من حر مابه ** من حرةٍ منها المعاليق يبّاس
على عياله عض صبعه بنابه ** يون من عقب المعزّة ومحتاس
وقال السنيدي يوم جاهم بطابه ** شمر يجونك شيخهم يضرس اضراس
شيخ الطنايا قام يضرس بنابه ** يبي بهم يومٍ مثل ضرب نحّاس
وماقاله العوني بنوادر عذابه ** والله. يالولاهم فلا للوفا ساس
ولا.للحمية من يحسّب حسابه ** إلا. الطنايا مفنية قب الفراس
يقول شمر عز منهو لجابه ** اهل المرؤة والعطايا بلاقياس
عز الصديق وللمعادي كئابه ** هذا ينام.وذاك له سهر وعماس
وايضا (لويمر) في مثاني كتابه **يقول شمر للكرم خير نبراس
[/GASIDA]
سطم فهد الخليل( ابو فهد)
.
ملاحظه:
التنسيق هنا معقد ياناس
رد مع اقتباس
المشاركة الأصلية كتبت بواسطة ابــو فــهـــد
المفضلات