السلام عليكم ورحمة الله وبركاته ....
راقت لي جدا
ياريف قلبي من عنا الوقت ملتاع
من كثر نوح العين جفت دموعي
عن السهر عذلت جفني ولا طاع
تذرف دموعي والخلايق هجوعي
ياريف فكري للغرابيل منصاع
وهمن لجا بالجوف كسر ضلوعي
وقتي سقاني سم غدره والاوجاع
والقلب من لوعات بقعا جزوعي
تسقيني الدنياء من امرارها انواع
اخفي عن العذال كثر الوجوعي
هرج العدو اركا على كبدي اوجاع
لو كان موجعني مابين خضوعي
ياكثر ماكنيتها بين الاضلاع
اصد عن هرجة خبيث الطبوعي
ماينحي راسي لكاذب وخداع
نفسي تشوم ولاتحب الهزوعي
ياريف في دنياي شانن الاوضاع
ياويل حالي من زمانن فجوعي
من عقب مانجمي شمخ فوق سطاع
اليوم نجمي في نزول وطلوعي
ضاع الامل ضاعت حياتي والاسناع
امشي مع العالم على غير طوعي
بكيت بعلا الصوت يوم الجهد ضاع
لا وخساره صار مابه ربوعي
ياريف وين الي لهم بالوفا باع
الي لهم بالسيف فعل ن يروعي
ياريف وين الي ليا صاح فزاع
ثم اعتلو فوق المهار الفزوعي
وين الشجيع الي كما الحر جزاع
له سطوتن منها تخاف الجموعي
وين الرجال الي على الجيش خراع
وين الشيوخ وين هاك النجوعي
وين الزمان الي به الروح تنباع
وين الجموع الي سلفها يزوعي
ماكنهم ركبو على كل مطواع
و مشو مع البيدا بسيفن قطوعي
ماكنهم بايمانهم عشو اسباع
اهل الرماح معطرين الدروعي
وماكنهم داجو على صحصح القاع
اقفو مع الدنيا بليا رجوعي
رد مع اقتباس
المفضلات