☀ || سمفونيه آل ود || ☀

**بالمختصر..** · 03-10-2011 15:18

،

ودي تشوف الهم وش لون سوى ...
................ في حال من حبّك على غير مصلوح ،

.
.

**سالم الظفيري** · 03-10-2011 19:24

ودي ولا أدري كيف تحقيق ودي=عيّا زماني لايجيلي على الكيــف

ياما تمنيت الدقـــــايق تهـــــدي=وياما تمنيت الشتاء ينقلب صيــــف

فصلت من خام الشقاء ثوب قدي=وكسيت نفسي بالمنى والتحاسيف

**سالم الظفيري** · 03-10-2011 19:28

متضايق الليلة ولا ودي اقول ..... بي ضيقة عيت تفارق خفوقي

**جمران** · 04-10-2011 00:28

ودي على مكة ونسمة هواهآ
أسوق رجلي فـ الحرم لو دقيقه

**ليلى بنت عبدالعزيز** · 05-10-2011 07:56

ودي آ فضفض بس ويـن التعابيـر؟!
ودي اعبـر بـس ويـن المعانـي؟! ْ~

حاولت ابـرر صمتـي بـأي تبريـر
وعجزت آبرر صمتي اللـي غشانـي ْ~

ياصمتي اللـي مالقـا لـه تفآسيـر
ليـت الـذي وداه.. يمـه خـذانـي ْ~

ياحيله الله وش بقا؟! وش يبي يصير؟!
دام المكـان اليـوم مآهـو مكانـي ْ~

الغيت من بعـده جميـع المحآذيـر
وارخصت عمري دام هالعمـر فانـي ْ~

بعده.. تراها تهون كـل المخاسيـر
يعني وش اكبر من خساره كيانـي؟! ْ~

لو قلـت مآل لبعـده الـيـوم ...تأثـيـر
تفضحني عيوني.. ويكـذب لسانـي ْ~

لكن تركت له هالقصيده علـى خيـر
يمكـن يحـس بضيقتـي .. لاقرانـي ْ~

**سالم الظفيري** · 05-10-2011 12:25

الشوق نبته فايح بالرياحين
.......... يحيا على شوفك ويابس بصدك

ودي عليك اغمض الجفن عامين
.......... واوسك صبي عيني وامدك

واسكنك فالعين من هين ل هين
.......... ومن زود حرصي كل يوم اعدك