((القصيده مجرد فكره))
طول قــد وزين خــد وبنت عـــزٍ سوســنيه
أمس مريته وهو واقــف وعــيّا ينتــبهلي
قلب ود وقلب صــد وقلب ســــواها قضــيه
قلت أجي بإسلوب ثاني يمكن إنه يلــتفـت لي
قلت أقــــول إني من عتيبه أو إني شــمريه
مثل ماوده أجيه ورغـــم هذا ماحصـل لي
قلت ماظنك قريـــت اللي كتبه الـــــبدر فيه
والعطيب وخالد الفــيصل وكل اللي فطن لي
يمكن أشد إنتباهه وأثرني فيـــــــــها غبيه
قال حظك بالقصـــــــــايد نعنبو حيه عرف لي
قلت له ناظر عـــــــــــــــــيوني قالوا إني بابليه
وأنت وش رايك ترا ماهمني منـــهو هرج لي
وشوف قيفانك بصــوتي كيف صارت مخمليه
وجيت أبلقيها عليه وصـــد عني ماسمحلي
قال مغرووره صدق من قال عنك نرجسيه
قلت مغروره بحبك لي وقــــفا ماضحك لي
قلت والخضره مع الما مع دلال السوســـــــــــنيه
كلها ربي جمعها بي ورا ماتــنتــــــــــــبه لي؟؟
رد مع اقتباس
المفضلات