/
مداخله سريعه .. لكف البحث .. عن ام طلال .. بكل صوب ، بيت بيت ، دار دار ، زنقه زنقه ، وعلى قادة الكتائب " تعيين خير وكلّن يمسك ارضه "
/
/
منوّره المضيف العام يام طلال ..
وشاكر لك الاستجابه .. لكِ احترامي وتقديري
/
/
أنا بديت الصيام بسن مبكره ، على ذمّة الراوي، بديت الصيام وانا بزمالي
قمّة الألم . . ! ! أن ترتشف الآهات . . وتتجشّأ الصمت**رحم الله من أهدى لي قبسا يضيء لي عتمة المكان من حولي.
المشاركة الأصلية كتبت بواسطة ريم شمر
صباحات رمضان لم تكن كباقي الصباحات
لها طعم ونكهة أخرى لاتضاهيها أي نكهة
بالنسبة لي يرتفع معدل الجريمة فيها
من بين جرائمي اللطيفة أني كنت أمارس الوصاية على طريدي <<<< معليش خشينا عالعامي
طريدي معناها أخوي اللي جاء بعدي بسنة تقريبا
ويسمونه طريد لأنه يطرد اللي قبله من حضن أمه عشان يحتل هو مكانه
وبما إنه طردني من حضن أمي اضطريت ألجأ لحضن أبوي
وقررت أنتقم من هالطريد !!
ففي يوم من صباحات رمضان اللي خلا لي الجو فيها مع هالطريد
طلعت به برا للحوش عشان أستفرد به صح
وكان فيه صحن كبير منشور فيه حب شعير <<<< مدري لمين هالشعير ماخبرت ببيتنا حمير
المهم وأنا أوسوس لأخوي قلت شف بحط حبة في إذنك عشان بعد كم يوم تنبت وتطلع من إذنك شجرة
طبعا هو ماكان له الخيرة من أمره
يعني مجبور يوافق برضاه وإلا غصب عنه !!
يوم حطيتها بإذنه من هنا هو ماصدّق خبر وقام يصارخ ويصيح آي إذني آي والله لا أعلّم عليك أمي وووو
وأنا اللي تطقني أم الركب ولا أدري وشلون أسكته
قمت بكحلها وأعميتها
قلت : ياخوّاف شف أنا بحط في إذني الحين وما توجعني
وأقوم وأحط بإذني حبة شعير
طبعاً هي ماتوجع بس هو يبي ينتقم ولقاها فرصة !!
المهم ماطاع يسكت وراح لأمي وقال لها !!
جاني تهزيء وهواش ودعاوي ويوم درت جدتي كمّلت الناقص الله يرحمها وهزأتني
المهم في الليل خذونا للمستشفى عشان يطلعون هالشعير اللي بآذاننا
الدكتور طبعا فاطس ضحك من القصة
الله يوسع صدري بالعافية مثل ماوسعت صدره
المفاجأة الكبيرة وش تتوقعون !!!!؟
أخوي لقوا حبة الشعير وطلعوها
أما محاتسيتكم فلا تزال الحبة بأذنها
لاهي اللي طلعت
ولا هي اللي نبتت وصارت شجرة وخلتني أتفيأ ظلالها
تهقون تحتاج سماد !!؟
وكل عام وأنتم بألف خير والشهر عليكم مبارك
مشاركه بنكهة الجازي
لاشك تستحق الاقتباس من اول حرف لاخر حرف
اشتقنا لك ريمو
تبسّمْ سلمتَ
فحُزنُكَ ظلمْ
أيحزنُ من عندهُ
وجه أمْ
ايهه عدنا للذكريات
مدري منين ابدا
يااالله ياهي راحت السنين , اول ماطلع قلبي على رمضان كنا في الرياض وساكنين في صنادق في مكان اسكان الحرس الوطني الحين وكان حي النسيم بعيد اطراف البنيان عند شارع الاربعين
يابعد المسافه والبنيان الحين وصلن لمستشفى الحرس الوطني
كانت الصنادق منتشره وكنا نعيش وكما لو كنا بيت واحد
ومافيه كهرب وقت الظهر ابو وامي كل واحد منهم عند راسه سطل ماء يحط الشرشف بووه ويعصره وينفظفه ويتغطى ويصير كانه مكيف صحراوي
لي تعدي فترة الظهر
وانا استغله فرصه وانحاش لجيرانا عندهم تلفزيون على بطاريه ابيض واسود
ياهي ايام حلوه كان مثلا جارنا بعد المغرب يفرش بين البيوت وتجي عندووه مرتووه وبعدين تجي جارتهم وامي وابوي ونتجمع وسوالف
بس كانو يحشرونا وقت الفطور مايبون احد يجي
وبعدين انتقلنا لبقيق
اذاكر ن الواقف ان ولد عمي شرب من طاسه بانزين كان يظنها فيمتو
بغى يموت لكن الله سلمه
طبعا من السبعينات الى اخر الثمانيات كان رمضان بالصيف مع التسعينات برد الجو وبدانا نعيش رمضان في اشتاء الى كم قبل كم سنه
ايام الشتاء احلى ماكانه رمضان
ناخذ عزبتنا ونروح للبر ايام امطار وكانت ايام حلوه وبعدين جت سنة الربيع 1998
امتلات الارض ربيع وفقع وكانت الرحلات كثيره ياهي سنه من العمر
هذا مايحضرني الحين
ولي رجعه ان تذكرت شي بارز
يازين هالسوالف يابو روان
ياعل ربي يسلمك ويحفظك
شاكره ومقدره وممتنه لحضورك المتميز جدا
لاهنت
تبسّمْ سلمتَ
فحُزنُكَ ظلمْ
أيحزنُ من عندهُ
وجه أمْ
طيب واللي ماعرف ان فيه صيام الا بالثانوي
يقام عليه الحد
خيييير انشاء الله وين العرب عنك
اهم شي تأكد من غازي هو يدري انه فيه شهر اسمه رمضان والا الا
تبسّمْ سلمتَ
فحُزنُكَ ظلمْ
أيحزنُ من عندهُ
وجه أمْ
لي عوده لعلها تليق بقلمك وفكرك الراقي ..
لكن شدني هنا هالكلمات
وصعبه اني انهي تاريخي المضائفي هذي النهايه المؤلمه
لذا رضخت واستسلمت
وش تنهين موب على كيفك تروحين وتخلينا لي حديث معك بس
هناااااك
ياحلو حديثك ويازينه هنا وهناك ياام محمد
<<<< خافت
بنتظارك يالغاليه
تبسّمْ سلمتَ
فحُزنُكَ ظلمْ
أيحزنُ من عندهُ
وجه أمْ
عفوا بس لازم تحدد الشكر لمين ؟؟ لي والا للجازي ؟!
علشان بس مانتهاوش عليه
للقائل والا للناقل
بس لاحظ ان النقل اصعب
حياك وتسلم
تبسّمْ سلمتَ
فحُزنُكَ ظلمْ
أيحزنُ من عندهُ
وجه أمْ
هههههههه احلى شي انك مسؤول الذواقه
حياك شامان وعاش من شافك
تسلم عالمشاركه الرايقه ولاهنت
تبسّمْ سلمتَ
فحُزنُكَ ظلمْ
أيحزنُ من عندهُ
وجه أمْ
اللي اذكره للحين ان ابوي قرر يجيب رشاش بالمزرعه
وبادين يشتغلون حفريات من اول المزرعه لاخره
المهم كانت امي تسوي المهلبيه والكريمه وتروح تقيل وتقفل علينا عنده
وكنا نهرب ومانبي احد يشوفنا اننا ناكل نسرق صحون المهلبيه ونروح للحفريات ونطب به وناكل
وكل ماجاء العصر جاء ابوي ينقل الملاعق والصحون
ومره امي منومه بالمشفى
لقينا سيارة اخوي مفتوحه ونطب به ولعب يوم قام اخوي يجي للسياره قالت هذا مكاني
مااحط بذمتي مدري وش خربه
احسن شيء برمضان
كنا نسوي شبات الصبح وكل يوم الفطور عند وحده من بنات جيرانناوالعزيمه من البقاله كيك وعصير
لو نسرد كل شيء بناذيك ياريم
.
.
فعلا زمان يارمضان
لاهنتِ يالريم
يازينها من اذيه
سوالفك عسل ياعسل
والله وطلعتي من اهل الشقاوة والافساد والتخريب
احلى شييي
ويكتمل الحلى اذا طلعتي منها وطاح فيها غيرك
حياك يالغاليه وتسلمين
تبسّمْ سلمتَ
فحُزنُكَ ظلمْ
أيحزنُ من عندهُ
وجه أمْ
مداخله سريعه .. لكف البحث .. عن ام طلال .. بكل صوب ، بيت بيت ، دار دار ، زنقه زنقه ، وعلى قادة الكتائب " تعيين خير وكلّن يمسك ارضه "
/
/
منوّره المضيف العام يام طلال ..
وشاكر لك الاستجابه .. لكِ احترامي وتقديري
/
/
أنا بديت الصيام بسن مبكره ، على ذمّة الراوي
اجل الصلاة متى؟
تسلم يابوسلطان والله يخليك ذخر
قدرك عالي وطلباتك اوامر ....وتهديدك يخرّع
لاهنت وعسى ربي يحفظك
تبسّمْ سلمتَ
فحُزنُكَ ظلمْ
أيحزنُ من عندهُ
وجه أمْ
The Following 7 Users Say Thank You to ريم شمر For This Useful Post:أهداااب, الاصمعي, المتوقد, بالمختصر.., بنت الجبل آخت القصيد, لوليتا, ليالي نـــ ج ـــد
تقبلوا شكري وتقديري ...مااعدمكم
تبسّمْ سلمتَ
فحُزنُكَ ظلمْ
أيحزنُ من عندهُ
وجه أمْ
الذين يشاهدون الموضوع الآن: 3 (0 من الأعضاء و 3 زائر)
ضوابط المشاركة
رد مع اقتباس
المفضلات