قصة ضريفه لاتفوتكم

**ابو مشاري الشمري** · 24-09-2002 01:26

مبطي مره يوم أنا صغير عمري حوالي 12سنة
كنت سراح بالغنم أنا ولد جيراننا مقرد يالله المستعان وحالتنا يرثالها حافين بدون نعول وكالرمضي تشوينا شوي ومعانا خضير (حمار الله يكرمكم)
وخضير هذا نذل مره أذا جا باظلال مايطلع نضربه يرجع علىورى ومتعافي مره ماهنا كبر قطاته نحرقله الستاد ويأكله المهم العصر ماشين ومرينا على مرح بدوا ولقينا طشت متعفط معدوم ماعافه الطير وبه خير.جت فكره قلنا نبي نعدله ونربطه بالحمار واحد يكون على الحمار والثاني باطشت يسحبه الحمار
من قرد حظي أنا اللي الحمار سحبت خويي شوي النذل زميلي نزل من الطشت أو انه طاح المهم الله لايوريكم الحمار سمع القرقعة وحط رجله جايب طبلونه وأنا متمسك وقرقعت الطشت شي تخرع اللي ماينخرع شوي الا الطشت صاكني بالغارب مره فيني ومره برجلين الحمار تعرفون الرمث واجد تدقرله ثم يطير يافيني يابلحمار وحالتي حاله وآخذ أكالعصريه وأنا ماغير أش اش
اي اي أش اش اي اي لين أنقطع الحبل والطشت وأقول أف والحمار شكله يقول أفيه والله يأني قطعت مسافه مع خضير هالمتعافي وغاربي والظهر رايح فيها تقول مدبوغ من هالطشت. المهم رجعت الى خويي قبل المغرب بشوي وحالتي حاله. أضحك علىحالتي فوق الحمار وأبكي من الألم. أنتهت القصة
أتمنى أنه أعجبتكم

**ابو مشاري الشمري** · 26-09-2002 00:06

الف الف مبروك لجميع الأعضاء والمشاركين على الترقيه
أنا أشوف راحت بعض مشاركاتنا وتعقيبكم عليها.

**محارش** · 26-09-2002 00:52

هو يدرى !!!!
ليل وخير :D

والله يالبناخي من اليوم وانا ادور الردود من مضيف لمضيف ولا هاللحين ما لقيتهن
مهو بس الردود اي شئ اضيف امس رااااااح بااااااااح
حتى الرسايل راحن
الظاهر اننا غزينا :D
لكن ولا يهمك ابشرك كل اهل مضيف فلة الحجاج مدربين تدريبا جيدا على النحشه :D

**ابو مشاري الشمري** · 26-09-2002 01:10

كفوا والله يابعد راسي
أهم شي لايروح الدكتور والمحلل النفساني.
تصدق أني مريت على بعض المضايف ووجدت ان فيه مواضيع كاتبها ومعقبين عليها الربع ياكثرها ولم أعلم عن تع****م الى بعد هالغزوا.
لها فترت طويله.
رجعنا ورى يالبناخي ومكتوب على أسمي ماهو مراقب.. مكتوب عليها عضو مشرف
حاله والله.
نقول مثل ماقال الشاعر
تكفى وترى تكفى تهز الرجاجيل.0...... ولولا ضروف المسح ماقلت تكفى
تسلم أخوي محارش محارش

**أبــ شهاب ــو** · 27-09-2002 21:47

ابو مشاري الشمري
بالله ودي تحط صورة ظهرك عقب هالسالفه

على العموم ماجور وماقصرت ?????

**ابو مشاري الشمري** · 27-09-2002 23:15

ابو شهاب

هلا ومرحبا الف

ظهري الله يجيرك تقول مجدور من ضرب هالطشت

علوم والله كل مأذكرها أطيح من الضحك (حاله وشقى)

أشكرك يالغالي على مرورك وتعقيبك
تحياتي لك