مشاركه اتمنى ان تنال الاعجاب
-----
[poet font="Simplified Arabic,14,firebrick,normal,normal" bkcolor="black" bkimage="" border="double,4,gray" type=0 line=200% align=center use=sp char="" num="0,black"]
قال الوداع وقرب الموت ودنا......باربع حروف(ن) وكل حرف اربع طعون
في لحظة منها يشيبون الظنا......ولو حضره الحكام عيوا يحكمون
هزت خفوقي هز واهتز البنا.....وفي وقتها ذقت المضره والغبون
في وقتها شربت كاسات العنا....ذقت القهر معنى وشفتى الظلم لون
من يوم مـا قـفى،، وودعني وانـا .......... بي حزن مايوصف وبي حالة جنون
عليك يامن نور خده له سنا.......ياللولو المكنون بالحسن الفتون
ياللي كلامك فيه من لحن الغنا.... واهل الغنا،، لامن تكلم،، يسكتون
في ضحكته مزن بنا برقه بنا..... ذعذع له الغربي وجاء يمشي بهون
ويغظ بسود(ن) رمشهن حيله ونا... فيه الخجل،، فيه الكسل،،فيه الفنون
وليا مال عوده واعتدل ثم انثنا......حتى الغصون اليابسه له ينثنون
ويامن لها عمري وهي كل المنا... ويامن على حالي وماقبله يمون
البعد لاينسيك ساعات الهنا..... احفظ عهود الود واصحى لاتخون
واللي سعى بفراقنا وش له بنا.... بالله تكفى اسأل وقل وش يبون

[/poet]