صادفني ثلات إحترت وياهن
أبهرني صحيح وقمت أطالعهن
طولهن واحد ،،ولبستهن ،،وممشاهن
والله أعلــم بعــد يمكن طبايعهــن
زاهيات براقعهن ،، وتزهاهن
لعنبو جدهن ما أحلى براقعهن
لا رضى ابوهن عن الناس خباهن
ولا بغــى يدمــر العالم يطلعهـن
قمت أعدد على نفسـي مزاياهــن
وقمت أردد على نفسي وأنا أتبعهن
هذي أحلاهن،،لالا،،هذي أحلاهن
لالا،،لاذيك لا،،لامــاهــي بمعهن
وإستدارن ،، بجنبي شخص ناداهن
قلت ذي فرصتي بأقصد وأسمعهن
للقصايد مع إني حافـظ أرداهـــن
إرتبكت وعجزت أتذكر أروعهن
والسوالف بعد خلني أنســاهـن
ضيعني صحيح الله يضيعهــن
والدليل إني تخربطت وياهن
أبسلم عليهن ،،قمت أودعهن
رد مع اقتباس
المفضلات