اهدااااااااااااااء لخوي الكبير ابو فــــــــــــــارسكان ابن عون البادئ فقال :
والله مابيعك بالغنـــم يالمغاتـيـــر...واني مابدوي بــك من الناس شـــــاوي
حتى تخضين الفيـاض المخاضيـر...وتقطــــفين ارقــــاب نبـت الصـــداوي
اليا جاء لروس قليقــلانه نواويــر...مثل الدقــوق بريش خطـــو النــــداوي
الابل محبتهــا لهـا طابعـــن غيـر...واليا وقعـــت فالقلـــب ماهيـب تـــــاوي
ثنتين مافيهـــن مسـاوم وتسعيـر...لا فاتن الرجـــــال طـــاح متســــــاوي
دامه يراودهن وهو في رجاء خيـر...ولا غيرهــن لمراض روحه مـــداوي
وليا تركهن هف مع شفــت البيـر...وصارت اموره بين هـاوي وعــــــاوي
محبة الوضحـا وحــب الغناديــر...يستــانس اللي في طلبـــهـا رجـــاوي
اليا عرضت شقرا شــعرها دعاثيـر...بعيونها تخلــــف مســــار الهــــواوي
واللي يبــي يطلب عن القــول تبريـر...لاينشــــــد الا طيبـيـــــن الهـقــاوي
يرفع لمثل لمحمــد الخـس تقريــر...ويستنظر الحــل الصحيح القصـــــاوي
واليا خذا التقرير من شـاعر مطيــر...تـراه حلـن مايعقبـــــــه دعــــــــاوي
ويمكن يقول الثالثه نقلـت الطيــر...اللي حصل رفض الجنـــاح الرهـــــاوي
رفـض الجناح اللي ليا استتبع السير...حول على راسه بالامر السمـاوي
طرح الشبك ماهوب من وارد الجير...من طار من عشه امراحه خـــــلاوي
وهذا رد ابوخلف محمد الخس
جتني بيوت مصخــر القاف تصخيـر...عبـدالله النايـف ربيـع الفـداوي
يقـول وش رايـك ويبانـي اشيــــــر...رايي مثل رايك على منـت نـاوي
ياراعي الوضح الخيــار المصاغيـر...اللـي لمثلـك ماتجـي بالمنـاوي
لاتطيــع بالمغتـر جميـع المشاويـر...كانك علـى لـذات قلبـك شفـاوي
خــل الغنم لو هـي تجيـب الدنانيـر...راعي الغنم فقري لو انـه غنـاوي
ليا طاح من غرالمزون الشخاتيـر...فأرضن بعيدأ دونها الذيـب عـاوي
ثـم جاء لعشب الوسم فيها دواويـر...وتغاوزوها مـن جميـع النحـاوي
راع الغنم ماهــوب يــاصـل بتيسيـر...الا بشيـل وحـط واخـذ وكـراوي
والبل تزاعج مع وجيـه المظاهيـر...يومن لها عشر اجبتـن للشـواوي
تاصل ولو ان الحيا من ورى الذيـر...مادام تلقى مـن شحمهـا شـلاوي
ويضأ ضحاياهـا رقـاب المناعيـر...يوم الطرب قبل السـلاح النـواوي
وان جتك عكشأ مثل خشف الحمارير...نبريـه تبحـث خفـا كـل غـاوي
ارجع لها لو يزعلـون الحجاجيـر...كان انصحت لـك بالغـلا لاتـراوي
والاشقر اللحـاق عـوق المدابيـر...لاتتركه دام انـت هـاوي وقـاوي
اللي تماري بـه جميـع الصقاقيـر...لاجيت قاعن فيه عشـب وحـراوي
وانته ســديد الراي في كـل تدبيـر...وتسنـع الغـاوي كفيـت البـلاوي
رد مع اقتباس
المفضلات