( سجــــــل حضــــــورك ببيت شعر )

[al-shmaly]

هلا وسهلا بالجميع

والعفو ايثار من ابسط حقوقكم
وكل الشكر لكم ولحضوركم العطر

من ماحترمني ما أعتبرته من اعداي
ولاكل صاحب يستحـق احترامـي
عثرات نفسـي ماتبـدل سجايـاي
ومطيـح غيـري مايعلّـي مقامـي
أصيب وأخطـي وتْعلّـم خطايـاي
وارمي ولو قدامـي الفيـن رامـي

[al-shmaly]

الـقـصـايـد قـوافـيـهـا / قـوافي س ك وت
إنـكـسـر كـل وزن ، ولا جـبـر خـاطـري

ماغَـرفـت وغِـرقـت ، ولاعـرفـت ونجوت
عجـْز واقف بـ صدره شعر ماهـو بـري..!

ماعلى الـطـرس شاعرعاش يقدر يـموت
اسكـنـي ياحروف الروح ،، والا اهـجـري ،

أورق العـلقـم المغـروس بك غصن ت وت
واعذب الدمع ذاب فـمـلـحـك الـسـكـري

إرسمي كـهـف مـا تـسـكـنـبـه الـعـنـكـبوت
واكـتـبـي - كان ياما : مـوطـنـي مـهـجـري

رددي .. كـان يـامـا - كـان يـامـا- بـشـوت
نـاس تـزحف وراهـا نـاس تـمشي جـري

يـشرب الأرض حوت ويـبـلع الحـوت ح وت
وحضرة الأمن ..جـيـب يـدوربه عـسـكـري..!!!

al-shmaly

[al-shmaly]

أنـا ربـتني الـدنيا عـلى جزل العطا والجود
ونـفسي لـلوفا والـطيب وفـعل الخير جزامه

وأعـارض منهج الهابط وأوافق للصعود صعود
وأسـيّر نـفسي بـعقلي مـدام الـنفس هـدامه

ولا تـثّر بـي الـبسمة ولا كـحل العيون السود
ولا يـقوى عـلى قـلبي صغير الحسد وأجسامه

أردّ الـجود بـأمثاله وأقـابل بـالجحود جـحود
وتـرى لا خـير فـي رجلٍ يوطّي للردى هامه

وعـندي مـع أهـل العِليا مواثيق وثلاث عهود
أوفــي لـه مـطاليبه وأودّه وأرفـع أعـلامه

أعـايش مـركب الـدنيا على متن القدر مولود
أبـعرف هـو صـحيح إنّ القدر بالناس دوّامه ؟

ومـن ويـن الـزمن مقبل وإلى وين الليال تقود
ومـن فـي هـالزمن يـقدر يوجّه خطوة أقدامه

ومـن لـه بالزمن غاية ومن عنده هدف منشود
ومـن مـنّا قـدر يـعرف خـفايا مقبل أيامه ؟

عـرفت إنّ الشقا باقي ، عرفت إنّ الحسد موجود
عـرفت إنّ الـقدر يـفرض علينا بأسوأ أحكامه

لـقينا الـعرب حـاسد وشـفنا بالعرب محسود
وبـه نـاسٍ لـنا ضـامت ، وبه بالناس منظامه

ويـنقص بـعضنا خـوّه ويـنقصنا وفاء وعود
مـدام الـحسد بـاقي وبـعض الـناس نـمامه

ولا تـرجى بـها الدنيا من ربوعك يجيك اسنود
ولا تـشره عـلى رجـلٍ عـيونه خانت أقدامه

وقـابل خـطوة بخطوة وجازي بالصدود صدود
تـناسى غـلطة الصاحب عليك بلحظة اخصامهل

ولا تـخطي تـرى لصبر الحليم اليا سلاك حدود
تـروّى واعـرف بـضرب الحديد تفكك لحامه

تـجنب كـسرة الخاطر ولو حبل الزعل مشدود
تـراك بـكسرة الـخاطر حـكمت القلب بعدامه









al-shmaly

[al-shmaly]

/
\


خلقني الله صريح .. وما اعرف اجامل !
خصوصاً :- ان شفت شي ٍ ما يناسبني

ما آحد ٍ بـ .. كامل / ووجه الله هو الكامل
( في رايّ ) :- الناس مدري ويش تطلبني

لاشك .. ( احب اتعامل مثل ما اعامل ) ,
وعلى ما اسوّي ما احب آحد ٍ يحاسبني !


/
\

[al-shmaly]

من لا رفع لـك بالملاقـا ذراعـه
نزه يمينـك عـن مصافـح يمينـه
ليصار باعك خمسة ابـواع باعـه
خلـه يوفـي بالمقايـيـس ديـنـه
سنبوق ينشر وسط بحرك شراعـه
وموج البحر ليهاج غـرق سفينـه
وش وهقه يعرض رخيص البضاعه
في سوق غالي والفـوارق ثمينـه
ومن لايعزك لـوك تغليـه باعـه
مبداك والنفـس العزيـزة حصينـه
خذها نصيحة من مجـرب وداعـه
اللـي يعينـك تنهـزع لا تعيـنـه
واحفظ لنفسـك عزتـك والمناعـه
واضحك ولو كل المشاعر حزينـه

[راكانو]

نسيتك ؟ لاحشى واللي خلق راسي تناسيتك

رحلت ومقصدي كله .. عشان انساك
نسيتك ؟ لاحشى واللي خلق راسي تناسيتك

تناسيتك نعم لكن بقت في داخلي ذكراك
بقى في داخلي زولك بقى في داخلي بيتك

ألا ياكيف أنا بآسلى ليالي غربتي واسلاك ؟
مدام اني ليا جيت لمرآية غرفتي جيتك

أشوفك في وسط عيني وأغمضها عشان امحاك
واشووفك داخل جفوني إذا غمّضت [ ضمّيتك ]

[ أضمّك ] واشتكي طيفك على طيفك بدون إدراك
وانا في غربتي ليتك تحس بحالتي ليتك

ورى عوج الضلوع ألقى بقايا ضحكتك والقاك
وأسافر لك وانا حيّك واسافر لك وانا ميتك

نقشت [ أسمك ] على عرق الخفوق اللي فقد يمناك
واذا مرّ النفس صدري تذكرتك وحيّيتك

شهور مرّت وانا قلبي يعيش بضيعته بحماك
بدون أسباب لاتسأل ليا منّي تمنيتك

أهذري بك واغني بك ( أنا اهواك أنا أهواك )
وأمرّك تايهٍ .. واذكرك لامني تعديتك

حبيبي طالبك تكفى سألتك بالذي سواك
وش اللي يمنع عيوني ليا جيتك وراعيتك ؟

تحاكمنا على الفرقى بدون اسباب يامقساك
تخالفنا .. تعدينا الحدود.. ورحت خليتك ..

كذا مامن سبب يشرح نهاية قصتي وياك
تكبرت .. وتكبرت .. وتحديت .. وتحديتك ..!

تفارقنا ودمعات [ القهر ] تخشع على فرقاك
وبلاي اني من دموع الوداع المرّ واسيتك

حبيبي والفضا كله مساحات وسما وافلاك
يضيق وغيبتك قشرا .. وانا جيتك وناجيتك

مدام ان الغياب اللي يداعب غربتي فتاك
أمانه لاتجاهلني .. وانا للوصل ناديتك

صحيح اني تجاهلتك وخليتك عشان [ انساك ]
ولكن والذي سوى عروقي .. بس تناسيتك




ْ~|


صرآحة شكلي بٌ أدمن على هآلموضوع ^_^

[al-shmaly]

الحـق والباطـل عرفنـا جهاتـه
وما يزرع المخلوق له يوم يجنيـه

أحد ٍ له الدنيا على الكيـف جاتـه
الله عطـاه وكـل شـيٍ بايـاديـه

ما ذاق لوعات الزمـان وشقاتـه
الفقر والتجويـع يسمـع بطاريـه

وأحد ٍ يـدور فـي زمانـه نجاتـه
يبي الستر والعافيـه بيـن اهاليـه

عزيـز نفـس ولا يبـدّل عبـاتـه
راضي ويدري عيشته مـا تكفّيـه

وأحد ٍ أبـد ماخـذ طبايـع خواتـه
ضعيف رآي وكلمتـه مـا تقديـه

وأحد ٍ لبس ثـوب المراجـل بذاتـه
وا سِعد عين اللي من الضيق ناصيه

وأحد ٍ صميـدع يرهبـك بإلتفاتـه
حرٍ مطالعيه عـن النـاس تغنيـه

وأحد ٍ يضيع صيدته مـن عماتـه
لا واخساره مـن ترجّـى يعشيـه

وأحد ٍ زرع ما نال غيـر الحتاتـه
الحظ كنـه واقـف ٍ لـه معاديـه

وأحد ٍ قطف ورد الزمن وإثمراتـه
باب البخت مفتـوح دايـم يناديـه

(( وأحد ٍ تساوى في حياته مماتـه
وأحد ٍ يموت وطيّب الذكر يحييـه ))

[شمس آلع ـآلمي]

تدري لامنّك زعلت وش يصير ..؟
تدري لامن صار خاطرك مكسور ..#



تكّدس أغصان الشجر بالعصافير~*~
وكل ماذرفت دمعه .. يموت عصفور..!!

[سالم الظفيري]

فاتنة خلينـــي القــى فيــك عيب

وش يقول اللي عذلني في غلاك


لو كبرتي لو يصير الشيب شيب

في عيونــي صـــورك ربي ملاك


في ملح الحلق والسحر العجيب

دللك في صنعتك ربــي عطــاك


بالشفايف وابتسامة ماتغيب

والعيون السود و النظـرة هلا


عيب واحد لو لقينا فيك عيب


مارحمتيهم عطيتيني غلاك

[ابو فارس]

البـآرِحَه مابينْ " يمكِـن " وَ " يالـيتْ "
...وَ إبـلـيسّ [يتركـِني] وَ...[يرجَعْ] عَـليّـهْـ !!
[فكّـرتْ]..لّو طَوّلْ غِـيآبَكْ [و لآجـيتْ] ؟!
... يعنيّ كِـذآ : [ رُوحَه وَ مِنْ غـيرْ جَـيّه ]
خـآنتـنيْ الدّمعَـه .. وَ طآحَتْ .. [وَ صَدّيـتْ] !!
... مَلعـوُنْ أبوالتّفكـيرْ : [يذبَحْ خَـويّه] !!