موقف في ليله العرس 00 اول مشاركه حلال لي يعني ماهي مسروقه

**--(برق النفود)-** · 21-09-2002 19:41

واحد من الشله ليلة عرسه صارت معه سالفه وعلمنا بهايقول اول ليله الدخله جلست في زاويه والبنت في زاويه , اكلمها مستحيه وتراعي للقاع .. اقط نكته اشكل ما تضحك استهبل عليها ماش البنت تطالع في الأرض ومشكلته ولا كأن فيه أحد جالس جنبها ..
الرجال من كثر مايكلم نفسه وبنت الناس ساكته قال خلن ابسكت وأشوف وش تاليتها معها .. يعني كلنا هجدنا ..

شوي يوم جو أخويا الرجال وقالوا نبي نستهبل عليه .. المهم ويقوم واحد منهم ويآخذ حصاة ويرجمها في النافذة .. عاد تخيلوا سكوووون وصوت صقعه فجأه .. البنت يوم سمعت الصوت قمزت وهي توشلع الرجال من الخرعه .. الرجال اعجبته الحركه .. ترك حرمته على جنب وطلع من النافذة وصاح لأخوياه " ثانيه يالربع بالله ثانيه " !!

**متجند سيفه** · 21-09-2002 21:39

انا لو منهم استنذل معه

وخليه يقضي الليله سكاتي:D

**--(برق النفود)-** · 21-09-2002 22:45

مادريو بالوضع دااااااخل

والا هم دكاتره بالنذاله(والله انذلهم انت اللي ناشر سالفة خويك بالنت ) ماهو شغلك انشر اللي ابي وما نشر اللي ابي (اقول انكتم لا اعلم عليك وانشر غسيلك قدام الخلق) لو سمحت خلاص خلاص

ملاحظه:

مابين الاقواس هو مايمليه علي ضميري وانا بكل امانة الكاتب اورده (اخس ياقوي) ولذلك جرى التنويه :D :D |513

**الفاضي** · 21-09-2002 22:48

تسلم اخوي برق النفود

والله خطه جهنميه تصدق ابي اوصي ربعي به اذا جا عرسي بس ماني مقلد خويك ابي اخليهم يرمون علي طرطعانه احسن تخرع اكثر<<<<<<<غاوي اجرام

تشكر اخوي على الموضوع وبانتظار جديدك

تقبل تحياتي الفاضيه

**شموخ** · 22-09-2002 01:21

هذه مسيكينه البنيه من اول ماسمعت الصوت وهي فازه يمه والله حزنتني وفي نفس الوقت تضحك

لا والفاضي يبي طرطعانه بعد لو انهم يسونها فيك يالفاضي كان بتنشغل ذيك الليله منت صاير فاضي كان يمكن تقضي ذيك الليله بالمستشفى يمكن يزوغ عقل الحرمه وانت السبب .

تقبل تحياتي اختك
شموخ

**سالم** · 22-09-2002 02:40

لو أنا منه أخليها سكنم بكتم لامن شاف ولا من دري
سكاتي

___________________________________
سالم الشمري / المنطقه الشرقيه / الدمـــــــــــــــــــــــــــــــــــا م

**vip_o0o@hotmail** · 22-09-2002 18:53

يا قوه الله يالربع

ياشينها

كثير تحصل

لا لا ماهو انا

محارش يسولف مره علي

يقول حصلت علي

امزح ما اعرف محارش

بس ودي اتحارش به

**الفاضي** · 22-09-2002 19:03

شموخ عادي يزوغ عقل المره ابي انشغل مره في حياتي:D

اخوي vip_o0o@hotmail نصيحه لا تحرش بمحارش تره اقشر<<<واحد فزعه مع محارش ههههه

**عبدالله الجعيثن** · 22-09-2002 20:36

برق النفود

اسمحلي خويك هذا مع احترامي غبي, والبنت ماخافت ولا شي بس تبي تشوف ردت فعله.

يعني بالعربي ماهنا مرجله.....الغرفه اذا ماتصير غبرته بالسماء ماهي ليلة عرس
ههههه قال سكاتي قال.

**مفتاح14** · 22-09-2002 21:39

هههههه ههههههههههههههايلي

والله ياهي فكره.. وعلى قولة المثل : ( رب صدفة لم تلده لك امك )

<<---- يسمع بالامثال:p

أما (( توشلعته)) ههههههههههه ياخي من وين تجيبون هالحتسي المغبّر؟

<<----- ( وش هالطويرات ببيتكم ؟ ) :D:D