حايل ,,, وقانون الجذب !

**شموخ شمالية** · 03-05-2011 15:13

.
.
.

بعدين باقي الكرسي الخامس فاضي من ناويتن تتخيلين فيه

الكرسي الخامس لام محمد ليالي نجد

ان شاءالله نجتمع عن قريب

**ملامح شمري** · 05-05-2011 13:39

المشاركة الأصلية كتبت بواسطة الجازي

وأروح يمك ياقوقل إيرث

وعلى حايل سيده

وتطلع لي حايل بعد حيي

وهذي والله عقده غرب حايل تلوح لي بيدها الكريمة

وأقرّب شوي

إلا هذا برزان

لا لا مو معقول

شوي ولا والله يطلع لي مستوصف الريان

خلاص

هنا حسيت إن شموخ بتطلع لي مع الشاشة وتسحبني لبيتهم وهي مجهزة لي القهوة مع حلى من هاللي غثتنا بهم في المطبخ <<< تقوطر ذوق العمة

شفت دوار السنبلة أو مدري السنابل

شفت أشياء بغيت أهوّن عن روحتي الصدزية لحايل <<< خوش والله

هههههههههههههههه
يا قدمك يا شيخة

دوار السنبلة مبطي شالوه

تفرجتي على حايل بقوقل بصور عمرها فوق الثلاث سنين يمكن ..
اخر مرة جيت فيها حايل لخوالي قبل شهور

, كانوا حاطين كبري بدل الدوار
وبعدهم ما افتتحوه , مدري عن هالحين ...
تصدقين , فلة امي مانا حليلها وهي طالعه بالصورة

صبر .. صبر ...؟!

< يتمقل زين بالحوش, لا يكنون قوقل مصورين و ناشرين محارمه

قسم الا اذبحهم

خلص تحميل التورنت

يلا تشااو

**مطلق الثنيان** · 05-05-2011 16:42

المشاركة الأصلية كتبت بواسطة ملامح شمري

هههههههههههههههه
يا قدمك يا شيخة
دوار السنبلة مبطي شالوه
تفرجتي على حايل بقوقل بصور عمرها فوق الثلاث سنين يمكن ..
اخر مرة جيت فيها حايل لخوالي قبل شهور , كانوا حاطين كبري بدل الدوار
وبعدهم ما افتتحوه , مدري عن هالحين ...
تصدقين , فلة امي مانا حليلها وهي طالعه بالصورة
صبر .. صبر ...؟!
< يتمقل زين بالحوش, لا يكنون قوقل مصورين و ناشرين محارمه
قسم الا اذبحهم

خلص تحميل التورنت
يلا تشااو

الكبري اللي مكان دوار السنبله أفتتحوه قبل عدة أيام،،،
أفتتحوا عدة كباري بحايل خلال الأشهر الماضية .. أكبرها وأروعها في نظري هما أثنين واحد اللي على مدخل حايل الشمالي (قريب من جامعة حايل للبنات) وقريب من حيي أجا والمصيف والكبري الآخر هو اللي على الدايري الجنوبي!!
بعض الكباري تحت الإنشاء وقريباً سيفتتحونها وأكبرها ويمكن يكون أجملها برأيي هو الكبري الذي يُقام حالياً (قيد الإنشاء) على أنقاض دوار القربه سابقاً وجاري العمل به على قدم وساق وقريب يفتحونه إن شاء الله تعالى !!

حايل تغيرت 180% للأفضل من ناحيتين شبكة الطرق والكباري وكذلك إزدهار الإستثمار في مجال إقامة الشقق والفنادق الجديدة
هناك الكثير من الشقق المفروشة
مثل وسام حائل للشقق والغرف الفندقية في المنتزه الشرقي (صديان الشرقي)
وشقق الحمراء في جنوب حايل على الدايري الجنوبي

وغيرها الكثير

**راعي الوقيد** · 05-05-2011 21:32

حايل !!
اخت الجبال ؛ وبنت القصيد

**عبدالله الجعيثن** · 06-05-2011 13:07

ان قلت حايل مال مليون ابو عقال // ليا قلت اسمه عند الاجناب فزّوا

...بقلمي

**الجازي** · 09-05-2011 23:01

الظاهر إني بشارك في منتديات حايل عشان يجاوبوني على أسئلتي !!؟

مافيكم اللي جاوب على سؤال واحد على الأقل !!

إلا أخوي مطلق يعطيه العافية عطاني أسماء شقق سكنية !!

هو صح باقي حول أربع شهور على الرحلة بس التخطيط المبكر من أبجدياتي <<< ترفقي

مشكورين جميعاً على المرور لاهنتوا

**قـــوت** · 10-05-2011 01:07

يالله حيه يالله حيه

بس عاد أبي اقتراحاتكم بخصوص السكن وش أحسن !! شقق مفروشة وإلا استراحة مؤثثة !!؟

والله على هواك بالنسبه لي احسن استراحه عشان الحوش

وتستغلين الاجواء الباريسيه هههههه

بالنسبة لجبال أجا وسلمى وينها فيه بالضبط مالقيتهم كاتبين شيء في قوقل إيرث !!؟

اجا وسلمى عباره عن سلسة جبال مهي جبل واحد

كل الجبال اللي تشوفينهن هن اجا وسلمى

معالم حايل السياحية وأهم مناطقها (( خصوصاً المعالم الطبيعية جبال وديان طعوس أنهار شلالات ))
كل حايل معالم

شعبان وتلاع والطعوس متوفره بعد
حتى اننا فاجرين سري من نهر النيل

فيه الحفير وام القلبان والخطه والقاعد وجبه قرى جميله جداً

يعني التقاء النفود بالجبال المكان اللي يصورون عنده حامد الصبعان وعيد سعود

مطاعمها المميزة لو حبينا ندلل أنفسنا شوي وناكل منها وإلا الأكيد إن العزبة بتصير معنا وبنطبخ الله لايعوق بشر

فيه الرز مطعم الكرمه يسوي برياني اسبوع وانتي تطعمين به ههههه

اما الاكلات الشعبيه فيه حريم يسونها
ليا جزمتي على الجيه اعطيك كل المعلومات

واهم المعالم بحايل ( كبري السياكل ) ان شاء الله تجين تشوفينه

هذا وصلى اللهم وبارك على نبينا محمد

**الجازي** · 10-05-2011 11:30

يابعد قلبي ياذهوبة

يا اختي بردتي قلبي ولو ان حتسيتس ماقضبت منه معلوماتن سنعة بس مايخالف على الأقل عن قولة رديتي على الأسئلة <<< برا

يابعدي جبال أجا وسلمى أبي أعرف مكانها بالنسبة لحايل مع وين تحدها <<<< ذكرت الجغرافيا الله لايذكره بالخير

يعني مع الجهة الشمالية والا الغربية والا وين بالضبط !!

بعدين تعالي الحين أجا ماهي مفصولة عن سلمى !!؟

أحلى شيء قلتيه اللي هو المكان اللي يصورون به حامد وعيد !!

جابتس الله وينهو فيه بالضبط !!؟

جايزن لي ولا ودي أرجع من حايل إلا وأنا متقهويتن فيه على الأقل <<<< أنتي روحي بالاول

الأكلات الشعبية سمعت بهالحريم اللي يسوونها والحين أنتي تقولينها !!

بالله وين ألقاهم ووش تنصحيني به من الأكلات الحايلية الحلوة

يابعد قلبي والله عارفة انتس بتتحسفين انتس رديتي علي بس ماعليش تحملي يابعدي

مو كل يوم جايتكم حايل

ولتس مني هدية أصور لتس عند كبري السياكل

نورتيني يالغلا