حايل ,,, وقانون الجذب !
لعشاق المواضيع الطويلة فقط
*
*
*
قانون الجذب القانون اللي بلغت شهرته الآفاق
عاد شهرته جت من جهتين
تأييده والدعوة له
أو محاربته وتفنيد ماجاء فيه !!
القانون وكتابه (( السر ))ومؤلفه كلهم مايهموني
لأني أطبق القانون وأميل له وأؤمن به من قبل لا أسمع عنه ,,
ما جاء في الحديث القدسي : (( أنا عند ظن عبدي بي )) يختصر كل ماجاء في كتاب (( السر )) أو قانون الجذب ..
لكن معذورين لأنهم مايعرفون عن الإسلام إلا الصورة المشوهة التي أرادوها له !!
ماعلينا
الموضوع عن حايل
معشوقتي
محبوبتي
ملهمتي
حلمي الذي لم يتحقق
طريدتي <<< مشروع قنص
جنيّتي اللي استعصت علي
أبيها
من عشر سنين وأنا أحتسي بها في المضايف وكل مرة أقول إن شاء الله بزورها ولكن
عزّ اللقاء
معقولة مانيب شايفتها إلا في الجنة <<< هلوست العمة
جربت كل الطرق والحلول والحيل مانفع منها شيء
عجزت أقول لهم ياعالم ياهووووه
لاتودوني عشان سواد عيوني بس على الأقل إذا رحتوا لها خذوني معكم
حطوني عند شموخ عشان ماتبلشون بي
بس مامن مجيب
وليتهم مايردون تسان أرحم
البلا إنهم يماطلون بي يقولون خلاص شوفي أنسب وقت وخططي عشان نروح !!
مخططاتي وتخطيطاتي وخططي كلها انتهت صلاحيتها
*
*
*
مليت من الصبر والصبر مل مني
وبعد ما ملينا من بعض
قلت وليه الاستسلام
آخر العلاج الكي
وقانون الجذب قاعد على جنب يبي أحد يسوي له اختبارات ودراسات عليه عشان يثبت مصداقيته
وأنا قاعدة فاضية لاشغلة ولا مشغلة !!
تعال ياقانون الجذب
خلني أسوي اختباراتي عليك
وحدة من ثنتين :
ياتجذب لي حايل وتجذبني لها
يا إنك بتطلع ماعندك سالفة وأكتب فيك كتاب أسميه (( السر الخرطي ))
وأتربح من ورا هالكتاب على الأقل
العوض ولا القطيعة
عاد بديت أشتغل على هالقانون وحسب قواعد هالقانون أول خطوة تبدأ فيها بجذب الأشياء هي إنك تتخيلها وتتخيل إنك حصلت عليها :
وقمت أتخيلني وأنا رايحة لحايل وأتخيل معالمها وأتخيل بيت شموخ <<< أبوتس يالشفاية
وأتخيل برزان
وجبال أجا وسلمى
حتى مستوصف الريان تخيلته
والله وأنا غرقانة في خيالاتي حسيت بنشوة
وكأني رحت لحايل
قلت وليه أتخيل وبس
قومي ياعمة انقزي لقوقل إيرث وتخيلي خيال حقيقي <<< خوش تعبير
وأروح يمك ياقوقل إيرث
وعلى حايل سيده
وتطلع لي حايل بعد حيي
وهذي والله عقده غرب حايل تلوح لي بيدها الكريمة
وأقرّب شوي
إلا هذا برزان
لا لا مو معقول
شوي ولا والله يطلع لي مستوصف الريان
خلاص
هنا حسيت إن شموخ بتطلع لي مع الشاشة وتسحبني لبيتهم وهي مجهزة لي القهوة مع حلى من هاللي غثتنا بهم في المطبخ <<< تقوطر ذوق العمة
شفت دوار السنبلة أو مدري السنابل
شفت أشياء بغيت أهوّن عن روحتي الصدزية لحايل <<< خوش والله
وبما إني شفت قالت لازم أوثق هالشوفة هنا في هالموضوع عشان ما أنساه وأصير أتذكره باستمرار
وهذي هي الصور :
حايل :
وسط حايل :
برزان عن بعد :
برزان عن قرب :
مستوصف الريان عن بعد :
مستوصف الريان عن قرب :
طبعاً توقيت الرحلة الواقعيةإن شاء الله راح يكون في شوال الجاي بإذن الله لأني أتوقع الجو راح يكون خيال خصوصاً في حايل
بس عاد أبي اقتراحاتكم بخصوص السكن وش أحسن !! شقق مفروشة وإلا استراحة مؤثثة !!؟
بالنسبة لجبال أجا وسلمى وينها فيه بالضبط مالقيتهم كاتبين شيء في قوقل إيرث !!؟
معالم حايل السياحية وأهم مناطقها (( خصوصاً المعالم الطبيعية جبال وديان طعوس أنهار شلالات
مطاعمها المميزة لو حبينا ندلل أنفسنا شوي وناكل منها وإلا الأكيد إن العزبة بتصير معنا وبنطبخ الله لايعوق بشر
وش بعد ياجزّو !!؟<< تسمع بالدلع
هذا اللي طرى على بالي الحين
وعلى بال ماتجاوبون على هالأسئلة بيمديني أذكر الباقي
الحين بروح أغيّر توقيعي وأحط هالأبيات الحلوة :
يانسمة الوادي
ياوردة بلادي
حايل ربى الشادي
يانرجس وكادي
عشان لو طوت موضوعي صفحة النسيان يذكرني به توقيعي
وأظل على العهد باقية
وأشوف يا أنا ياقانون الجذب
تسان جاء شوال ولا رحت لحايل
فأنا بشارك في رالي حايل السنة الجاية عشان أجيها غصب
رد مع اقتباس
المفضلات