اللي نوى له نيتن وش تنصحونه !!!!

[الونش]

الونش

حياك الله
اي فون وانت مغمض
اذ لك هوايه بالبرامج
انا صار لي فتره معي اي فون وللحين كل يوم اكتشف برنامج
يكفي انه كمبيوتر كفي
.
.
لاهنت

أهلين ببنت أبوها

اَي فون أكيد انه أفضل ولكن مالي فيه

أبي أي الجوالين اللي فوق أفضل

ومشكوره

[الونش]

^
^


مثل ماقالت بالضبط

ومثل ماقلت أنا لها بالضبط

يالله حيوه

-

[الونش]

عليك بآي فون 4 ومن دون ماتشاور أحد سواء أكان لك هواية بالبرامج والتطبيقات أوبالأخبار أوبالتصوير أومالك هواية سواء من ناحية الذاكرة أوالكاميرا لاتدور غير آي فون 4 في الوقت الحالي .

كلن يشور بلاَي فون 4 وش السالفه ؟

والله يامطلق ان جيت للصحيح حتى الجوال نفسوه مالي بوه هوايه

بس المشكله مالنا عنوه غناة

أبي أحكحك أذاني وأفكر أيهن أشتري

لاهنت يالغالي

-

[أبو فهد]

حبيبي



عليك بسامسونج جالكسي إس



بلا إيفون بلا بطيخ



والله الآيفون ما ياكل معوه عيش




جربوه يا راعين الآيفون و بتدعولي



و أنا أعرف أكثر من واحد جربه و باع جواله الآيفون



و توجه كل هالناس يم جالكسي إس



يكفيك مدة عمل البطارية و وضوح التصوير و تنوع البرامج و سهولة التشغيل و بيئة العمل


لا و عمرك شفت جوال يمد الجوالات الثانية اللي حوله بخدمة واير لس



الجالكسي إس بوه هالميزة



بصراحة كلمة فنان قليلة بحقه



جربوه



و انتظر دعواتكم




-----------------
أبو فهد الهمزاني

[الجازي]

معذرة للعودة يابو خالد

بس بما إنك تشاور على هالإثنين بالذات

فأعتقد حسب ماقرأت إن مواصفات N8 أفضل بكثير من C7 لأن فئة الـ C هي أقل الفئات مواصفات بالنسبة لنوكيا

ولقيت في أحد المنتديات واحد شاريه ومتوهق به وحاط عيوبه ....

بينما N8 لقيت موضوع مسوي مقارنة له مع الآيفون وتفوق على الآيفون في المواصفات !!

هذا كلام الأخ راعي العذاريب (( C7 )) :

الأحبة الكرام
بعد تجربتي لجوال c7 تبين أن فيه عيوب جوهرية مزعجة وهي كما يلي:-
1. حساسية اللمس فيه مزعجة جدا .
(فمثلا "عند استقبالك لاتصال والجهاز في جيبك وأثناء إخراجك للجهاز جاءت يدك على الشاشة فإن الاتصال يُفتح مباشرة علما بأن الشاشة تكون مقفلة وبرقم سري ولكن بمجرد الاتصال يُلغى القفل وأي لمس للشاشة يفتح الاتصال ولا يوجد خيار كالجوالات الأخرى في تحديد كيفية فتح الاتصال .
2.تحريك الشاشة من الطولي إلى العرضي بحساسية متعبة
فكثير من الأحيان أكون ممسك الجوال بشكل طولي واكتب رسالة وأي تحريك أو إمالة ولو لشعرة يتحول الجوال إلى الوضع العرضي فجأة مما اضطرني لإلغاء حركة تحرك الشاشة .
3.عدم إمكانية تخزين الرسائل والمقاطع على الذاكرة الخارجية
مما دفعني أن أتسائل ما ضرورتها إذا لن أتمكن من تخزين المقاطع عليها ولا حتى الرسائل ولا الأسماء .
4.عدم إمكانية التعامل مع المقاطع المرسلة بلوتوث للجهاز بأريحية
فعند استقبالك لملف صوتي أو مرئي سيبقى مخزنا في الرسائل إلا أن تحدث ملفات الموسيقى فتأتي إليه ولن تجدها أو تنقلها إلى أي مكان شئت مثل الأجهزة الأخرى .
5.نظام الخرائط يبدو أنه ضعيف جدا
فأنتظر الكثيييير لتحديد موقعي أو موقع آخر .
6.بعد تجربتي للبريد الالكتروني فيه تبين أنه لن يستطيع عمل التزامن لجلب الرسائل الجديدة بعد مدة يومين أو ثلاثة
مما اضطرني لمسح البريد والتسجيل من جديد وكذلك لم يدم لأكثر من يومين فمسحته نهائيا
7.الوايرلس فيه ضعيف بالمقارنة مع n86
فإذا لم تكن ملاصقا للمودم فلا تحلم باتصال مستمر .
8.الشاشة أي لمسة فيها تنطبع
وتحتاج إلى مسح متواصل لتحلم بصفاء الشاشة .
9.كثيرا ما أحاول التكلم بالسماعة الخارجية السبيكر والنتيجة دائما أسمع صياح المتحدث قائلا "لا أسمعك"
فيبدو أن السبيكر ليس مصمم للكلام.
10.صوت الجوال يُعتبر ضعيفا
بالمقارنة مع غيره كـ n86 أو n8 أو n97 وغير مرضي .
11. حاولت أوصل الجهاز على تلفزيون السيارة
ولكن يبدو أن حلمي كان أكبر من أن يتحقق
12.الأوامر الصوتية "إسم بلا فائدة"
حاولت تجربتها أكرر الاسم مرات ومرات ويبدو أنه يُخرج لك ليس على نطقك بل بالصدف لا أذكر في يوم جاءني الأمر الذي نطقت به من حتى رابع مرة .

*
*

يعني باختصار :

اعتمد N8 وفالك التوفيق

[الاصمعي]

فالك التوفيق ومبروك مقدماً يالعشير

ليا بغيت استشارة فيس تو فيس عطنا روحك وخذ العلم الوكاد اذا مهو مني من بناخيلك عندي << دايم يكرب وجيهنا ليا صار الكلام حول التقنية


تحياتي

[بنت الجبل آخت القصيد]

ابو فهد

حتى الاي فون ٤ يشغل الاجهزه الثانيه بالوايرلس
ولابعد يشغل اللاب توب بالوايرلس

صديقتي مجربتها وظبطت وانا بجربها




اذا كنت تبي واحد ارشح لك n80

لاهنتو

[متفاائل]

اخي الونش هذه حريات شخصيه لايجوز التدنخل بها والدليل يوم تغير السحه بالهوق ماشاورت

ثانيا اذا بغيت الايفون حدد اي ايفون 16 او 32 المهم اذا نويت ايفون ممكن نخدمك يالطربه عندي عملاء من الداخل والخارج

تحياتي لك

[ابن جشعم]

اذا تبي تبيع جوالك الاول يالونش تر عنديلك شرّااااااي كذا

ايفون 4 و N8 و C7 كلهن جربتهن

الاول كرشتوه والثاني صرّفتوه والثالث عزالله انه خوش جوال ومهضووم

عليك بــــ C7

ايفون 4 سعره من الفين وسبع للأربعة على حسب سعة الذاكرة
N8 سعره بــــ الف وثمان

C7 سعره بــــ الف وثلاث

ونت وكيفك ودمتم

تحياتي

[الونش]

حبيبي
عليك بسامسونج جالكسي إس
بلا إيفون بلا بطيخ
والله الآيفون ما ياكل معوه عيش
جربوه يا راعين الآيفون و بتدعولي
و أنا أعرف أكثر من واحد جربه و باع جواله الآيفون
و توجه كل هالناس يم جالكسي إس
يكفيك مدة عمل البطارية و وضوح التصوير و تنوع البرامج و سهولة التشغيل و بيئة العمل
لا و عمرك شفت جوال يمد الجوالات الثانية اللي حوله بخدمة واير لس
الجالكسي إس بوه هالميزة
بصراحة كلمة فنان قليلة بحقه
جربوه
و انتظر دعواتكم
----------------
أبو فهد الهمزاني

سبحان الله الجلكسي مالله عطاني منوه من يوم انا وغد ,,, اما لو انوه كت كات تسان شريتوه

أبو فهد حياك الله يالغالي خلن أجرب هذلي وعقبه نشوف الجلكسي

لاهنت