اللي نوى له نيتن وش تنصحونه !!!!

**الونش** · 21-04-2011 05:55

اللي نوى له نيتن وش تنصحونه / يبقى على ماضيه وألا يجدد

وش رايكم C7 وألا N8

معي جوال ماقصر له 4 سنين بس

والجوال مامثلوه والله انوه غميضه أبدلوه مار الشكوى لله كل اللي حولي

أقدم جوال معهم اَي فون 4

عطوني شوركم

-

**بالمختصر..** · 21-04-2011 09:46

‏،

يعتمد على حسب إستخدامك له .. إنت وش أكثر شي يهمك ؟

يعني الكاميرا و ألا الذاكره و التطبيقات ...الخ

‏N8 حلوه مميزاته بس مشكلتوه حجموه كبير ..

.
.

**الجازي** · 21-04-2011 12:04

ودي أقول يجدد بس أخاف يستشهدون ببيتك راعين التعدد

لذلك دام ماضيك مضبوط وعال العال خلك عليه

الناس ماينفعونك وش لك بمجاراتهم !!

ترى أربع سنين ماهي شيء

إذا عاد بادي يخبط أو مدردع وحالته حالة

فأنا أقول اصبر لك شوي واكشخ بآيفون 5

خل الناس اللي حولك هم اللي يطالعون فيك مو أنت اللي تطالع فيهم !!

**عبدالرحمن** · 21-04-2011 13:31

اللي نوى له نيتن وش تنصحونه / يبقى على ماضيه وألا يجدد
^
الماضي اللي كل العرب يتخطفونه ------- ابعد عن ضواحيه ...والرمي ...سدد!
تالي العمر خامت-ن- بقياس يمترونه....استمتع بحلال ربك وصف مع اهل التعدد!

لك التقدير العزيز الونش وماليش بالجوالات.

**الونش** · 21-04-2011 19:15

بالمختصر..

أبي الشور من كل النواحي كاميرا وذاكره واستخدام

أما الحجم أظن الجوالين مامن اختلاف

مشكوره أختي

**الونش** · 21-04-2011 19:28

أي تعدد وتمدد

التعدد والتجدد بالجوالات لاحرج

ماضيي نص مدردع

والمجاراة اللي تجيب المنفعه والمصلحه الخاصه تبي تنفعنا

مدردع

>>>>>> على وزن مقربع

أنا ماطالع بهالناس هم اللي بلوني يحطون جوالاتهم دزدامي

ألا وشرايتس باَي فون 7 ماهو أطيب

-

**الونش** · 21-04-2011 19:44

هلا والله بكاتبنا القديرعبد الرحمن

واستشهاد طيب على الوجهين

المشكله بالماضي البطاريه ماتقبل الشحن والوجه ممشوخ والذاكره ماتستوعب وانتهت مدة الضمان ولامن قطع غيار أصلي >> يعني تهقى نستمتع بحلال ربنا

لاصار مالك بالجوالات لاتورطن حنا منهن وجاي

-

**بنت الجبل آخت القصيد** · 22-04-2011 00:43

الونش

حياك الله

اي فون وانت مغمض

اذ لك هوايه بالبرامج

انا صار لي فتره معي اي فون وللحين كل يوم اكتشف برنامج

يكفي انه كمبيوتر كفي

.
.

لاهنت

**عبدالله المهيني** · 22-04-2011 14:01

^
^

مثل ماقالت بالضبط

**مطلق الثنيان** · 22-04-2011 23:14

عليك بآي فون 4 ومن دون ماتشاور أحد سواء أكان لك هواية بالبرامج والتطبيقات أوبالأخبار أوبالتصوير أومالك هواية سواء من ناحية الذاكرة أوالكاميرا لاتدور غير آي فون 4 في الوقت الحالي .