عند البسطاء كرهباء
مهي كهرباء
وفيه ناس ينقدون عليهم ليش ما يقولون كهرباء
يعني جت على هالضعوف
وكل يوم مثل ما نشوف دراسات واحصائيات ومدري وشو
اخرتهن امس تقول دراسه ان الشخص اللي يسوي عملية
تنحيف ( الظاهر يقصدون ربط المعده ) تصير ذاكرتوه اقوى
وانا اقول انتبهوا ترى هذا واحدن عندوه مستشفى ويبي يرثع بكم
المهم
هالدراسات صارت مهي حكر على العلماء
بل حتى حنا يالمهبل نسوي وشف فرقنا عنهم
وانا واعوذ بالله من الاناء سويت دراسه على كلمة كرهباء
وكهرباء
ابي اشوف ايهن اصح واصدق
كهرباء
ماله اي معنى صراحه
كرهباء
في طياتها معاني الله بها عليم
ولو نسأل اي شخص وش معنى ( كر )
راح يقول روحه وجيه ( كتفسير بسيط )
ولو سألنا نفس الاخ وش معنى ( هباء )
راح يقول هباء منثور
يعني ولا فيه اي فايده
نفس الصفات تنطبق على شركة الكهرباء السعوديه
وعلى طاري الكرهب
درسنا ايام الدراسه شلون تشبك لمبه بسلك وتوصله بالكهرب وتولع
وانا احفظه زييين
واروح للبيت
وبعد الغداء مسكت اخوي اللي اصغر مني
قلت لا تروح خل ابوي وامي ليما ينامون ابيك
قال وش تبي
قلت ابخترع لك شي
قال والله لا اعلم امي << خابرن اختراعاتي
قلت علشان افقع وجهك
يا خبل اليوم ابخترع لك لمبه وتشوف شلون تولع
قال نشوف
المهم واروح اجيب سلك كهرب
ولمبه
والف السلك على المبه
وكان هذا خطاي الوحيد
بس لفيته لف ما شبكت اللمبه بوه
قلت لاخوي امسك اللمبه والسلك
وهو يمسكوه
قلت اذا قلت لك خل اللمبه خله علشان اشوف هي تطفي ولا لا
قال طيب
وانا اشبكوه بـ 220
وهو يستنزل اخوي
قلت خله << ما دريت بوه
ومهو يمي
قلت اقووولك خللله
مهو يمي يرتعد
وانا افصل الكهرب
وهو يطيح
وانا اراعيلوه ولا راسوه يدخن
على جيت امي
وتشوفوه
وتراعيلي
وش سويت باخووووووووك
قلت ما سويت بوه شين هو مدري وش بلاوه يمكن نام
وتجيب ماء وتصب على راسوه
قال راسوه تشششش
ويالله يصحى
وبهكا الشهر جتنا فاتورة الكرهب 2000
400 للبيت
و 1600 لراس اخوي
وتقلدوا تحيتي
رد مع اقتباس
المفضلات