الاحساس بالضيم يولد الحماس وارادة الرد على الاخرين
عند المضيوم
ومافيه شك ان ظلم ذوي القربى اشد مضاضه وغلاضه وفضاضه
على نفس اي شخص
فما بالكم بأن تحس انك مظلوم من اقرب الاقربين اللي هو ابوك
طبعاً هو مجرد احساس من عندنا ولا هم الله يطول عمارهم مهم مقصرين
المهم
مدري ليه احس ان ابوي مهو معتمدن علي بأي شي
حتى لو بغى البقاله يرسل اخوي الصغير
ودايم يراعيلي مراعتن مهي حلوه
يراعيلي واكشر ابيه يبادلني الابتسامه
لكن للاسف
يهز راسوه
تقل يقول خبيل
واحياناً دامنا جبنا طاري النظرات
احياناً يراعيلي ويراعي فوق ويحتسي
ويراعيلي ويراعي فوق ويحتسي
احسوه يراعيلي ويراعي فوق ويقول ياربي وش هالبلوى
بس عااادي ماهمني كلام العذال
وتمر الايام وانا اتحين الفرصه للرد على المشككين واولهم ابوي
ويجي ابوي بهكا اليوم منغث
يبه شفيك
قال ياوليدي معزاي كل يوم ينقصن
عاد ابوي كلش ولا المعزا
لانوه مره قاله لي بصراحه معزاي اغلى منك يا شبيثان
قلت يبه يمكن يطلعن من الشبك ولا شي
قال لا يا وليدي حتى لو يطلعن يرجعن
قلت اهاااا يعني حاطن لهن ماء وسكر صح يبه
قال شايفن اربي حمام انت ووجهك
قلت طيب وش تفسر هالغياب
قال اكيد فيه حرامي
قلت حراااامي
طيب يبه لو امسكوه لك
وهو يراعيلي
قال شوقعك بالمدرسه
قلت اسسسمع لا تغير السالفه << يبي فرقى المدرسه
جد يبه انا ابمسك لك هالحرامي ملعون الصلايب
قال شلون
قلت يبه ابمرح الليله بوسط شبك المعزا
واذا جاء امسكوه واكوفروه واربطوه ليما تجون
قال ابيك بس تمسكوه وتصيح ما ابيلك تربيط
ياخوفي يربطك
قلت لا تحدن اربطك انت وياوه << تحمس
ولا عندوه معلاق ملابس
وهو يغولن بوه ويجرن يموه
وانا ارفس ابي الهربه
قال وش قلت ؟ << ناوي يفقع وجهي
قلت اقول انت يبه تربطن انا والحيوان الحرامي
قال اهااا
طيب تولم العصر ابروح للمعزا وابي اخليك عندهن واشوف عملك
ومن العصر رحنا للمعزاء
يوم جاء المغرب قال ابوي يالله ابي امشي وانت خلك هنا وانتبه لوه
قلت ازهلوه بس ياليت تجي باتسر بساااع اخاف ما تلحق عليه
قال ليه وين يبي يولي
قلت اخاف افترسوه
قال اخس انسعر السلوقي
وهو يدق سلف ويمشي
واراعي لسيارتوه
ويبعد
وتختفي عن الانظار
واراعي لروحي ولا ماحولي احد
يمه
ظلااام دامس
ولا اسمع اصوات ولا شي
والله واحط فراشي وانجضع
وانام
شوي
واسمع صوت سياره
وانا اقوم اراعي
ولا واحد يمشي بدون نور
وياقف بعيد شوي
واسمع سوالف
اكتشفت انهم اثنين << اكتشف الاخ
قلت بس
مافيه اي مجال للمقاومه
بس ياربي وين اهرب
اذا هربت يشوفوني ويلحقوني
بس تدري
وانا اسفط فريشي واحطوه عند حنفية الماء
وانا ادخل بوسط الشبك شوي شوي
وانجضع مع المعزا تسني عنز عارضيه
شوي وهم يجون
وفيه عنزن بجنبي متذرين به
وتجي تبي تقوم مع المعزا وانا اتجود به قلت انا بوجهتس
وهم ياخذون وحده
قال حديهم هاه ناخذ الثانيه
قال خويه لا خله باتسر هالشبك راعيه اجودي ما يحس
بغيت اقول ماعليك زود يالطيب
يوم جاء باتسر الصبح ولا هذا ابوي جاي
قلت يبه تعااال شفتهم
قال منهم
قلت الحراميه اثنين مهم واحد
قال هاه مسكتهم
قلت لا يبه مهو هذا اتفاقنا
حنا متفقين انوه واحد تغدر بي وتجيب اثنين
على طووول وهو يراعي للسماء
قلت يبه ادخل على الله ولا تدعي
باتسر ابجيب العيال كلهم ونمسكهم
قال نشوف
ومن باتسر والله وحنا نتكوم عليهم
ونمسكهم
طبعاً انا ما مسكت ولا واحد
بس ليا ربطوهم العيال لعنت ابو شكلهم بالتكمخ والضرب
علشان ابوي يشوف بصمتي
وتقلدوا تحيتي
المفضلات