مخرج ..
يارجم انا بنشدك بالله
اي الرجا هو والاياسي
يارجم ما شفت عبدالله
ما لاح لك حول البلكاتي
الضمير الحي مشكله كبرى تعاني منها الانسانيه
يالربع انا طايح بمشكله
يانااااس من يفزع لي
يا عيال بالله صوتكم
احم احم
قصدي يا عيال شوفوا لي حل
هكا اليوم رحت للملويه الصرافه
واخبر به 115 ريال فقط لا غير
وياااربي لك الحمد يا زينهن يا غليهن عندي
احس انهن رقم ملكي
المهم اني رحت للصرافه ابي اخليهن بدال 115
ابي اخليهن 15
ابحذف رقم واحد بس
قنووووووع
المهم جيت الصرافه واسحب 100
ويطلع لي رصيد متبقي 3015 ريال
وادق سلف واهرب
ما ادري وش اسوي
ذليت احد يقولي سارقهن
واتركهن
وكل ما شفت صرافه صديت تقل اشوف بجنبه شرطي يحرك حواجبه
تقل اسمعوه يقول ماسكينك ماسكينك يا حراااااامي
ولا علمت احد ذليت اطيح من عيون الربع
وقمت افكر شسوي
قلت مافيه الا اني اسئل العيال يمكن احد محول لي
بس ما اخبر اني طررريت من احد بهالوقت<< ولا قبل ياكثر
المهم
واتصل على واحد من العيال
قلت هي
شايفن طرار انت وخشمك
تحسبن جاين اشحذك
اعنبو غيرك شاكين لك انا
قال افا افا يابو ماجد شبلاك
قلت من قال لك تحول لي 3000 ريال << مسوي كافشوه
قال ياخوي تسان حولك ميه حوله لي
واسكر الجوال بوجهوه دريت انوه رايح فيها
واتصل على العيال كلهم اجس نبضهم
مافيه
المشكله اني اذا انجضعت على فراشي ابي انام
قام ضميري يحاتسيني
تقدر تناااام يا شبيثاااااااان
اوووووووووووويلك من الله
تخيل بالله يا شبيثااان انهن لايتاااام محولهن فاعل خير بالغلط
تخيل كل هالفتره ما كلوا شي
واااقمزززز واصيح لاااااااااااااااااااااااااااا
ماني ماني ماني
وام ماجد تصب على وجهي ماء
هالحين تعودت ما تنام الا بجنبه طاسة ماء وشاكوش
اذا ما نفع الماء تلبسن الطاسه وتخمن بالشاكوش
المهم
واجي هكا الليله افكر
واتصل على ريال الفسحه
قال ريال يا شبيثان
ضميرك ما قصدوه
بس انوه يذكرك بذنبك الاكبر
قلت وشو ذنبي الاكبر
قال تخبرووووون البلكه ذيك<< يا قردي مهو ناسي
قلت وش رصيفووووه
قال يابو ماجد انا شريكك بالجريمه
بس دام الله فتح عليك تبرع بنصهن لبلدية رماح يشرون بلك
ويسدون ثرمة رصيفهم اللي تسببنا به
قلت والله انك صادق
طيب والباقي
قال مرن بالحساء واعلمك وش تسوي بهن << ناوي زرفتي
قلت تم
المهم واحط راسي ابي انام
ويجيني ضميري
قلت ترن ماني نيم متولم لك اخلص علي
قال تخيل ..
وانا اسد حلقوه قلت ترك قرفتن
ياخي مافيه حراميه الا انا
وانا افتح باب الغرفه واشوووتوه
وانجضع على فراشي
مافطنت الا هاللي يندغن
شبيثااان
شبيثاااان
واراعيلوه ولا هذا ابليس
قال ياخي اول مره احس انك رجل
وتقلدوا تحيتي
المشاركة الأصلية كتبت بواسطة الشبث
المفضلات