أطــــــــراف نــــــــابـــــــــه
{القصيده وصف لحال أحد الأصدقاء المقربين لي}
0
عندما تعتقد أن لك أصدقاء
يخافون عليك من نسمة
الهواء التي تعبرك لأنهم يحبونك
وفــــــــــجـــــــــــأه عندما
تــــــســـــقـــــــط. . . . . .!
أتــــــــركـــــــكـــــــــــم مـــــــع الــــــــنــــــــص, , ,
00000000000000000
الصاحب الي يدور زلة أصحابه
ماتشرفن خوته ولا محاكاه
أن صاحبه طيح وبين صوابه
بدل مايشله عن الأرض ذكاه
الي يبين السم بأطراف نابه
من تحت نابه يقطر السم لشفاه
يبي ليا أقفيت و أغلقت بابه
يغرز بظهرك سم نابه ليا أقصاه
ثمن يروح ولا بلش في مصابه
طعن ك في ظهرك ولقاك علباه
يمشي بجثمانك مع الي مشابه
ولاكنه مسوي جريمه ولا جاه
هذا مثل خوته وش ينبغابه
ردي طبع وخاين الغدر مبداه
هذا أبيعه ما أحسب حسابه
بتراب للي سامه اليوم بعناه
والصاحب الي عز من ينتخابه
يفز من قبل الرجاجيل تنخاه
ماغاب يوم الناس واجد غيابه
ماصك بيبانه على الي تهقواه
ليا منك أحتجته يجهز ركابه
يقول عذر اليوم لا ما قبلناه
يسري لكم باليل مسرى ذيابه
من خوفه التأخيرمايشوف ماطاه
لاقام بل الكبد مثل السحابه
الي يبل الأرض ماها ويغشاه
ويامن بعض الناس شح بزهابه
يعطي ليامن الردي شح في ماه
الطيب سلمن دارسه في شبابه
{تسلم يمين الي على الطيب رباه}
الطيب ورث جدود ما هو نهابه
عزاه يا ورث الرجاجيل عزاه
الطيب دربن حظ من هو وطابه
وهو وطى بالدرب وتردد شفاه
يقول هذا الدرب جدي مشابه
وأبوي ماشيبه وأنا أتبع أخطاه
0
0
0
{ملاحظه} مابين ألأقواس مقتبس
أتمنى أن أكون قد وفقة هذه المره
وأنتمنى أن يكون هذا النص قد
نال أعجابكم, , يا رب
تقبلو تحياتي, ,
خـــالـــــد الـــــصــــنـــــخ
رد مع اقتباس
المشاركة الأصلية كتبت بواسطة سالم الظفيري
المفضلات