انا نزلت موضوعين . وذكرت بهن اهل حايل وكان قصدي
5 يطلق عليهم رجال مجازا
ولكن هناك ممن يصيدون في الماء العكر و يعذرن الغالي الصحفي محمد الشقاء
على استعارتي كلمته او مصطلحه عنهم بأنه سماهم خفافيش الظلام
وسمعت بأنه ثارت ثورات أعضاء غرر بهم... وحرف كلامي وعوج.. ليلائم ما ارادوه بمنطقهم..
فليس من المعقول اني اشتم وأذم اهل حايل بسبب خمسه حسافه انهم ساكنين الجبل...
خاصه اني انا من أهل حايل ومن اهل عقده خصوصا....
وسمعت ان بعض شعراء المنطقه نقل لهم كلامي معووجا.. وانهم ..
نووني بقصيده وحبيت اني.. اوضح الامر قبل ان يقع الفاس بالراس.
وتصير خلافات... وتصير فتنه بين شمر...
وانا لي العذل....على اهل حايل... بأنهم .. يشكون بأنفسهم..
فمعقوله.. اني انا اشتم اهل حايل كيف اشتم اهلي...؟؟؟؟
ما عمرك شفتوا اللي يجيب السكين ويقطع يده.. كذا...
وجادت قريحتي.. ببعض الأبيات
[poet font="Times New Roman,18,black,bold ,normal" bkcolor="" bkimage="http://shammar.org/vb//backgrounds/2.gif" border="groove,4,gray" type=1 line=350% align=center use=ex char="" num="0,black"]
بسم الله أبد كلمتي للرجاجيل = ومن غيرهم منهو نشد عنهم عاد
بسم الله أبدا يالعصاة المشاكيل = يا عيال عمي شمر صلب الأوتاد
يا مسندي أحد رضى بالبهاذيل = تجري علي في ديرتي دار الأجواد
يا مسندي أحد رضى بالتفاشيل = تجري علي في ديرتي دار الأشداد
هي كلمة فاحت بعدها الأقاويل = قد قلتها جهرا على روس الأشهاد
كنت أتشره وأرسله بالمراسيل = وما ينشره الا على نسل الأجواد
وأنا ابن حافظ عزيز النوازيل = ما أنا على كتم الحقايق بمعتاد
يا عل منهو حرفه بالهواديل = أنا اشهد انه عن سرى الطيب محتاد
أنا قصدت اللي ردي التعاليل = من مجلس النسوان غادي وفساد
جاني خبر أهل الكرم لي مزاعيل = من كلمة قصدي بها عده افراد
ومن الزعل دليت اشرب فناجيل = غديت مثل اللي فقد اطيب اولاد
حيف على اللي متعبين المعاميل = ما أنا من اللي يكتم الحق معتاد
حيف علىهم صدقوا هالنوافيل = أقصد بها من كان للطيب فقاد
حايل سكنها أعمام وأيضا خواويل = في عقدة اللي زاد حبي لها لها زاد
حايل سكنها لابسات الخلاخيل = دعج غنج كحل كعيبات الأنهاد
زين المحاسن ملحهن له قوابيل = قلبي بعدهن واقد بيه وقاد
معقوله اني أشتم أهل المخاييل = أهلي أهل حايل كثيرين الأمجاد
عند الولي بكرا نتجمع مقابيل = كل زرع زرع وتاليه حصاد
طلال صعفق الحافظ المشحن..
[/poet]
المفضلات