شرهة أنتِ ...... طالق :)
^
^
^
طالق
طالق
<<<< طلاق بائن لارجعة فيه
ورقمي هاتيه لاعاد تدقين علي ولا ترسلين لي مسجات ولا أيتها حاقة
وجعتن توجع عدوتس
ماصار تعارف
دبلتي تسبدي
ما أمداني أكتب لتس رد في موضوعي هناك واطلب منتس تكزين لي رقمتس إلا ألقاتس مطبحتن عندي في الخاص
وسادحة ايميلتس
ومن يوم أضفتس وأنتي سادحة رقمتس
عمى وش هالطفاقة
تصدقين بغيت أهوّن تسني تحسفت
بس عاد تعوذت من إبليس قلت فشيلة والله أطلب منها وعقب أسحب عليها
خلني مار أطيّب خاطرها بكلمتين وعقب يمديني أسحب
وأدق
وأدق
وأدق
ولا ترد
هه وش جاها البنت!؟
مادريت الا رسالة عالخاص تقول اصبري بروح ألبس
وأرسل لها مسج يابنت الحلال راضيتن بتس وبخلاقينتس
تراني والله ماعندي نية اخطبتس لاتوهقيني
وأدق مرة ثانية قلت كودها فهمت
ولا والله الجوال مقفل !!
وجعه
قلت عسى ما انكسر خاطرها يوم قلت مابي أخطبتس
وأرسل لها في الخاص يابعدي ياشهشوهة ردي تراي احبتس والله
قالت اصبري مدري وش فيني بروح أخم مرت أخوي كودي تركد عظامي وعقب بنتظرتس في المشب
قلت لا ذي شكلها تحسبني المعرس
وأدق وهي ترد
أبي أسمع حس صوت شيء
والله البنت ماش منخرعه صدز ومستحية !!
شكيت انها شرهة
شرهة تستحي كل هالحيا
ما امداني اهوجس هالهواجس بيني وبين نفسي
إلا والله البنت مدرعمة بالسواليف
وما خلت أحد إلا وحشّت فيه وتسولف لي عن نفسها ووووووووو
وأنا عالصامت <<<< إيه هين
الزبدة يالله إنها صكت السماعة بعد ماصكت راسي
شوي إلا ومسج منها تقول : ماجاني النوم !!
قلت أكيد قاريتن موضوع شموخ
قالت لا ,, أدري بوه هذا ضميري غايلن يقول عدي الصدز !!
وأنا اللي يرتفع ضغطي
الحين كل هالحتسي وصكة الراس وآخرتها ماقلتي الصدز
وهي ترجع وتدق ثانية قلت وش انتي مهببة وش الصدز
قالت والله كلش تسذب
وتبدا من جديد تعيد كل السوالف وتقول الصدز
وبصراحة إلى ساعتكم مدري هي صادزة والا تتسذب
لاعادت من ساعة يوم أطلب رقمتس
خلاص
هونت ياشيخة
روحي
انتي طالق بالثلاث
ماتسوى علي البارح نايمة وأنا راسي معصوب <<< معصوب والا قلابة
*
*
*
شهشه
يوم أصبحت غيّرت رايي قلت خلهم يتولجونتس
عاد ان تولجوني تراتس بنت رجال وبنية عمي والدم عمره مايطلع ميّه
<<جملة ولا حمدة
المشاركة الأصلية كتبت بواسطة صعوة فسفورية
المفضلات