ابتسامة هوليوود :)
^
^
^
بصراحة مدري وش شكلها
بس هي عنوان لرسالة دعائية جتني عالجوال
دعاية لمستوصف أسنان الظاهر <<<< من القهر حذفتها بدون ما أفتحها
عناكب المضايف وغاثينا في المضايف
طيب عناكب هالجوال وش الحل معهم !!!
دعايات من كل شكل ولون
وكله كوم ودعايات عيادات وجراحي التجميل كوم ثاني
من كثرها شكيت في شكلي
رحت أطالع وجهي في المرايه فيني شيء ناقص والا زايد عشان يتسلطون بهالأعداد المهولة
وجعتن توجع العدو كرهت الرسايل من هالدعايات !!
وش الحل معهم !؟
هدديهم بالمضاهرات
هاليومين طاري المضاهرات يزين كل شي
سبحان الله وبحمده ،، سبحان الله العظيم
الغي خدمة استلام الأشعارات من جوالك وانتي ترتاحين
تجياتي لك
^
^
بالضبط مثل ماقال سعود
بإمكانك الإتصال على مركز خدمات العملاء مثل 902 إذا كنتي من عملاء STC
وإعملي إلغاء لإستلام الرسائل الدعائية
وصلى الله وبارك
الله يعينتس يالجازي
انتي امام امرين :-
الأول : انتس ماتعطين رقم جوالتس ولاتكتبينه عند شرائك من اي محل
الثاني : انتس تحذفين اي رسالة تجيتس وعاد الله يعينتس
الثالث : تحيتي لك
اللهم اصرف عني السوء والفحشاء
واجعلني من عبادك المخلصين
المشاركة الأصلية كتبت بواسطة الجثري
هدديهم بالمضاهرات
هاليومين طاري المضاهرات يزين كل شي
الجثري
ماقالوا لك إني مباحث
وش قصدك إن طاري المظاهرات يزين كل شيء !!
الأوامر الملكية الأخيرة مثلا ً<<<< دبوسة
المشكلة وشلون أسوي هالمظاهرات !!؟
وين فيه يعني !!؟
إي والله صح
الله يذكرك الشهادة
أذكر فيه هالخاصية بالجوال
بس مدري وين بالضبط !!؟
بحوس في جوالي وأشوف وين ألقاها
يعطيك العافية أخوي سعود
سعود قصده في إعدادات الجوال
فعلاً أذكر كان فيه ضمن الإعدادات شيء يتعلق بالإشعارات
يعني بدون ما أتصل على خدمة العملاء
يعطيك العافية يابو صالح
المحلات عاد قصة ثانية حرّمت أحط رقمي عندهم
بس خياراتك خطيرة صراحة
طريقة سعود هي الحل الظاهر
يعطيك العافية
^
^
ياخاله مافيه بإعدادت الجوال خاصية مثل كذا
هذه خاصية متوفرة بمركز خدمات العملاء بالشركة المشغله للخدمة عندك
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
المفضلات