اييييه يا حزم الجلاميد
ناس تقول عمي يا بياع الورد
وناس تقول عمي يا بياع الفجل
شنسوي يعني بالله نصخم لو نلطم قاتي
ورد ( تحس فيها دلع ورقه وحنان وغزل )
على قولة القايل
حب وحنان وغزل تكتك على الشباك
وموقد خشب مشتعل وقباله اني وياه
فجل ( تحس فيها هواش ومشاكل واثنين يتطاعنون بالاقلام )
على قولة القايل
قدام بقاله .. سياره شغاله .. يلعن ابو الحاله .. حذها ترا لقطه
ناااس جالسه تتغازل
وناس حقين جريات ومشاكل
ناس ابوانهم يربونهم على الدلع والرقه الزايده
يطلع الولد خكري ورايح فيها
وناس يربون عيالهم على العربجه
من يقوم يمشي يطلعونه برا يالله كول عيش
يحاول الولد يتقرب من والدينوه وهم ساحبين عليه
ولاهم معبرينوه
واحد اموه وابوه مدلعينوه ليما يتعدى الثلاثين ما يتحمل مسئوليه
والثاني ساحبين عليه وقطوووع من الطفوله الى سن الرشد
دبر عمرك ولا عمرك ما تسنعت
يا حما يا جما
مافيه حل وسط
كله كوووم وتطييح الوجيه كوم
ياحب شيباننا لتطييح الوجيه
اصلا موضة تطييح وجيه السيارات منين جتنا
من الغرب مثلا
ايه هين
حولك حواليك
الله من خشه طاحت
مره من المرات رحنا مع ابوي للسوق انا واخوي الكبير
يوم وصلنا السوق ويعطينا ابوي كل واحد 200 ريال
انا هنا شغلت مخي
قلت الى متى وابوي يهزئني ولا يعتبرني شي
لازم اضع حد لهالمهازل اللي تصير
ابي اثبت له وللمجتمع اني كفو ويمديه يفتخر فيني
عكس ما يقول دايم اني مكروه ولا اجيب له الا المصايب
المهم واروح اشوف اخوي الكبير وش يشتري
ولا شايل كراتين
كيرم << على اول طلعته
والعاب وش كثرهن
قلت اييييه
حنا ما دهورنا الا هذا هو وراسه
واقعد اتفرج على المحلات
واشوف مكتبه
قلت بسسس
وجدتها << مسوي فيها النابغه الذبياني
واروح واشتري كتب مادري وش تبي
بعضهن انقليزي وبعضهن اسباني
اي كتاب يعجبن شكلوه خذيتوه
ومعهن كراس رسم الخرايط
واروح للسياره
ولا ابوي نازل يدورن
يوم شفتوه قلت حلووووو
الحين ابي اصدمه صدمه حلوه ولو مره بحياتي
قلت اه اه اه يبه تعال عاوني على هالكتب
ويراعيلي
وياخذ واحد منهن
قال وش هذي ؟
قلت يبه كتب اشتريتهن
ويخمن كل قوتوه بالكتاب
قال قدامي للي شريتهن منوه
وهو يجرن يم المكتبه
ويرجعهن
قال للبايع
بالله هذا وجه واحد فيد قرايه
لاااا ومشتري كتب انقليزيه وحقت مختبرات بعد
الله يجيركم وهو يغشلن هكا الفشيله
عاد بالله لو شيباننا واقفين معنا مهو ممكن اننا اخترعنا لو ترمس ماء
هم يسمعون باللي يقولون ادعموا اولادكم
قاموا يطردوننا بالشوارع يبون يصدموننا
فاهمين غلط
وتقلدوا تحيتي
رد مع اقتباس
المفضلات