الأعزاء في مضايف شمر أجدد التحيه لكم مع هذه القصيده عسى ان تنال بعض الاستحسان
[poet font="Simplified Arabic,14,black,normal,normal" bkcolor="burlywood" bkimage="" border="outset,10,gray" type=0 line=350% align=center use=ex char="" num="0,black"]
يالله يا فارج لنفسي وزاها=يافارج الضيقات يا والي الكون
يامن سماواته بقِدره بناها=حسناك يامن لك عبادك يصلّون
أخذت من زين القوافي نقاها=وسطّرتها للي بقافي يحسون
ياعاذلين النفس هاتوا دواها=نفسي عليله صابها ويل وغبون
سجّيت في حال العباد ونماها=البعض يضحك واغلب البعض يبكون
ناسٍ يعل الكبد كثرة لغاها=وناسٍ لها تحقيق الاقوال قانون
وناسٍ تبيّح سد منهو دناها=وناسٍ على الجار المباعد يغارون
وناسٍ بحب المال يظهر رداها=وناس ٍ بمفلى الضيف ما تتبع الهون
وناسٍ علوم المرجله مبتغاها=وناسٍ لها النسوان صارن دركسون
للطِيب رايات ٍ بعيد ٍ مداها=ما ياصله من كان بالذل مفتون
ومن جر نفسه للرذيله جناها=سهله على اللي مالهم قلب وعيون
ومن عز نفسه في حياته قواها=وفي عزته ياطا على كل ملعون
المرجله ما سعّروا مشتراها=لو كان تشرى ما بقى انذال وعفون
بعض الملا عادات جدّه نساها=ميتٍ يعدّونه مع اللي يعيشون
والنار تكوي رجل منهو وطاها=هذا صمال الهرج والهرج موزون
مثايلٍ شروى عيوني غلاها=أغلى من الياقوت لاصار مكنون
على النبي صلّيت في منتهاها=بعداد من بالحج لله يطوفون
صدّيق بن مرهون
[/poet]
ودمتم سالمين
إحترامي ...... الهــــــــادف
رد مع اقتباس
المفضلات