مرحبا
الله يفللكم بالرضى والعافيه
بعد هالقراراي الواحد ودوه يدق سلف ولا ياقف الا على الفيد اللي قدام الرئاسه
وكاتبن على القزازه الخلفيه ( انت آمر نجيك نطامر )
والله يالربع قرارات البارح به مفارقات غريبه
اول العيسى ماداني شوفتوه بالتلفزيون
وامس اقول لاخوي شف لنا تردد القناة السعوديه الجديده الHD وخلنا نشوف وجه هالمطنوخ زين
النفسيه البارح زي الحلاوه
البارح دخل علينا واحد من الشباب معه خويه يعرج
قام خوينا يعرف يقول فلان وصاير عليه حادث هاليومين
نقزت انا على طول وقلت الف مبروك !!
نسيت سالفة طالع من الشر وطهور
هاليومين مافيه الا قوة مباركات
عاد نجي لزبدة الموضوع
مع سلسلة هالاحتفالات اللي تعيشه بلادنا
امر المشرف العام ابو سلطان بما هو ات :
( تصفية عداد المخالفات للاعضاء الذين سبق لهم ان تقلدوا مخالفه )
بمجرد ارسال رسالة طلب تصفية المخالفات لابو سلطان .. ستجد ملفك مثل ملف الجثري مابه ولا مخالفه << ماتقولون اني استاهل مخالفه على هالملاهد
هذا ويؤكد ابو سلطان حرصه الدائم على كل مايجلب الفرح والسعاده للاعضاء
يبلغ هذا القرار للجهات المختصة لتنفيذه فوراً .
هذا ويتوجه مجموعه من المشبوهين برفع اسمى آيات الشكر والعرفان للعضو شنقل ممثل مجلس الوزراء اللي كان سبب بهالقرار ..
تري مكاسي ابو سلطان
رد مع اقتباس
المشاركة الأصلية كتبت بواسطة الجثري
المفضلات