خفافيات تنعش الدماغ وتبث بالروح السعاده
(1)
ويش بنتً واقفه ماهي خجول = تكرمك أن كان تكرم عمها
وأن كرمت العود نيشر بالقبول = وأن تركت لعمها ماهمها
(2)
ابسألك ياللي بالالغاز عراف = عن عذرىً دايم تحب الختاله
أسمه على طبعه تشوفه ولاتشاف=مهي صغيره مار تخفي خياله
(3)
و شم رجالاً دايم الدوم وقاف = هم ثنين و كلهم من فصيله
متشابهنً بالاسامي والاوصاف=ومن بينهم بنتً طويلن جذيله
(4)
ويش بنتً ماتعرف خمس الفروض=وهي نوب تصير للخصمين قاضي
دايماً بالحكم ترجع للحظوظ = ولا على حكمه من الخصم اعتراضي
(5)
انشدك عن بنتً لها بالفخر كار = بفنونها دايم تفوق الشجاعه
ما ميزه ما بين مسلم و كفار = وهبه من المعبود ماهي بضاعه
وعلى راحتكم يالربع ماهو شرط ترمع على كل الالغاز بمشاركه وحده , واللي يبي يرمع عليهن كلهن بمشاركه وحده أيضاً ماعندوه مشكله
وسلامه روسكم ...
رد مع اقتباس
المشاركة الأصلية كتبت بواسطة الجثري
المفضلات