رادوي × ولهــامسـون .. (سعيــد أخـو مبــاارك!!) .."

**تــــركــــي** · 13-03-2011 07:22

النصراوية نسوا مستواهم بالمباراة و تصريح السهلاوي

و تخبطات مدربهم و لعيبتهم الاجانب

و جلسوا لتصريح رادوي

طبعا ما قالها الا من اللي شافه

**ابو ضاري** · 13-03-2011 08:41

شمس

ارحعي على التصريح رادوي وترجميه لنا ... ترن انا عارف الترجمه .....طيب ليش راحوا للحكم

كل المحللين وكل النقاد والحكام اثبتوا للهلال ضربتين جزاء ولا حسبها الحكم

يعني هو ظلمكم الحكم وهذا ديدنكم ..........احمدوا ربكم انها ماجت عليكم الخمسه مره ثانيه

نسيتوا يوم تقذفون ياسر بالمنتديات والجمهور وكل شي

ونسيتوا حادثه الفريدي مع عبد الغني

واخيرا مع عزيز مع ذلك فيه شهود

لاعب طرده الاهلي واخذه النصر وحالته نفس الحاله

ارجوا انك عرفتي الترجمه قبل كتابه موضوعتس

حركه وليهامس

اين الغير اخلاقيه

او تمشون وتتهمون

هذا دليلنا اعطينا الدليل ياشمس العالمي المهزوم

هذا هو الكيان النصراوي بعد الهزيمه

حكام وهواش ونرفزه واتهامات وكل شي

اكبروا عن هذا الكلام

**شنقل** · 13-03-2011 09:02

^
^
الحين يقالك جايبن دليل بهالصوره

وترجمة تصريح الخايس رااادوي بعد

خالي ثقافتك فرنسيه

بسم الله يعني ماشفنا المقطع

بس انتم اللي شفتووه

معروف ولهامسون باخلاقه المنحرفه

والا نسيت سوالفه مع نيفيز

هذا انتم الا تلفووون السالفه

قال حسين سب خالد عزيز

بالممر

ابوضاري

اخرج اخرج

**تــــركــــي** · 13-03-2011 09:11

شنقل

صبااااااح الخير

استمتع بلعب الزعيم

http://www.youtube.com/watch?v=FrYQB...&feature=feedu

يقال ان النصر بيشتكي عند الاتحاد السعودي

ان الهلال ما خلاهم يلعبون بالكورة هههههههههههههه

**ابو ضاري** · 13-03-2011 09:54

الغالي شنقل احبك

طيب يالغالي

انت جب الدليل وترجمه لنا ماقاله رادوي

**ابو ضاري** · 13-03-2011 10:45

الى الاخ شنقل الغالي

لاحظوا يد ولي وهذا رد على من اتهمه ...

احمد عباس يدفع رجل الأمن :

احمد عباس في استفزازه لولي :

علمن وين الحركه الغير اخلاقيه

ابيك تعطينن صور موثقه بالدليل

**جمران** · 13-03-2011 14:03

رادوي ياجملعه لوه هدف من تكراره للكلام الهابط ضد حسين عبدالغني

انا تابعت لقاؤه مع الجزيره ولاين سبورت

في كلى اللقائين صرح ان حسين عبدالغني دائما يمسكه من جهة البطن والجنب حتى اشارته كانت واضحه للمكان

ويستغرب من رجل يلمسك ويمسكك من الاماكن هذي مثل النسوان يعني وكرر الكلام في اللقائين

وش معناتها ذي الا ان رادوي يبغى يصدر في حقه ايقاف او الغاء عقد من الاتحاد السعودي

ويفك نفسه من عقد الهلال لانه اتوقع انه يبغى يلعب باوروبا حسب ماسمعت

وبعدين ترى ياجماعة الخير الاجانب عندهم انطباع سيئ عن الرجل لما يضع يده على كتف زميله ؟؟

والا لما يمشون مع بعض ومتماسكين اليدين

**الشبث** · 13-03-2011 14:17

ههههههههههههههههههههه

اووووووووووووووووووه ياتسبدي

الاخ عبدالله المهيني يذكرني بأستاذه خلف ملفي او ملف ملغي ههههههههههههههه

ياجماعة الخير اكبروا شوي

خلوا عقليتكم اكبر يا مهيني انت والثاني والثالث من الهلاليين

العام كليتونا اكل يوم صرح الفريدي بعد مباراة الهلال والنصر ان عبدالغني سبه وسب امه

وقلتوا مسلم ومدري ايش ومطوع ومايجوووز

والحين يوم قذف رادوي عبدالغني صار هادي ؟

والله عليكم عقول توووزن بلد

وش هالتناقض الغريب

نعم فيه استفزاز وفيه بلاوي داخل الملعب

لكن اجي واصرح برا ان هالاعب شاذ ومدري ايش

من يرضاه بكم هاااه ؟

امس في برنامج اذاعي على u fm

يقول استاذهم ملف ملغي

ان رادوي لاعب اوربي وعادي عنده يصرح برا

يعني شوف هالتبرير بالله عليكم شلون

بالله اي عقليات هذي

كلام قذر ويأيدونه

ثم تعال اخوي عبدالله المهيني

اذا جيت تبي تقارن لا تقارن قضيه بقضيه اخرى ماله اي وجه للمقارنه مع هالقضيه

سالفة مرزوق وسالفة خليفه وغيره

اذا على السوابق مافيه اكبر من سوابق كبتنكم ياسر القحطاني

اذا نسيت سالفتوه بالاستراحه تراني اذكرك من باب ان هاللاعب يطلع منه تصرفات لا اخلاقيه

صراحه شي غريب من اخواننا الهلاليين

واثبتوا المقوله اللي تقول ان اضعف فكر رياضي موجود عند الهلاليين

اخت شمس

لو لم تكوني انتي اللي نزلتي هالموضوع ما شفتي هالشراسه بالردود

ويعطيتس العافيه

وتقلدوا تحيتي

**أحمد** · 13-03-2011 15:18

مرحبا

انا لو سالني احد عن افضل لاعب في الملاعب السعوديه اجاوبه بدون تردد رادوي

لانه لاعب حماسي في الملعب تحس في بعض المبارايات انه هو ابن الهلال وان الشلهوب والباقين هم المحترفين الاجانب

رادوي لاعب مستواه ثابت من يوم جاء للهلال الى آخر مباراة لعبها

رادوي يثبت دائماً انه محترف مثالي ومفيد جداً واذا اصبح القراني لاعب الهلال الجيديد هو محور المستقبل للكره السعوديه فيجب علينا جميعا ً توجيه الشكرر للنجم رادوي

لكن اذا كان الكلام عن ماقاله رادوي فانا اقول كلام رادوي عيب والدفاع عنه وهو يتكلم هالكلام عيب

بغض النظر عن اي شيء يبقى حسين عبد الغني رجل متزوج ولديه عائله ويجب ان يكون لديه حمايه من مثل هالامور

واذا كان خلف ملفي يقول ان هالتصاريح طبيعيه في اوربا فالشرهه مهي عليه

الشرهه على الي يقراء له من سنين لين خلوه من اهم الكتاب ,

مادرى خلف ملفي ان اصغر مشجع صار اليوم يشوف ويتابع زي خلف ملفي كل البطولات القاريه والعالميه ويتابع اخبارها

عموماً اللي ابي اقوله ان رادوي مخطئ ولكن

المسألة كاتكون خذوه فغلوه !!

المطلوب من وجهة نظري المتواضعه

1- تغريم رادوي مبلغ لايقل عن 20 الف دولار, مع توجيه ادارة الهلال بتقديم الاعتذار واحتواء الموضوع

2- مناقشة ماحدث في ممر اللاعبين واقرار عقوبات رادعه لك من تسبب باخلال في مسألة الروح الرياضيه
ويجب ان يكون القرار رادع مادياً ووقف لمباراة واحد باعتبار ان ماحدث سيستوجب البطاقات الحمراء على ارضية الملعب
واجبارهم على الاعتذار من بعض اعلامياً .

3- تغريم ولي هامسون مادياً بمبلغ لايقل عن 20 الف دولار ووقفه مباراة واحده باعتبار ان ماحدث يستوجب البطاقة الحمراء

عقوبة طرد اللاعب من الملاعب السعوديه بسبب تصريح عنصري او تصريح هابط او حتى حركه مشينه بالاشاره او بالاداء هذه العقوبه لايقرها الفيفا ابداً
وذللك لوجود عقوبات بهذا الخصوص في انظمتها ,
فاذا اراد الاتحاد السعودي الاصرار على طرد لاعب او مدرب لهذه الاسباب فانه مجبر على طريقه وحيده لا يكون معها شكاوي في الفيفا وهي فسخ العقد بطريقة ان يدفع لهم الشرط الجزائي ويوقع له مخالصة ماليه تكفل له الانتقال الى اي مكان واللعب من جديد مثل ماحدث مع ( الحسن كيتا , كوزمين , اللاعب الارجنتيني الذي وقع للاهلي والاتحاد ) كل هؤلاء استلمو مبالغهم كامله بعد الجرم الذي قاموا به !

وهذه الطريق ليست عقوبه .. لان اللاعب اللي يستلم مقدم عقد بامكانه فعل حركه مشينه عشان يتم دفع كامل عقده ومن ثم طرده

والسلام عليكم

تري مكاسي شمس الرياضي

3-

**الشبث** · 13-03-2011 15:26

^
^

وشهي الثلاثه الاخيره ههههههههههههه

لكن اذا كان الكلام عن ماقاله رادوي فانا اقول كلام رادوي عيب والدفاع عنه وهو يتكلم هالكلام عيب

ابو شاكر

محد يختلف على مستوى رادوي ابداً

انا كنصراوي اتمنى رادوي بالنصر

ولكن هالموضوع نتكلم فيه عن تصرف رادوي اللي يدافع عنه بشراسه المهيني ومن معه

الا اذا هم يرون كلامه عادي فالشكوى لله ههههههه

وتقلد تحيتي