عــمــي ...

[اخو سعدى]

السلام عليكم ..

الله يبارك بالمخيم اللي صار عندنا بالرياض وتشرفت بالسلام على الذين حضروا

ولكن للاسف ما طولت معهم لطبيعه عملي لاني كنت مناوب .. لكن الجايات اكثر

نرجع لمحور حديثنا هو عمي .. .. الله يخليه لنا ..

صار له فتره يدور على بنت الحلال يبي يكمل نص دينه وكل يوم رايحين

انا والوالد واخوي شنقل نخطب له ولكن للاسف مامن شين

المهم .. لقيت له وحده تعمل عندنا بالمستشفى .. وكلمناها ..ووافقت

ايه هذا عمي .. .. اسئلوا الشبث عنه ..

المهم كان لها شرط وحيد .. وهو ..

ان يكون .. عمي .. يؤمن بالانفتاح ..

عاد هذه شلون اوصلها لعمي .. واشرحها له ..

تكفون .. شلون ..

لاهنتوا جمعيا..

[منصور الغايب]

قله ... ياعمي ... الانفتاح بمعناها العصري الدارج ... إنك .. تنسى كلمة ... ((عيب)) ...

.
.
.


لاهنت أخي الحبيب ... وسعداء بعودتك ...

[عبدالرحمن]

هلا والله بأخي العزيز اخوسعدى وسعيد برؤية حروفك
حقيقة ان بعد السلام عليك والجلوس معك عن قرب في المخيم
تبن ليانك انسان تخجل الحروف من اظهار حقيقته!
اما عمك فالله يبارك فيه الذي اخرجك من صومعتك!
اما كيف الشرح فدع الامر عند اخوك عبدالرحمن
بعد شرح بسيط منك عن شخصية عمك!.
اكرر سعادتي فيك اسعدك ربي.

[اخو سعدى]

هلا اخي منصور ..

مشكلته جاي من الديره .. يعني على الفطره ..

حتى انه ماياكل بالمطاعم لانه مستحي احد يشوفه



لاهنت

[عبدالله الجعيثن]

يالله حيه



اشرقت الانوار ...



واما عمك ... ماعندي لك حل ... تدري ليه



انا ماعرف وش معناه ...

[اخو سعدى]

هلا اخوي عبدالرحمن

والله سررت برؤيتك ومعرفتك والتشرف بالسلام عليك ..طال الله عمرك ..

اما عمي ..


توه جاي من الديره وشهادته خامس ليلي وعمره فوق الاربعين بشوي

ومطلق زوجته الاولى وضايقه به الحال ..

يبي يكمل نص دينه ..


تسلم اخي عبدالرحمن

[اخو سعدى]

ابو غازي ..


لا ذا .. عمي يبي له حل ..

انا بيني وبينك سالت البنت وشلون انفتاح ..

قالت مابيه معقد زي السعوديين او الخليجيين وابيه عادي عنده كل شئ


لكن عمي .. اكيد ما يعجبه هالكلام ولا انا ولا انت بعد ..



لاهنت .. ابو غازي

[عبدالرحمن]

لو صار هذي مواصفات عمك طال عمرك فيه حل وحل حقيقة سيريحك ويريح عمك وكل الاطراف!
وهو ان تسلم عمك الى ابو ماجد وانا متاكد ان امور عمك تسير بشكل لا يصدق!
نعم سيتغير عمك تغيير مذهل لان ابو ماجد يملك اشياء لا استطيع ان افصح عنها.
اكرر لك تقديري.

[اخو سعدى]

والله انك صادق اخوي عبدالرحن

الشبث يبي يهج بوه والله على وجه ولكن خائف عليه يصير شاعر

مثل شاعرنا النابغه الشبث الزلامي ..


واذا صار شاعر هو يبي يقصد بخطيبته ويصر عليها ويبيع اللي دونه واللي قدامه


لكن .. بنشوف الشبث ..

[ليلى بنت عبدالعزيز]

الله يوفق عمك وكل مسلم
خلوه راح يفهم من الوقت اذا اعجبه راح يواكبه
واذا ما اعجبه راح هي تواكبه وتنسى الانفتاح وتترك حتى وظيفتها

نورت العام
ودمت بخير ..