سامرية المكشات ..!!
السلام عليكم
كل شين حطيناوه بحلق هالمكشات الله يستر من تاليه
الشاعر / ابراهيم السالم الخزام
الذيب يايمه عوا ** والجبل مرباه
شبعان يمه ويعوي ** مدري وش نوحه
خلي على الفرقا نوا ** والجبل مرباه
اللي كوى قلبي كوي ** مدري وش نوحه
شوفه لخفَّاقي دوا ** والجبل مرباه
قلبي يضيق ويلتوي ** مدري وش نوحه
جينا نبي نلعب سوا ** والجبل مرباه
أبيه بالملعب خوي ** مدري وش نوحه
ويقول لي مالك لوا ** والجبل مرباه
وانا بعون الله قوي ** مدري وش نوحه
حبل الموده ما انطوا ** والجبل مرباه
واشوف خلي منطوي ** مدري وش نوحه
عوده من الزين ارتوى ** والجبل مرباه
ظبيٍ وبه عرق بدوي ** مدري وش نوحه
رد مع اقتباس
المفضلات