الحمد للباري مثنا ..!!
الحمد للباري مثنا
رب السما منشي سحابه
اللي عطاني ماتمنا
طلباتنا سمعه واجابه
واذهب هكالقردين عنا
والمسلمين هو اعتنابه
لو زامل حي اشنا
بالي بقى ماطق بابه
اثر الحمير الى انهقنا
تجاذبن مثل الذيابه
الله كفانا كيدهنا
بنحورهن ربي رما به
لوكان له جيش يدنا
جيشه وخيله هن ذهابه
مايدري ان المن منا
واركابنا اكثر من ركابه
حنا لنا خيل تعنا
وارزاقنا دوم نهابه
بالسيف حامين وطنا
ومحمد شيخ لنا به
دون الجبل والضلع حنا
معيين به قبل الصحابه
بسيوف هند سنهنا
هو همنا قبل الحرابه
نلهى بهن وبصوغهنا
ملهى عروسن لى ثيابه
واللي يجي يذكر طعنا
يفطن لبقعا وش غدا به
والى غزينا الضد اكنا
واكواننا شف وش جرا به
وين الامام اللي محنا
وين الشيوخ اللي غزا به
وزويمل وش جاه منا
وعهوده اللي ماوفابه
قضب ذنب ولد مهنا
والبغي فكروش عقابه
القرد وقذار غدنا
وديارهم صارت خرابه
الأمير الفارس / حمود العبيد الرشيد
رد مع اقتباس
المفضلات