السلام عليكم ورحمة الله وبركاتة
صباح / مساء الخير اخواني .
بصراحة انا عندي قصة والقصيدة ماني حافظ منها الا ابيات قليلة.
القصة سمعتها قبل مايقارب العشر سنوات وحفظت القصيدة كامله لكني الآن لا
اتذكر الا ابيات قليلة وياليت اللي يحفظ القصيدة او يعرفها
يفيدنا بها اكثر .
القصة :
كان في احد جامعات مملكتنا طالبه تدرس اول سنه بالجامعة وهي وحيدة امها
وابوها البنت تملك من الجمال ماشالله وعلى ذمة الراوي : يقول ان جمالها أخآذ
واذا مرت تلفت الانتباه بشكل غير طبيعي الى درجة ان البنات وهن بنات
يطيلن النظر اليها من اعجاباً بحسنها
واذا دخلت القاعة متأخره الجميع ينظر لها حتى من تلقي
المحاضرة الى ان تجلس
والادهى من هذا وعلى ذمة رفيقنا ويمكن مبالغ شوي ان بعض المحاضرات
اذا وقعت عين احداهن على هذي البنت ضيعت الشرح .
المهم :
تعرفت عليها زميله لها من نفس التخصص وتعلقت فيها كثير وصارت بينهم
زيارات فقالت زميلتها لأهلها ليش مانخطب فلانه لأخوي واقنعت الكل بذلك .
وحددت موعد معها لزيارتهم بشكل رسمي .
تقدم الولد وافقت عليه البنت واهلها .
قال ابوالبنت : ياولدي ابيك تمرني بكرة ضروري قال الولد ابشر ياعم .
جاء الولد على الموعد مع الشايب قاله الشايب ياولدي انت تقدمت هالحين وحنا وافقنا .
بس ابعلمك بسر وبعدها قرر انت تبيها والا (لا)
واذا ماتبيها بذمتك لايطلع هذا السر لأي مخلوق انهبل الولد قال ابشر ياعم وش سرك ؟!
قال :
البنت بنتنا بس بالتبني ( يعني لقيطة )
هاه وش قلت .
قال الولد ياعم انا انسحب واوعدك ان سرك ابير .
راح الولد لأهلوه وقالهم انا خلاص ماني متزوج ولا ابي اتزوج دوم .
حاولوا اهله يعرفون وش السبب وش السالفه عيا لايعلمهم سكت الشايب
وسكتت العجوز ونسوا .
بس اخته مانست وقامت تزن على راسه ليش وش السالفه وين تلقى احسن منها
وش ناقصها وسنه كامله وهي تزن .
استلسم الولد للأمر الواقع وعلمها بالسر وقال لاتعلمين احد >> وهي ماصدقت .
افضحتها بالجامعة وتغيرت نظرت العالم لها وبعض البنات قاموا يقطون عليها نغزات ولمزات .
لين جاء اليوم المشؤوم بالنسبه لها وسمعت الحقيقة . وانهبلت وقامت تنتظر متى ترجع للبيت على احر من الجرم يمكن امها والا ابوها يكذبون الخبر ومن دخلت البيت وهي على امها على طول وتقولها :
يمه صحيح ماني بنتكم صحيح انتم تبنيتوني صحيح انا لقيطة بكت ألام وفلت السبحه كلها لها .
ومن يومها والبنت ماطبت الجامعة وصارت حبيست الغرفة .
وكتبت قصيدة طويلة ماني حافظ منها الا هالأبيات واللي يعرف اكثر يفيدنا .
ربيت بأحظان الحياة السعيدة
...... ( .................................)
.........................
...... وكبرت معاي اجراح والآم واحزان
وصارت حياتي واقعي ماتريدة
...... صمتن يذل وعار عايشلي ازمان
وين التسامح وين صدق العقيدة
...... ليه ازدواج الفكر يااخوي الانسان
ذنبي خطيت والديني شديدة
...... راحوا وخلوني للأحزان عنوان
قفوا وخلوا من لحمهم طريدة
...... بعيون خلق الله وليده للشيطان
هذي القصة والقصيدة وانا حاولت اكلم الراوي وللأسف حتى هو ناسي القصيدة وتعاونت انا وياه ويالله تذكرنا هالابيات .
اعذروني على القصور
تحيااااتي
رد مع اقتباس
المشاركة الأصلية كتبت بواسطة أبو فهد
المفضلات